તમારી પાસે છે મારુતિની સ્વિફટ કે બલેનો? તો ખાસ વાંચો આ સમાચાર

નવી દિલ્હી : હાલમાં સમાચાર આ્વ્યા છે કે મારુતિ સુઝુકીએ ભારતમાં પોતાના બે મોડેલ સ્વિફ્ટ અને બલેનોની કુલ 52,686 કારને રીકોલ કરી છે. આ વિશે કંપનીએ સત્તવાર નિવેદન આપતા જણાવ્યું છે કે, ‘1 ડિસેમ્બર 2017થી 16 માર્ચ 2018 વચ્ચે મેન્યુફેક્ચર થયેલી નવી સ્વિફ્ટ અને બલેનો કાર્સના લોટમાં ફોલ્ટી પાર્ટની ખામી હોઈ શકે છે. આ માટે 14 મે 2018થી ડીલર્સ દ્વારા પોતાને ત્યાંથી આ લોટની કાર્સ ખરીદનાર ગ્રાહકોનો સંપર્ક સાધવામાં આવશે અને ગાડીનું ઇન્સ્પેક્શન કરી તેના સંપૂર્ણ પાર્ટને ફ્રી ઓફ કોસ્ટ બદલી દેવામાં આવશે.’

મળતી માહિતી પ્રમાણે કંપનીએ આ કાર્સમાં ફોલ્ટી પાર્ટ ફિટ થયા હોવાની શંકા સાથે કાર્સને પરત મંગાવી છે. હકીકતમાં કંપનીની નવી સ્વિફ્ટ અને બલેનો બ્રેક વેક્યુમ હોસમાં કોઈ ફોલ્ટ હોવાની શક્યતા છે. જેના કારણે કંપની આ કાર્સને રીકોલ કરી રહી છે અને તેના માટે ખાસ સર્વિસ કેમ્પેઇન શરૂ કરવામાં આવ્યું છે. 

આ પહેલાં પણ મારુતિએ બલેનો કારના મોડેલને પરત ખેચ્યું હતું. કંપનીએ 2016માં 75,419 જેટલા બલેનો કારના મોડેલને પરત ખેંચ્યા હતા અને તેમાં રહેલા એરબેગની ખામીને રિપેર કરી હતી.