સોનાલી બેન્દ્રે વિશે અનુપમ ખેરે લખ્યો સુપર ઇમોશનલ મેસેજ, કહ્યું કે...

મુંબઈ : હાલમાં એક્ટ્રેસ સોનાલી બેન્દ્રે ભારતથી દૂર અમેરિકામાં કેન્સર વિરૂદ્ધ લડાઈ લડી રહી છે. સોશિયલ મીડિયા મારફતે સોનાલીના રેગ્યુલર અપડેટ્સ મળતા રહે છે. હાલમાં સોનાલીએ પોતાના દીકરા રણવીરના બર્થ-ડે પર એક ભાવુક મેસેજ શેયર કર્યો હતો જે એક્ટ્રેસના વ્યક્તિત્વને સમજવામાં મદદ કરે છે. હવે સોનાલીને લઈને અનુપમ ખેરે એક ભાવુક મેસેજ શેયર કર્યો છે. 

અનુપમ ખેર હાલમાં જ ન્યૂયોર્કમાં હતા. અનુપમે પોતાના ટ્વિટર હેન્ડલ પર લખ્યું કે, “મેં સોનાલી બેન્દ્રે સાથે કેટલીક ફિલ્મોમાં કામ કર્યું છે. મુંબઈમાં ઘણીવાર અમે સોશિયલ ઈવેન્ટમાં મળ્યા છીએ. સોનાલી ખુશમિજાજ અને શ્રેષ્ઠ વ્યક્તિ છે. જો કે, છેલ્લા 15 દિવસની વાત છે જ્યારે મને સોનાલી સાથે ક્વોલિટી ટાઈમ વિતાવવાનો મોકો મળ્યો. અને હું સરળતાથી કહી શકું છું કે, તે મારી હીરો છે.”

I have done few films with @iamsonalibendre. We’ve met socially many times in Mumbai. She always has been bright & a very warm person. But it is only in the last 15days that I got the opportunity to spend some quality time with her in NY. And I can easily say,”She is my HERO.”😍 pic.twitter.com/z6iBe2s7fy

— Anupam Kher (@AnupamPKher) August 12, 2018

હાર્ડ ગ્રેડ કેન્સરનો સામનો કરી રહેલી સોનાલી બેન્દ્રે અત્યારે ન્યૂયોર્કની હોસ્પિટલમાં સારવાર લઈ રહી છે. સોનાલી બેન્દ્રે સતત પોતાની તસવીરો શેયર કરતી રહે છે. હાલમાં તે ભારે મક્કમ મનથી રોગનો સામનો કરી રહી છે.