Hyderabad: హైదరాబాద్ లో ఒక్కసారిగా వాతావరణం మారిపోయింది. రెండు రోజుల నుంచి ఉక్కపోతగా ఉంటుంది. ఈ నేపథ్యంలో ఇప్పటికే వాతావరణ కేంద్రం రానున్న ఐదురోజుల పాటు వర్షం పడుతుందని ఆల్రెడీ అలర్ట్ జారీచేసింది.
హైదరాబాద్ లో ఒక్కసారిగా దట్టమైన మేఘాలు అలుముకున్నాయి. దీంతో చాలా ప్రాంతాలలో ఉరుములు, మెరుపులతో వర్షం కురుస్తుంది. రెండు గంటల నుంచి ఏకధాటిగా పలు ప్రాంతాలలో వర్షం పడుతుంది.
వర్షం గ్యాప్ లేకుండా కురుస్తుండటంతో ట్రాఫిక్ కు తీవ్ర అంతరాయం ఏర్పడింది. జనాలు ముందుకు వెళ్లలేక.. ట్రాఫిక్ లో ఒక్కసారిగా ఇరుక్కుపోయినట్లు తెలుస్తోంది. రోడ్లపైన గుంతలలో నీళ్లు నిలిచి పోవడంతో వాహనాలు కూడా గుంతల వల్ల వాహనదారులు నరకం అనుభవిస్తున్నారు.
ఇక బక్రీద్ పండుగ నేపథ్యంలో షాపింగ్ చేద్దామని బైటకు వచ్చిన వారు వర్షానికి తడిసిపోయినట్లు తెలుస్తోంది. ముఖ్యంగా హైదరాబాద్ అంతాట జనజీవనం ఒక్కసారిగా అస్తవ్యస్తంగా మారిపోయింది. మరో మూడు రోజుల పాటు ఇలాగే వర్షాలు పడతాయని తెలుస్తోంది.
ఇప్పటికే స్కూళ్లు కూడా తెరుచుకున్నాయి. ఒకవైపు ఉద్యోగులు, మరోవైపు పిల్లలు సాయంత్రం వేళ స్కూళ్లనుంచి బైటకు వస్తుంటారు. ఈ క్రమంలో వర్షం పడుతుండటంతో జనాలు అవస్థలు పడుతున్నారు.
హైదరాబాద్ లోని సోమాజిగూడ, సికింద్రాబాద్,లింగం పల్లి, చందానగర్, జూబ్లీహిల్స్, హైటేక్ సిటీ, దిల్ సుఖ్ నగర్, మోహిదీపట్నం, పలు ప్రాంతాల్లో వర్షం కురుస్తుంది. ఇక మేడ్చల్ లో కూడా వర్షం పడుతున్నట్లు తెలుస్తోంది.
తెలంగాణలోని పలు జిల్లాలలో కూడా వర్షం కురుస్తుంది. నిజామాబాద్, నిర్మల్ , ఆదిలాబాద్, తాండూరు, కరీంగనగర్, వరంగల్, ఖమ్మం వంటి మొదలైన జిల్లాలలో వర్షం కురుస్తుందని తెలుస్తోంది. రానున్న రోజుల్లో మరింతగా భారీనుంచి అతి భారీగా వర్షాలు కురుస్తాయని వాతావరణ కేంద్రం అలర్ట్ ను జారీచేసింది.
