Diwali School Holidays: విద్యార్థులకు తీపి కబురు అందించింది ప్రభుత్వం. దీపావళి సందర్భంగా వరుసగా 4 రోజులపాటు స్కూళ్లకు సెలవులు రానున్నాయి. ఇది విద్యార్థులకు గుడ్‌న్యూస్‌. మొన్నటి వరకు దసరా హాలిడేస్‌ దాదాపు 15 రోజులు వచ్చాయి. ఇప్పుడు మరోసారి వరుసగా నాలుగు రోజులు సెలవులు రావడంతో వారు ఉబ్బితబ్బైపోతున్నారు.
దీపావళి పండుగ మన దేశంలో అంగరంగ వైభవంగా జరుకుంటారు. మన జీవితపు అజ్ఞాన చీకట్లను తొలగించడానికి ఈ దీపాల పండుగను నిర్వహిస్తారు. ముఖ్యంగా చిన్నా పెద్దా అంతా కలిసి వైభవంగా జరుపుకొంటారు.
అయితే, ఈ ఏడాది దీపావళి పండుగ అక్టోబర్ 31న రానుంది. కొన్ని ప్రాంతాల్లో మరుసటి రోజు నవంబర్‌ 1వ తేదీన కూడా లక్ష్మీ పూజలు నిర్వహిస్తారు. కొన్నిప్రాంతాల్లో ఈ రెండు రోజులు సెలవులు కూడా ప్రటించారు.
దీపావళి పండుగ గురువారం రానుంది. శుక్రవారం కూడా సెలవులు ప్రకటించడంతో ఏకంగా సోమవారం వరకు స్కూళ్లకు కొన్ని ఉత్తరాది రాష్ట్రాలు సెలవులు ప్రకటించాయి. జమ్మూ వంటి రాష్ట్రాల్లో వరుసగా నాలుగు రోజులు స్కూళ్లకు సెలవు మంజూరు చేశారు.
ఈ నేపథ్యంలో ఆ ప్రాంతాల్లో అధికారిక ప్రకటన కూడా చేశారు. ఇక మన తెలుగు రాష్ట్రాల్లో ముఖ్యంగా తెలంగాణాలో ఇప్పటికే అక్టోబర్ 31న దీపావళి పండుగ సెలవు ప్రకటించారు. బ్యాంకులకు కూడా ఆరోజే సెలవు ఉంది.
స్కూళ్లు కాలేజీలకు సెలవులు పొడగిస్తారా? చూడాలి. అయితే, ఇప్పటికే భారీవర్షాలు వరదల నేపథ్యంలో గత నెల నుంచి భారీగా స్కూళ్లకు సెలవులు ప్రకటిస్తూనే ఉన్నారు.
ఆ తర్వాత దసరా సెలవులు కూడా వచ్చాయి. ఇటీవల ఏపీలో వరదల నేపథ్యంలో కొన్ని జిల్లాల్లో సెలవులు ప్రకటించారు. తీరప్రాంత, వరద ప్రభావితం ప్రాంతాలకు సెలవులు వచ్చాయి.
