Jr NTR with Tiger Suit at Oscars: ఆస్కార్ అవార్డులో వేడుకలో జూనియర్ ఎన్టీఆర్ టైగర్ ముఖం ఉన్న సూట్తో మెరిశాడు. ఆయన అలాంటి సూట్ ధరించడంతో అందరి దృష్టిని ఆకర్షించాడు, అయితే అది ఎందుకు ధరించానో కూడా చెప్పుకొచ్చారు. ఆ వివరాల్లోకి వెళితే
ఆస్కార్ అవార్డుల వేడుకలో జూనియర్ ఎన్టీఆర్ ఒక స్పెషల్ డిజైనర్ సూట్లో మెరిశారు. ఆ డిజైన్ చేయబడిన సూటు భుజాల మీద పులి బొమ్మ కనిపిస్తోంది.
రెడ్ కార్పెట్ మీద నడిచిన అనంతరం జూనియర్ ఎన్టీఆర్ను ఈ పులిబొమ్మ ఏమిటి అని అక్కడ యాంకర్ ప్రశ్నించగా మీరు మా సినిమా గమనిస్తే అందులో నేను ఒక పులితో పోరాడుతాను అందుకే సింబాలిక్ గా ఈ బొమ్మను వేసుకొచ్చానని అన్నాడు.
అదేవిధంగా గౌరవ్ గుప్తా చేత డిజైన్ చేయబడిన ఈ సూట్ లో నేనొక్కడినే కాదు నా దేశం మొత్తాన్ని నడిపిస్తున్నానని భావిస్తున్నాను, మా దేశ జాతీయ జంతువుగా పులిని గౌరవిస్తాం అందుకే దాని బొమ్మను నా భుజం మీద మోస్తున్నానని అన్నాడు.
దీంతో మిమ్మల్ని చూసి కేవలం భారతదేశం మొత్తమే కాదు సౌత్ ఏషియా మొత్తం గర్వపడుతుంది అంటూ అక్కడ యాంకర్ ఎన్టీఆర్ మీద ప్రశంసల వర్షం కురిపించింది.
ఇక తాను ఎప్పుడూ టీవీలో చూసి ఆనందపడడమే తప్ప ఇక్కడికి వస్తానని కలలో కూడా అనుకోలేదని ఎన్టీఆర్ పేర్కొన్నారు.
