Diabetes Foods: డయాబెటిక్ రోగులు తినే ఆహారం విషయంలో చాలా జాగ్రత్తలు పాటించాల్సి ఉంటుంది. ప్రతి ఆహార పదార్ధానికి గ్లైసెమిక్ ఇండెక్స్ ఉంటుంది. గ్లైసెమిక్ ఇండెక్స్ ఆధారంగా ఏ ఆహారం తినవచ్చు ఏది తినకూడదనేది తెలుసుకోవచ్చు. ఎందుకంటే గ్లైసెమిక్ ఇండెక్స్ ఎక్కువగా ఉన్న పదార్ధాలు డయాబెటిక్ రోగులు తినకూడదు.
లో ఫ్యాట్ మిల్క్ అనేది డయాబెటిక్ రోగులకు మరో మంచి ప్రత్యామ్నాయం. ఇందులో పోషకాలు చాలా ఎక్కువగా ఉంటాయి. గ్లైసెమిక్ ఇండెక్స్ తక్కువ కావడం వల్ల డయాబెటిస్ రోగులు ఆనందంగా తీసుకోవచ్చు.
క్యారట్ చలికాలంలో ఎక్కువగా వస్తుంది. ఇందులో పొటాషియం,బీటా కెరోటిన్, యాంటీ ఆక్సిడెంట్లు ఎక్కువగా ఉండటం వల్ల మధుమేహం వ్యాధిగ్రస్థులకు చాలా మంచిది.
రాజ్మా కూడా మధుమేహం వ్యాధిగ్రస్థులకు చాలా మంచిది. రాజ్మా గ్లైసెమిక్స్ ఇండెక్స్ తక్కువ. ప్రోటీన్లు పుష్కలంగా ఉంటాయి. డయాబెటిస్ రోగులకు రాజ్మా మంచి ఆహారం కాగలదు.
పప్పులు ఆరోగ్యానికి చాలా ప్రయోజనకరం. దైనందిన జీవితంలో వీటిని భాగంగా చేసుకుంటో ప్రోటీన్లు, ఫైబర్ కావల్సినంత లభిస్తుంది. దాంతోపాటు కాల్షియం, పొటాషియం, విటమన్ బి 9 పుష్కలంగా లభిస్తుంది. పుప్పుల గ్లైసెమిక్ ఇండెక్స్ కూడా 25-30 మధ్యలోనే ఉండటం వల్ల డయాబెటిక్ రోగులకు హానికారకం కాదు.
ఓట్స్ బ్రేక్‌ఫాస్ట్‌లో తీసుకుంటే చాలా ప్రయోజనకరం. ముఖ్యంగా డయాబెటిక్ రోగులకు చాలా మంచిది. ఇందులో ఫైబర్, బీటా గ్లూకన్ ఉండటం వల్ల మధుమేహం వ్యాధిగ్రస్థులకు చాలా ప్రయోజనకరం.
