Shankar Dada MBBS: మెగాస్టార్ చిరంజీవ హీరోగా, సోనాలి బింద్రే కథానాయికగా జయంత్ సి పరాన్జీ దర్శకత్వంలో తెరకెక్కిన ‘శంకర్ దాదా ఎంబీబీఎస్’ సినిమా చూసిన వాళ్లు అందులో పేషెంట్ పాత్రలో నటించిన చిన్న పిల్లాడు గుర్తున్నాడా..? సినిమాలో ఎలాంటి డైలాగులు లేకపోయినా.. సినిమా క్లైమాక్స్ వరకు ఆ పాత్ర ఉంటుంది.
శంకర్ దాదా ఎంబీబీఎస్ లో శ్రీరామచంద్ర మూర్తిగా యాక్ట్ చేసిన ఈ కుర్రాడు ప్రస్తుతం టాలీవుడ్ సినీ ఇండస్ట్రీని కుమ్మేస్తున్న మెగా ఫ్యామిలీ హీరో. అవును ప్రస్తుతం ఇతను వరుస సినిమాలతో టాలీవుడ్ ప్రేక్షకులను అలరిస్తున్నాడు.
ఇంతకీ ఆ హీరో ఎవరో కాదు. ఉప్పెన సినిమాతో తెలుగు సినీ ఇండస్ట్రీకి హీరోగా పరిచయమైన మెగా హీరోల చిన్న మేనల్లుడు వైష్ణవ్ తేజ్. టాలీవుడ్ హీరో సాయి దుర్గ తేజ్ తమ్ముడు. ప్రస్తుతం వరుస చిత్రాలు చేస్తున్నాడు.
శంకర్ దాదా MBBS సినిమా కంటే ముందు పవన్ కళ్యాణ్ దర్శకత్వం వహించిన ఏకైక చిత్రం ‘జానీ’ సినిమాలో చిన్నప్పటి హీరో పాత్రలో అలరించాడు. ఆ తర్వాత ‘అందరివాడు’ సినిమాలో బాలనటుడిగా నటించాడు.
ఈ రకంగా చిన్నప్పుడే పెద మామ మెగాస్టార్ చిరంజీవి తో స్క్రీన్ షేర్ చేసుకున్నాడు. అటు చిన మామతో డైరెక్ట్ గా స్క్రీన్ షేర్ చేసుకోక పోయినా.. చిన్నప్పటి పవన్ కళ్యాణ్ పాత్రలో నటించాడు.
బుచ్చిబాబు సన దర్శకత్వం వహించిన ‘ఉప్పెన’ సినిమాతో పరిచయమైన వైష్ణవ్ తేజ్.. ఆ తర్వాత చేసిన ‘కొండపొలం’ సినిమా చేసాడు. ఆ తర్వాత ‘రంగ రంగ వైభవంగా’, ఆది కేశవ చిత్రాలతో పలకరించాడు.
త్వరలో వైష్ణవ్ తేజ్ శ్రీలీలను పెళ్లి చేసుకోబోతున్నట్టు వార్తలు వస్తున్నాయి. వీళ్లిద్దరు కలిసి ‘ఆదికేశవ’ సినిమాలో నటించారు. అంతేకాదు వీళ్లిద్దరు ఆ సినిమా తర్వాత కలిసిమెలిసి తిరుగుతున్నట్టు వార్తలు వస్తున్నాయి. వీరు నిజంగా పెళ్లి చేసుకుంటారా లేకపోతే రూమరా అనేది తెలియాలి. కానీ నిప్పు లేనిదే పొగరాదుగా.. దీనిపై వీరే క్లారిటీ ఇస్తే బాగుంటుంది.
