Devara Collections: ఇప్పుడంటే సినిమాల హిట్స్‌ను కలెక్షన్స్‌లో చూస్తున్నారు. కానీ గతంలో సినిమా ఆడిన రోజులు, ఎన్ని కేంద్రాల్లో రన్ అయిందాన్ని బట్టి.. హిట్, సూపర్ హిట్, బ్లాక్‌బస్టర్ హిట్ అనే వారు. 50 రోజులు, 100 రోజులు, 175 రోజుల విజయోత్సవ వేడుకలు చాలా గ్రాండ్‌గా నిర్వహించేవారు. ఇప్పుడు ఫస్ట్ డే కలెక్షన్స్, వారం కలెక్షన్స్ అంటూ కేంద్రాల ఊసే మర్చిపోయారు. ఇక ఈ టైమ్‌లో దేవర మూవీ రిలీజ్ అయి నేటికి 50 రోజులు పూర్తి చేసుకుంది.
కొరటాల శివ దర్శకత్వంలో ఎన్టీఆర్, జాన్వీ కపూర్ జంటగా నటించిన దేవర పార్ట్-1 మూవీ సెప్టెంబర్ 27న గ్రాండ్‌గా రిలీజ్ అయింది. పాన్ ఇండియా వైడ్‌గా ఈ మూవీ రూ.500 కోట్లకుపైగా వసూళ్లు రాబట్టింది.
థియేటర్స్‌లో అదరగొట్టిన దేవర.. ప్రస్తుతం ఓటీటీలోనూ దుమ్ములేపుతోంది. నెట్‌ఫ్లిక్స్‌లో స్ట్రీమింగ్ అవుతోంది.
కొరటాల శివ మేకింగ్, ఎన్టీఆర్ యాక్టింగ్‌కు ఫిదా అయ్యారు. డ్యూయల్ రోల్‌లో ఎన్టీఆర్ అదరగొట్టగా.. జాన్వీ కపూర్ తన అందచందాలతో అలరించింది.
దేవర పార్ట్-2పై ఫ్యాన్స్‌కు అంచనాలు పెరిగిపోగా.. త్వరలోనే సెట్స్‌పైకి వెళ్లే అవకాశాలు ఉన్నాయి.
నేటికి (నవంబర్ 15) దేవర మూవీ రిలీజ్ అయి 50 రోజులు అయింది. మొత్తం 52 కేంద్రాల్లో దేవర 50 రోజులు ఆడుతోందని ఫ్యాన్స్ పోస్టర్స్ రిలీజ్ చేశారు.
హైదరాబాద్‌లోని సుదర్శన థియేటర్‌లో భారీ కటౌట్ ఏర్పాటు చేశారు. అంతేకాకుండా పలు థియేటర్ల ముందు ఫ్యాన్స్ సందడి చేస్తున్నారు.
