Qualifier 1 RR vs RCB Live: ప్లేఆఫ్స్‌ అవకాశాలు కోల్పోయిన వేళ అద్భుతంగా పుంజుకుని వరుస విజయాలతో రాయల్‌ చాలెంజర్స్‌ బెంగళూరు ఎలిమినేటర్‌ మ్యాచ్‌కు అర్హత సాధించింది. కీలకమైన మ్యాచ్‌లో బెంగళూరు మోస్తరు లక్ష్యం రాజస్థాన్‌ రాయల్స్‌కు నిర్దేశించింది. అహ్మదాబాద్‌ స్టేడియంలో జరిగిన మ్యాచ్‌లో మొదట బ్యాటింగ్‌కు దిగిన బెంగళూరు 8 వికెట్ల నష్టానికి 172 పరుగులు చేసింది.
Also Read: IPL Qualifier 1 KKR vs SRH: ఫైనల్‌లోకి కోల్‌కత్తా నైట్‌ రైడర్స్‌.. సన్‌రైజర్స్‌ ఘోర వైఫల్యం
అహ్మదాబాద్‌ వేదికగా బుధవారం జరిగిన ఎలిమినేటర్‌ మొదటి మ్యాచ్‌లో టాస్‌ ఓడి రాయల్‌ చాలెంజర్స్‌ బెంగళూరు బ్యాటింగ్‌కు దిగింది. 20 ఓవర్లలో 8 వికెట్లు కోల్పోయి 172 పరుగులు చేసింది. భారీగా పరుగులు వస్తాయనుకుంటే మోస్తరు స్కోరే లభించింది. స్టార్‌ బ్యాటర్‌ విరాట్‌ కోహ్లీ సహా ఏ బ్యాటర్‌ కూడా భారీ ఇన్నింగ్స్‌ ఆడలేకపోయారు. 24 బంతుల్లో కోహ్లీ 33 పరుగులు చేసి ఔటయ్యాడు.
Also Read: IPL Qualifier 1 KKR vs SRH: హైదరాబాద్‌ నడ్డి విరిచిన కోల్‌కత్తా బౌలర్లు.. స్వల్ప స్కోరుకు పరిమితం
అంతకుముందే కెప్టెన్‌ ఫాఫ్‌ డుప్లెసిస్‌ 17 పరుగులు మాత్రమే చేశాడు. కామెరూన్‌ గ్రీన్‌ 27 పరుగులు చేయగా.. రాజత్‌ పతిదర్‌ 34 స్కోర్ నమోదు చేశాడు. బ్యాటర్లందరిలో రజత్‌ చేసిన స్కోర్ అత్యధికం కావడం గమనార్హం. గ్లెన్‌ మ్యాక్స్‌వెల్‌ గోల్డెన్‌ డకౌట్‌ కావడం బెంగళూరు అభిమానులను తీవ్ర నిరాశకు గురి చేసింది. అనంతరం మహిపాల్‌ లమ్రోర్‌ బ్యాట్‌తో విలువైన పరుగులు రాబట్టాడు. 17 బంతుల్లో 32 పరుగులు చేసి పర్వాలేదనిపించాడు. అనంతరం దినేశ్‌ కార్తీక్‌ 11, స్వప్నిల్‌ సింగ్‌ 9, కర్ణ్‌ శర్మ 5 చొప్పున పరుగులు చేసి కొంత స్కోర్ బోర్డును పెంచారు.
రాజస్థాన్‌ బౌలర్లు పొదుపుగా బంతులు వేస్తూ బెంగళూరు స్కోర్ బోర్డుకు కళ్లెం వేశారు. పవర్‌ ప్లే నుంచి ఆఖరి బంతి వరకు చక్కగా బౌలింగ్‌ వేసి ఆర్‌సీబీని నామమాత్రపు స్కోర్‌కు పరిమితం చేశారు. ఆవేశ్‌ ఖాన్‌ రెచ్చిపోయాడు. 44 పరుగులు ఇచ్చినా 3 వికెట్లు తీసి సత్తా చాటాడు. సీనియర్‌ బౌలర్‌ రవిచంద్రన్‌ అశ్విన్‌ రెండు వికెట్లు పడగొట్టాడు. ఇక పదును కోల్పోయిన యుజర్వేంద్ర చాహల్‌ కీలకమైన విరాట్‌ కోహ్లీ వికెట్‌ తీయడం గమనార్హం. బ్యాటింగ్‌లో కుదురుకున్న కోహ్లీని చాహల్‌ వెనక్కి పంపించడం మ్యాచ్‌లో హైలెట్‌. ట్రెంట్‌ బౌల్ట్‌, సందీప్‌ శర్మ, చెరొక వికెట్‌ తీశారు.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Facebook, Twitter
