Madonna B Sebastian Bumper Offer: అనుపమా పరమేశ్వరన్ బిజీ అవడం మరో మళయాళ భామకు కలిసొచ్చింది. తాజాగా మడొన్నా సెబాస్టియన్ కు ఒక బంపర్ ఆఫర్ తగిలినట్టు చెబుతున్నారు. ఆ వివరాల్లోకి వెళితే
తెలుగువారికి మడొన్నా సెబాస్టియన్ గురించి పెద్దగా పరిచయం లేదు కానీ వాస్తవానికి ఆమె తెలుగులో కూడా కొన్ని సినిమాలు చేసింది,
ప్రేమమ్ సినిమా ద్వారా మలయాళ సినీ పరిశ్రమలో హీరోయిన్ గా మారిన ఆమె ఆ తర్వాత తమిళంలో కూడా ఒక సినిమాలో హీరోయిన్ గా నటించింది. తర్వాత ఎక్కువగా తమిళ మలయాళ సినిమాల్లో ఆమె నటిస్తూ వచ్చింది. తెలుగు ప్రేమమ్ లో కూడా ఆమె ఒక కీలక పాత్రలో నటించి ప్రేక్షకులకు పరిచయమైంది.
అలాగే ఆమె శ్యాం సింగరాయ్ అనే సినిమాలో కూడా లాయర్ పద్మావతి పాత్రలో కనిపించింది. అయితే ఇప్పుడు ఈ భామ నక్కతోక తొక్కినట్లుగా తెలుస్తోంది.
డీజే టిల్లు సినిమాతో సూపర్ సక్సెస్ అందుకున్న సిద్దు జొన్నలగడ్డ దానికి సీక్వెల్ గా టిల్లు స్క్వేర్ అనే సినిమా చేస్తున్నారు ఇప్పటికే ఆ సినిమా నుంచి ఒకసారి శ్రీ లీలా మరోసారి అనుపమ పరమేశ్వరన్ తప్పుకోవడంతో ఇప్పుడు ఆ పాత్ర మడొన్నా సెబాస్టియన్ ను ఎంపిక చేసినట్టు తెలుస్తోంది.
కేరళకు చెందిన ఈ భామ ఇప్పుడు సిద్దు జొన్నలగడ్డ సరసన హీరోయిన్గా నటించబోతున్నట్లు టాక్ వినిపిస్తోంది.
