Ind vs Aus: ప్రస్తుతం ఇండియా ఆస్ట్రేలియా టీ20 సిరీస్ స్వదేశంలో జరుగుతోంది. ఇప్పటికే 3 మ్యాచ్‌లు ముగియగా ఇండియా 2-1 ఆధిక్యంతో ఉంది. రేపు అంటే డిసెంబర్ 1న జరగనున్న నాలుగో టీ20లో విజయం సాధించి సిరీస్ కైవసం చేసుకునేందుకు ఇండియా సిద్ధమైతే..సిరీస్ సమం చేసేందుకు ఆసీస్ ప్రయత్నించనుంది.
ఇండియా, ఆస్ట్రేలియా మధ్య జరుగుతున్న 5 టీ20ల సిరీస్‌లో మొదటి రెండు మ్యాచ్‌లు ఇండియా గెలవగా మూడో టీ20లో ఆస్ట్రేలియా విజయం సాధించింది. ఇంకా రెండు టీ 20లు మిగిలాయి. సిరీస్ 2-1 ఆధిక్యంలో ఉన్న టీమ్ ఇండియా డిసెంబర్ 1 అంటే రేపు రాయ్‌పూర్‌లో జరగనున్న నాలుగో టీ20లో విజయంతో సిరీస్ కైవసం చేసుకోవాలని చూస్తోంది. అటు ఆస్ట్రేలియా కూడా నాలుగో టీ20లో విజయంతో సిరీస్ సమం చేసేందుకు ప్రయత్నించనుంది. ఈ నేపధ్యంలో నాలుగో టీ20 అత్యంత ఆసక్తిగా మారుతోంది. టీమ్ ఇండియాలో కీలక మార్పు చోటుచేసుకోనుంది. బీసీసీఐ ముందుగా ప్రకటించినట్టుగా నాలుగో టీ20కు శ్రేయస్ అయ్యర్ వైస్ కెప్టెన్‌గా ఎంట్రీ ఇవ్వనున్నాడు. ప్రపంచకప్ ఆడిన శ్రేయస్ అయ్యర్‌కు బీసీసీఐ మొదటి మూడు మ్యాచ్‌లలో విశ్రాంతి కల్పించింది.
శ్రేయస్ అయ్యర్ జట్టులో రావడంతో ప్లేయింగ్ 11 నుంచి తిలక్ వర్మను తప్పించే అవకాశాలు కన్పిస్తున్నాయి. ఎందుకంటే రింకూ సింగ్, రుతురాజ్ గైక్వాడ్, యశస్వి జైస్వాల్, ఇషాన్ కిషన్ ఇప్పటికే ఫామ్‌లో ఉన్నారు. సూర్య కుమార్ యాదవ్ కెప్టెన్‌గా రాణిస్తున్నాడు. మిగిలిన సభ్యులు బౌలర్లు అయినందున తిలక్ వర్మపైనే వేటు పడే అవకాశాలు కన్పిస్తున్నాయి. అటు ఆస్ట్రేలియా జట్టులో మ్యాక్స్‌వెల్ అందుబాటులో ఉండటం లేదు. అతడు మూడో టీ20 తరువాత స్వదేశానికి వెళ్లిపోయాడు.
టీమ్ ఇండియా
సూర్యకుమార్ యాదవ్, శ్రేయస్ అయ్యర్, రుతురాత్ గైక్వాడ్, ఇషాన్ కిషన్, యశస్వి జైస్వాల్, తిలక్ వర్మ, జితేష్ శర్మ, రింకూ సింగ్, వాషింగ్టన్ సుందర్, అక్షర్ పటేల్, శివమ్ దూబే, రవి బిష్ణోయ్, అర్షదీప్ సింఘ్, ప్రసిద్ధ్ కిృష్ణ, అవేష్ ఖాన్, ముకేశ్ కుమార్
ఆస్ట్రేలియా
మాథ్యూవేడ్, జాసన్ బెహ్రెన్‌డార్ఫ్, టీమ్ డేవిడ్, బెన్ ద్వార్షుయస్, నాథన్ ఎల్లిస్, క్రిస్ గ్రీన్, ఆరోన్ హార్డీ, ట్రావిస్ హెడ్, బెన్ మెక్ డెర్మాట్, జోష్ ఫిలిప్, తన్వీల్ సంఘా, మాట్ షార్ట్, కేన్ రిచర్డ్‌సన్
Also read: T20 Top Batters: టీ20 ఫార్మట్ క్రికెట్‌లో టాప్ 7 బ్యాటర్లు ఎవరో తెలుసా
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://play.google.com/store/apps/details?id=com.indiadotcom.zeetelugu
Apple Link - https://apps.apple.com/in/app/zee-telugu-news/id1633190712
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
