close

News WrapGet Handpicked Stories from our editors directly to your mailbox

ట్రంప్‌కు సొంత మనుషుల నుండే వ్యతిరేకత?

అమెరికా అధ్యక్షుడు డొనాల్డ్ ట్రంప్‌ పాలనపై తన సొంత ప్రభుత్వంలోని వ్యక్తులే వ్యతిరేకత కనబరుస్తున్నట్లు వార్తలు వస్తున్నాయి.

Updated: Sep 6, 2018, 11:12 PM IST
ట్రంప్‌కు సొంత మనుషుల నుండే వ్యతిరేకత?

అమెరికా అధ్యక్షుడు డొనాల్డ్ ట్రంప్‌ పాలనపై తన సొంత ప్రభుత్వంలోని వ్యక్తులే వ్యతిరేకత కనబరుస్తున్నట్లు వార్తలు వస్తున్నాయి. ఇటీవలే ఆయనకు వ్యతిరేకంగా న్యూయార్క్ టైమ్స్‌లో ఓ ప్రభుత్వ అధికారి వ్యాసం రాశారు. ప్రస్తుతం ఆ వ్యాసం అమెరికాలో పెద్ద దుమారమే రేపుతోంది. ట్రంప్‌ను అధ్యక్షుడిగా తొలిగించాలని ఆయన ప్రభుత్వంలోని కొందరు వ్యక్తులు ఆయనకు తెలియకుండా పావులు కదిపారని.. ఒకానొక సందర్భంలో స్వయాన క్యాబినెట్ సభ్యులే ఆ నిర్ణయం తీసుకొనేందుకు ముందుకు వచ్చారని ఆ వ్యాసంలో పేర్కొన్నారు.

అయితే అలా చేయడం వల్ల చాలా విపరీత పరిణామాలను దేశం ఎదుర్కోవలసి వస్తుందని భావించి నిర్ణయాన్ని ఉపసంహరించుకున్నారని ఆ వ్యాసంలో తెలియజేశారు. ట్రంప్ తీసుకొనే నిర్ణయాలు కొన్ని తలనొప్పిగా తయారవ్వడమే అప్పట్లో ఆ నిర్ణయాన్ని తాము తీసుకోవడానికి కారణమని ఆ వ్యాసకర్త తెలిపారు. వ్యాసకర్త మారుపేరుతో ఆ వ్యాసాన్ని ప్రచురించడంతో ట్రంప్ న్యూయార్క్ టైమ్స్ పత్రికపై విరుచుకుపడ్డారు. దీనిని పిరికిపందల చర్యగా కొట్టిపారేశారు.

ఈ క్రమంలో శ్వేతభవనం కార్యదర్శి సారా శాండర్స్ ఈ వ్యాసాన్ని ప్రచురించిన పత్రికకు ఫోన్ చేసి.. బేషరతుగా అధ్యక్షుడికి క్షమాపణ చెప్పాలని డిమాండ్ చేశారు. అలాగే.. ఈ వ్యాసాన్ని ప్రచురించిన వ్యక్తి పేరును బహిర్గతం చేయాలని తెలిపారు. "ఫెయిలింగ్ న్యూయార్క్ టైమ్స్" అని అప్పటికే ట్రంప్ ట్వీట్ చేశారు.