IMD Alert Heavy Rains: ఆగ్నేయంగా బంగాళాఖాతంలో ఊపరితల ఆవర్తనం ఏర్పడింది. నేడు ఇది అల్పపీడనంగా మారే అవకాశం ఉందని వాతావరణ శాఖ వెల్లడించింది... దీంతో రెండు జిల్లాలు అతి భారీ వర్షాలు కురుస్తాయని హెచ్చరించింది ఆ పూర్తి వివరాలు తెలుసుకుందాం.
ఆగ్నేయ బంగాళాఖాతంలో ఏర్పడిన ఉపరితల ఆవర్తనం వల్ల రెండు జిల్లాల్లో భారీ వర్షాలు కురుస్తాయని వాతావరణ శాఖ హెచ్చరించింది. ముఖ్యంగా రాయలసీమ, దక్షిణ కోస్తా జిల్లాలో భారీ వర్షాలు కురుస్తాయి.
ఈ ప్రాంతాల్లో ఉండే మత్స్య కారులు సముద్రంలో వేటకు వెళ్లకూడదని హెచ్చరించింది. అంతేకాదు వరికోతకు వెళ్లే రైతులను కూడా జాగ్రత్తలు తీసుకోమని సూచించింది.
ఆగ్నేయ బంగాళాఖాతంలో ఏర్పడిన ఆవర్తనం తీవ్ర అల్పపీడనంగా నేడు మారి పశ్చిమ వాయువ దిశగా కదులుతూ ఈనెల 12వ తేదీ నాటికి తీరం దాటే అవకాశం ఉంది.
దీంతో ఆ రోజున తమిళనాడు, దక్షిణ కోస్తా, రాయలసీమ జిల్లాలో భారీ వర్షాలు కురుస్తాయని భారత వాతావరణ శాఖ హెచ్చరించింది. తీర ప్రాంత ప్రజలు అలర్ట్ గా ఉండాలని సూచించింది.
ఈ ప్రభావం తెలంగాణలో కూడా మోస్తారుగా ఉంటుందని తెలిపింది. ఇప్పటికే ఉష్ణోగ్రత స్థాయిలు పడిపోయాయి. చెన్నై ప్రాంతంలో తీవ్ర వర్షాలు కురుస్తున్నాయి తుఫాను నేపథ్యంలో స్కూళ్లకు విద్యాశాఖ సెలవులు ప్రకటించిన సంగతి తెలిసిందే.
