ગુજરાતમાં ફરી અદાણી CNG ના ભાવમાં વધારો, આજથી આટલા રૂપિયા વધારે ચૂકવવા પડશે

CNG Price Hike અમદાવાદ : રોજબરોજની વસ્તુઓના સતત વધી રહેલા ભાવ હવે લોકોની કમર તોડી રહ્યાં છે. અદાણીએ CNG ગેસના ભાવમાં વધારો ઝીંક્યો છે. એક માસમાં ચાર વારના વધારાથી સીએનજી 75 પૈસા મોંઘો થયો છે. CNG માં બે માસમાં છઠ્ઠી વખત ભાવ વધારો ઝીંક્યો છે. આ ભાવ વધારાને કારણે CNG 75.99 રૂપિયા પર પહોંચી ગયો છે.

વર્ષના મધ્યમમાં પણ પ્રજા પર મોંઘવારીનો સતત માર પડી રહ્યો છે. અદાણીએ બે મહિના બાદ CNG ગેસના ભાવમાં વધારો કર્યો છે. 

2 મહિનામાં CNGના ભાવમાં છઠ્ઠી વખત વધારો : CNGનો એક કિલોનો ભાવ 75.99 રૂપિયા થયો....
- 5 જૂનથી 1 ઓગસ્ટ સુધી 6 વખત ભાવ વધારો ઝીંકાયો#CNG #pricehike #ZEE24Kalak #Gujarat pic.twitter.com/hzOiqwOxb4

— Zee 24 Kalak (@Zee24Kalak) August 2, 2023

આટલો થયો નવો ભાવ
દેશમાં સતત વધી રહેલી મોંઘવારીએ જનતાની કમરતોડી નાખી છે. પેટ્રોલ-ડીઝલ, સીએનસી, રસોઈ ગેસ, શાકભાજી, દૂધ સહિત ખાવા-પીવાની વસ્તુના ભાવમાં સતત વધારો થઈ રહ્યો છે. મોંઘવારીથી જનતા ત્રસ્ત છે. જીવન જરૂરિયાતની દરેક વસ્તુઓના ભાવ પણ આસમાને પહોંચી ગયા છે. ત્યારે હવે અદાણીએ ગેસના ભાવ વધાર્યાં છે. અદાણી ગ્રૂપ સતત CNG ના ભાવમાં વધારો ઝીંકી રહ્યું છે. 1 ઓગસ્ટે ફરી CNG ના ભાવમાં 15 પૈસાનો વધારો ઝીંકવામાં આવ્યો છે. ચાર વખત ભાવ વધારાથી CNG 75 પૈસા મોંઘુ બની ગયું છે. ભાવ વધારા પહેલા CNG નો ભાવ 75.99 રૂપિયા હતો, હવે CNG નો નવો ભાવ અમદાવાદમાં 75.99 રૂપિયા થઈ ગયો છે. 

રીક્ષાચાલકોની કમર તૂટશે
અદાણી CNG ના આ ભાવ વધારાથી સૌથી વધુ રીક્ષાચાલકોની કમર તૂટી જશે. અદાણી ગેસે CNG ના ભાવમાં પહેલા ઘટાડો કર્યો હતો, પરંતુ તેના બાદ ઉત્તરોઉત્તર ભાવમાં વધારો ઝીંકવામાં આવી રહ્યો છે. છેલ્લે એપ્રિલ મહિનામાં CNG ના ભાવમાં 6.05 રૂપિયાનો ઘટાડો કર્યો હતો, તેના બાદથી સતત વધારો જ થઈ રહ્યો છે. CNG ના ભાવ નીચે આવ્યા જ નથી. જુન મહિનાથી શરૂ કરાયેલો ભાવ વધારો હજુ યથાવત છે. એક જ મહિનામાં ચાર વાર ભાવ વધારો ઝીંકીને અદાણીએ CNG ને સીધો 75.99 રૂપિયા પર પહોંચાડી દીધું છે. 

લાંબા સમયથી પેટ્રોલ-ડીઝલ અને એલપીજી ગ્રાહકોને મોંઘવારીનો માર પડવાનું શરૂ થઇ ગયું હતું. પેટ્રોલ તેમજ ડીઝલ પર હવે મોંઘવારીનો માર પડવાનું શરૂ થઈ ગયું છે. તે પહેલા જ સીએનજીના ભાવ વધવાની શરૂઆત થઈ ગઈ છે. ગુજરાતમાં વિધાનસભા ચૂંટણી પૂરી થઈ ત્યારથી ચૂંટણીના પરિણામ બાદ તેની અસર ભાવ પર પડવા લાગી છે. આવામાં એટલુ તો સ્પષ્ટ છે કે, આગામી દિવસોમાં પેટ્રોલ-ડીઝલના ભાવમાં તેજી જોવા મળી શકે છે. ગુજરાતમાં આજથી અદાણીએ સીએનજીમાં નવો ભાવવધારો લાગુ કર્યો છે.