Anand Mahindra એ Rohit Shetty ને કહ્યું મારી આ ગાડી ઉડાડવા માટે તમારે ન્યૂક્લિયર બોમ્બની જરૂર પડશે!

નવી દિલ્લીઃ બોલીવુડમાં ફાઈટ સીનની વાત આવે ત્યારે હવામાં ગાડી ઉડતી દેખાય તો સમજી લેવું આ બોસ, આ રોહિત શેટ્ટીની જ ફિલ્મ હશે. રોહિત શેટ્ટી એક એવા નિર્માતા છે, જેને પોતાને ગાડીઓની તોડફોડમાં ખુબ જ રસ પડે છે. તેમણે ઘણે વાર પોતાના ઈન્ટરવ્યૂમાં પણ આ વાત કહી છેકે, તેમને આ પ્રકારની સીન્સ ક્રિએટ કરવામાં ખુબ મજા આવે છે. એટલું જ નહીં આ પ્રકારના ફાઈટ સીન્સથી બોલીવુડની મુવીમાં પણ હોલીવુડની જલક જોવા મળે છે. 

Rohit Shetty ji, is gaadi ko udaane ke liye aap ko ek nuclear bomb ki aavashyakata hogi…🙂 #BigDaddyOfSUVs #MahindraScorpioN https://t.co/wfmVihUvoE

— anand mahindra (@anandmahindra) May 21, 2022

ત્યારે જાણીતા બિઝનેસમેન આનંદ મહિન્દ્રા સોશિયલ મીડિયા પર લોકો સાથે જોડાયેલા છે. મહિન્દ્રા ગ્રૂપના ચેરમેન ટ્વિટર પર પોતાના ટ્વીટ કે કોમેન્ટ્સથી લોકોનું દિલી જીત લે છે. હાલમાં જ આનંદ મહિન્દ્રાનું એક ટ્વીટ ખૂબ જ વાયરલ થઈ રહ્યું છે. બિઝનેસ મેન આનંદ મહિન્દ્રાએ બોલીવુડ ફિલ્મ ડાયરેક્ટર રોહિત શેટ્ટી માટે એક ટ્વીટ કર્યું છે. હાલ મહિન્દ્રા સ્કોર્પિયો- એન 27 જૂને લોન્ચ થવા જઈ રહી છે. આ પહેલાં તેના લૂકનું ટીઝર તાજેતરમાં જ લોન્ચ કરવામાં આવ્યું છે.  આ ટીઝર અંગે એક યૂઝરે આનંદ મહિન્દ્રાને ટેગ કરીને એક મીમ શેર કર્યું. આ મીમમાં, જોની લિવરનો ફેમસ ડાયલોગ- અબ મજા આયેગાના બિડુ શેર કરવામાં આવ્યો હતો. જેના કેપ્શનમાં યૂઝરે લખ્યું હતું કે, રોહિત શેટ્ટી હવે તેને ઉડાડવાનું વિચારી રહ્યો છે.

ત્યારે આ ટ્વીટના જવાબમાં આનંદ મહિન્દ્રાએ લખ્યું કે, રોહિત શેટ્ટી જી, આ કાર ઉડાડવા માટે તમારે પરમાણુ બોમ્બની જરૂર પડશે. સોશિયલ મીડિયા પર આ ટ્વીટ ખૂબ જ વાયરલ થઈ રહ્યું છે. ફિલ્મ ડાયરેક્ટર રોહિત શેટ્ટી પોતાની મોટા ભાગની ફિલ્મોમાં ઘણી બધી ગાડીઓને ઉડાડતા સીન બતાવે છે. જેથી રોહિત શેટ્ટી પર બનતા મીમ્સ વાયરલ થઈ જાય છે.