Suryakumar Yadav Birthday Special: టీమిండియా నయా మిస్టర్ 360 సూర్యకుమార్ యాదవ్ నేడు (సెప్టెంబర్ 14) తన 33వ పుట్టినరోజు జరుపుకుంటున్నాడు. భారత జట్టులోకి లేటుగా ఎంట్రీ ఇచ్చిన తన అద్భుతమైన ఆటతీరుతో మైమరిపిస్తున్నాడు. ముఖ్యంగా టీ20ల్లో సూర్య మెరుపులకు ప్రత్యర్థి బౌలర్లు బెంబేలెత్తిపోతున్నారు.
ఈ సీజన్‌ ఐపీఎల్‌లో సూర్యకుమార్ యాదవ్ 200-ప్లస్ స్ట్రైక్ రేట్‌తో నాలుగుసార్లు యాభై-ప్లస్ స్కోర్‌లను సాధించిన ఏకైక బ్యాట్స్‌మెన్‌గా నిలిచాడు.
ఓవరాల్‌గా ఈ ఐపీఎల్‌లో 180-ప్లస్ స్ట్రైక్ రేట్‌తో 600 ప్లస్ పరుగులు చేసిన ఏకైక భారతీయ ఆటగాడిగా రికార్డు క్రియేట్ చేశాడు.
నాన్ ఓపెనర్‌గా టీ20ల్లో అత్యధిక సెంచరీలు చేసిన ఆటగాడిగా సూర్యకుమార్ యాదవ్ రికార్డు సృష్టించాడు. 2022లో నాటింగ్‌హామ్‌లో జరిగిన టీ20 మ్యాచ్‌లో ఇంగ్లాండ్‌పై 117 పరుగులతో అత్యుత్తమ ప్రదర్శన చేశాడు.
2022లో ఒక సంవత్సరంలో 1,000-ప్లస్ టీ20 పరుగులు చేసిన ఏకైక టీమిండియా ప్లేయర్ సూర్యకుమార్ యాదవ్. ఒక సంవత్సరంలో అత్యధిక టీ20 సిక్సర్లు (68) బాదిన ఆటగాడిగానూ నిలిచాడు.
పర్సనల్ లైఫ్‌ విషయానికి వస్తే.. దేవిషా శెట్టి, సూర్యకుమార్ యాదవ్ కాలేజీ రోజుల్లో ప్రేమలో పడ్డారు. ఆ తరువాత దేవిషా-సూర్య జూలై 7, 2016న వివాహం చేసుకున్నారు.
