Guava Health Benefits: పండ్లలో జామ పండు ఆరోగ్యానికి ఎంతో మేలు చేస్తుంది. చిన్న పిల్లల నుంచి పెద్దల వరకు సరదాగా తినే పండు జామ. జామకాయ పండు తింటే ఆరోగ్య ప్రయోజనాలు ఎన్నో జరుగుతాయి. జామకాయ వలన కలిగే ఆరోగ్య ప్రయోజనాలు తెలుసుకుందాం.
జామపండు ప్రతి ఒక్కరూ ఇష్టపడేది. గ్రామీణ ప్రాంతాలు.. మార్కెట్లలో జామ అందుబాటులో ఉంటుంది. పైగా చాలా తక్కువ ధరకే లభించే పండు ఇది.
జామపండులో విటమిన్ సీ పుష్కలంగా ఉంటుంది. ఇది రోగ నిరోధక శక్తిని పెంచుతుంది. ఇన్ఫెక్షన్ల నుంచి కాపాడి.. గాయం మానడంలో సహాయపడుతుంది. జామపండులో ఫ్లేవనాయిడ్స్, కెరోటినాయిడ్స్ వంటి యాంటీ ఆక్సిడెంట్లు కూడా మెండుగా ఉంటాయి.
జామ పండు తింటే జీర్ణ వ్యవస్థ చక్కగా పని చేస్తుంది. మలబద్ధకం వంటి సమస్యలను నివారిస్తుంది. జామపండులో ఫైబర్ పుష్కలంగా ఉంటుంది.
జామపండులో కేలరీలు చాలా తక్కువగా ఉంటాయి. బరువు తగ్గాలనుకునే వారు కచ్చితంగా జామ పండును తినాలి.
జామ పండులో యాంటీఆక్సిడెంట్లు, పొటాషియం, ఫైబర్ అధికంగా ఉంటాయి. వీటివలన రక్తపోటు, కొవ్వును తగ్గించడంతో గుండె ఆరోగ్యాన్ని కాపాడతాయి. తక్కువ గ్లైసెమిక్ ఇండెక్స్ ఉన్న జామ మధుమేహ రోగులకు మంచిది. ఇది రక్తంలో చక్కెర స్థాయిలను నియంత్రిస్తుంది.
చర్మ సంరక్షణకు కూడా జామపండు దోహదం చేస్తుంది. ఈ పండులో ఉండే విటమిన్ సీతో కొల్లాజెన్ ఉత్పత్తికి సహాయపడుతుంది.
జామపండు అకాల వృద్ధాప్యాన్ని నివారించడంలో.. చర్మాన్ని యవ్వనంగా ఉంచుతుంది.
జామపండులో విటమిన్ ఎ, బీటా కెరోటిన్ కూడా ఉన్నాయి. ఇవి కంటి చూపును మెరుగుపరచడంలో సహాయపడతాయి.
జామపండులో విటమిన్ బీ పుష్కలంగా ఉంటుంది. ఇది మెదడు పనితీరును మెరుగుపరుస్తుంది. జామపండు తినడంతో దానిలో ఉండే యాంటీ ఇన్‌ఫ్లమేటరీ లక్షణాలు తగ్గుతాయి.
