Simba Movie Streaming on Amazon Prime: జగపతి బాబు, అనసూయ కీలక పాత్రల్లో నటించిన మూవీ సింబా. థియేటర్‌లో హిట్ టాక్ తెచ్చుకున్న ఈ మూవీ ప్రస్తుతం అమెజాన్ ప్రైమ్, ఆహా ఓటీటీల్లో స్ట్రీమింగ్ అవుతోంది. ఓటీటీలో కూడా ఆడియన్స్ నుంచి విపరీతమైన రెస్పాన్స్ వస్తుండడంతో టాప్‌లో ట్రెండ్ అవుతోంది. సైన్స్ ఫిక్షన్ క్రైమ్ థ్రిల్లర్ బ్యాక్‌డ్రాప్‌లో రూపొందిన ఈ సినిమా ఆద్యాంతం ప్రేక్షకులను ఆకట్టుకుంటోంది.
వృక్షో రక్షతి రక్షితః అనే కాన్సెప్టుతో సింబా మూవీని మేకర్స్ తెరకెక్కించారు. జగపతి బాబు, అనసూయతోపాటు వశిష్ట, శ్రీనాథ్, కస్తూరి, దివి తదితరులు కీలక పాత్రలు పోషించారు.
మురళీ మనోహర్ రెడ్డి దర్శకత్వం వహించగా.. సంపత్ నంది టీం వర్క్స్, రాజ్ దాసరి ప్రొడక్షన్స్‌ ఆధ్వర్యంలో తెరకెక్కింది.
అమెజాన్ ప్రైమ్‌లో ఈ మూవీకి గత పది రోజులుగా టాప్‌లో దూసుకుపోతుంది. ప్రస్తుతం టాప్-5లో ట్రెండ్ అవుతోంది.
ప్రకృతి కోపం వస్తే పరిణామాలు ఎంత తీవ్రంగా ఉంటాయో తెరపై చక్కగా చూపించారు. ఈ మూవీలోని డైలాగ్స్, సీన్స్ నెట్టింట బాగానే వైరల్ అయ్యాయి.
డైరెక్టర్ మురళీ మనోహర్ రెడ్డి తొలి సినిమాతో మంచి ప్రశంసలు అందుకున్నారు. మెసేజ్ ఓరియెంటెడ్ మూవీతో ఆడియన్స్‌ను మెప్పించాడు.
