ఢిల్లీని జల్లెడపడుతున్న పోలీసులు.. వారికోసమేనా?

న్యూఢిల్లీ: దేశవ్యాప్తంగా సంచలనం రేపుతున్న ఢిల్లీలోని తబ్లీగి జమాతే కరోనా కేసుల అంశం రాష్ట్రాలను ఉక్కిరిబిక్కిరి చేస్తోంది. ఇప్పటికే చాలా మందిని ఐసొలేషన్ కు తరలించినప్పటికీ దేశ రాజధానిలోని వివిధ మసీదులలో ఎక్కువ మంది విదేశీయులు ఉంటున్నారని దర్యాప్తులో తేలిందని కేంద్రం ప్రకటించింది. ఢిల్లీలోని మసీదుల్లో ఉన్న మిగిలిన వారిని గుర్తించడానికి కేంద్రం, ఢిల్లీ పోలీసులకు ఆదేశాలు జారీ చేసింది. 

నిజాముద్దీన్ పరిసర ప్రాంతాల్లో జరిగిన మత సమ్మేళనంలో పాల్గొన్న వివిధ దేశాలకు చెందిన మత ప్రచారకులు నగరంలోని మసీదుల్లో నివసిస్తున్నారన్న సమాచారం తమకుందని, చాలా మంది విదేశీయులను కనిపెట్టడానికి 30 మందితో స్పెషల్ టాస్క్ఫోర్స్ ఏర్పాటు చేశామని కేంద్రం ప్రకటించింది. గత నాలుగు రోజుల నుండి పోలీసులు, ఆరోగ్య శాఖకు సంబంధించిన అధికారులు పెద్ద ఎత్తున బృందాలుగా ఏర్పడ్డాయని, మసీదులను జల్లెడ పడుతున్నాయని, జమాతే మాట ప్రార్థనల్లో సుమారుగా 800 మంది విదేశీయులు పాల్గొన్నట్లుగా గుర్తించామని తెలిపారు.