Rakul Preet Singh International Yoga Day Stills
రకుల్ ప్రీత్ సింగ్ గురించి తెలుగు ప్రేక్షకులకు ప్రత్యేక పరిచయాలు అవసరం లేదు. వెంకటాద్రి ఎక్స్ప్రెస్ సినిమాతో పరిచయమైన ఈ హీరోయిన్.. ఆ తరువాత వరుసగా సినిమాలో చేస్తూ మంచి పేరు తెచ్చుకుంది. కొద్దిరోజుల నుంచి తెలుగు సినిమాలకు దూరంగా ఉన్న రకుల్..ఇప్పుడు తన ఇంస్టాగ్రామ్ ఫోటోల ద్వారా అందరిని ఆకట్టుకుంటుంది.
సందీప్ కిషన్ హీరోగా వచ్చిన వెంకటాద్రి ఎక్స్ప్రెస్.. సినిమా ద్వారా తెలుగు ప్రేక్షకులకు పరిచయమైన హీరోయిన్ రకుల్ ప్రీత్ సింగ్. ప్రార్థన.. ప్రతి రూపాయి కౌంట్ ఇక్కడ.. అని ఈ సినిమాలో రకుల్ చెప్పిన డైలాగ్ అప్పట్లో చాలా ఫేమస్ అయ్యింది.
మొదటి సినిమాతోనే మంచి విజయం అందుకోవడంతో.. తెలుగు సినిమా ఇండస్ట్రీలో రకుల్ కి వరస అవకాశాలు రావడం మొదలయ్యాయి. స్టార్ హీరోలు.. టైర్ 2 హీరోలతో వరస పెట్టి సినిమాలో నటించింది ఈ హీరోయిన్.
రకుల్ కెరియర్ తెలుగులో దూసుకుపోతున్న సమయంలోనే హిందీలోకి కూడా అడుగు పెట్టింది. అయితే రకుల్ ప్రీత్ సింగ్ కి హిందీలో అనుకున్న స్థాయిలో విజయాలు రాలేదు. మరోపక్క ఈ హీరోయిన్ కి తెలుగులో కూడా వరుస ప్లాపులు రావడం మొదలయ్యాయి. దాంతో తెలుగు సినిమాల ఆఫర్లు తగ్గుతూ వచ్చాయి.
ఇక రకుల్ ప్రీత్ సింగ్ ఈ సంవత్సరం ఫిబ్రవరి 21న.. దక్షిణ గోవాలోని ఐటీసీ గ్రాండ్ రిసార్టులో.. జాకీ భగ్నానీని వివాహ చేసుకుంది. బాలీవుడ్ కి చెందిన ఈ నిర్మాతతో కొద్ది సంవత్సరాల పాటు ప్రేమలో ఉండింది రకుల్. ఇక పెళ్లి చేసుకున్న.. రకుల్ ప్రస్తుతం కూడా పలు హిందీ సినిమాలను సైన్ చేసింది.
తెలుగులో మాత్రం రకుల్ కి ఇంకా అనుకున్న స్థాయిలో ఆఫర్లు రావడం లేదు. ఈ క్రమంలో ఈ హీరోయిన్.. ఈరోజు ఇంటర్నేషనల్ యోగా డే..సందర్భంగా షేర్ చేసిన ఇంస్టాగ్రామ్ ఫోటోలు.. తెగ వైరల్ అవుతూ అందరినీ ఆకట్టుకుంటున్నాయి.
