కాజల్ అగర్వాల్ పుట్టిన రోజు కానుకగా ఆమె నటిస్తున్న లేటెస్ట్ మూవీ రణరంగం సినిమాకు సంబంధించిన ఫస్ట్ లుక్ విడుదలైంది. బీచ్ ఒడ్డున చీర్ గర్ల్‌లా ఉన్న ఫోటోతో అమ్మడు ఫస్ట్ లుక్‌కి ఫోజిచ్చింది. శర్వానంద్ గ్యాంగ్ స్టర్ పాత్ర పోషిస్తున్న ఈ రొమాంటిక్ ఎంటర్‌టైనర్‌లో శర్వాకు కాజల్ జంటగా నటిస్తోంది. హలో, చిత్రలహరి చిత్రాల ఫేమ్ కళ్యాణి ప్రియదర్శన్ ఈ సినిమాలో మరో హీరోయిన్‌గా నటిస్తోంది. స్వామి రారా సినిమాతో దర్శకుడిగా పరిచయమైన సుధీర్ వర్మ డైరెక్ట్ చేస్తోన్న ఈ సినిమాపై కాజల్ భారీ అంచనాలే పెట్టుకుంది. ఖైదీ నెంబర్ 150 ఆమె ఖాతాలో చివరి హిట్ కాగా ఆ తర్వాత తెలుగులో ఆమె చేసిన సినిమాలు ఏవీ కలిసిరాకపోవడమే అందుకు ఓ కారణం.
ఇదిలావుంటే, మరోవైపు రఫ్ గడ్డంతో శర్వానంద్ లుక్ కూడా ఇప్పటికే విడుదలై ఆకట్టుకున్న సంగతి తెలిసిందే. ఇక రణరంగం సినిమా ఎలా ఉండనుందో తెలియాలంటే ఆగష్టు 2వ తేదీన సినిమా విడుదలయ్యే వరకు వేచిచూడాల్సిందే.
