Kangana Ranaut ની ફિલ્મ ‘તેજસ’ ક્યારે થશે રિલીઝ? સામે આવી ફિલ્મની આ તસવીર

બોલિવૂડ ક્વીન કંગના રનૌતે (Kangana Ranaut) મંગળવારે તેના ઈન્સ્ટાગ્રામ એકાઉન્ટ પર ફિલ્મની એક તસવીર શેર કરી છે. તે પાઈલટના ડ્રેસમાં જોવા મળી રહી છે. 

Updated By: Dec 8, 2021, 09:06 AM IST
Kangana Ranaut ની ફિલ્મ ‘તેજસ’ ક્યારે થશે રિલીઝ? સામે આવી ફિલ્મની આ તસવીર

નવી દિલ્હીઃ છેલ્લાં કેટલાંક સમયથી આર્મી, એરફોર્સ, ભારતીય સેના, દેશભક્તિ જેવા સબજેક્ટ પર વધારે ફિલ્મો બની રહી છે. અને દર્શકો તેને ખુબ પસંદ પણ કરી રહ્યાં છે. ત્યારે ફરી એકવાર આવા જ વિષય પર આધારિત ફિલ્મ રૂપેરી પડદે ચમકવા માટે તૈયાર છે. આ ફિલ્મમાં બોલીવુડની ક્વીન કંગના રનૌત એક એરફોર્સ ઓફિસરની ભૂમિકામાં જોવા મળશે.

 

 

બોલિવૂડ ક્વીન કંગના રનૌતે (Kangana Ranaut) મંગળવારે તેના ઈન્સ્ટાગ્રામ એકાઉન્ટ પર ફિલ્મની એક તસવીર શેર કરી છે. તે પાઈલટના ડ્રેસમાં જોવા મળી રહી છે. બોલિવૂડ એક્ટ્રેસ કંગના રનૌતની (Kangana Ranaut) મોસ્ટ અવેટેડ ફિલ્મ ‘તેજસ’ (Tejas)ની રિલીઝ ડેટ સામે આવી છે. આ ફિલ્મની રિલીઝની થવાની ફેન્સ કેટલા સમયથી રાહ જોઈ રહ્યા છે. એક્ટ્રેસે સોશિયલ મીડિયા દ્વારા ફિલ્મની રિલીઝ ડેટની જાહેરાત કરી છે. ‘તેજસ’ દશેરાના અવસર પર એટલે કે 5 ઓક્ટોબર 2022ના રોજ રિલીઝ થશે. કંગનાએ પોતાના ઈન્સ્ટાગ્રામ પર એક તસવીર શેર કરીને ફેન્સને આ ખુશખબર આપી છે.

કંગના રનૌતે મંગળવારે તેના ઈન્સ્ટાગ્રામ એકાઉન્ટ પર ફિલ્મની એક તસવીર શેર કરી છે. તે પાઈલટના ડ્રેસમાં જોવા મળી રહી છે. તસવીર શેર કરતા એક્ટ્રેસેએ લખ્યું, ‘તમારા માટે એક એવી મહિલાની પ્રેરણાદાયી વાર્તા લાવી રહ્યો છું જેણે આકાશ પર રાજ કરવાનો નિર્ણય લીધો છે. તેજસ દશેરા 5મી ઓક્ટોબર 2022ના રોજ તમારી નજીકના સિનેમાઘરોમાં રિલીઝ થઈ રહી છે.

નોંધનીય છે કે ફિલ્મ ‘તેજસ’માં કંગના રનૌત એરફોર્સના પાયલોટ તેજસ ગિલની ભૂમિકામાં છે. આ ફિલ્મ સર્વેશ મેવાડા દ્વારા લખવામાં અને નિર્દેશિત કરવામાં આવી છે. અગાઉ, કંગનાએ તેના ઇન્સ્ટાગ્રામ હેન્ડલ પર તસવીરો શેર કરી હતી જ્યાં તે તેની ટીમ સાથે ‘તેજસ’ માટે શૂટિંગ કરી રહી હતી. તે ત્યાં પહોંચેલા વાયુસેનાના અધિકારીઓને મળી હતી.

આ ફિલ્મ ચારે બાજુથી ચર્ચાનો વિષય બની રહે છે. કંગના પોતે પણ આ ફિલ્મને લઈને ખૂબ જ ઉત્સાહિત છે. જો નિર્માતાઓનું માનીએ તો આ વાર્તા દરેકને પ્રેરણા આપવા અને બહાદુર સૈનિકો પર ગર્વ અનુભવવા માટે છે કારણ કે તેઓ તેમના દેશને સુરક્ષિત રાખવા માટે ઘણા પડકારોનો સામનો કરે છે.

તમને જણાવી દઈએ કે કંગના રનૌત દરરોજ વિવાદોમાં રહે છે. નવેમ્બરમાં એક્ટ્રેસે કહ્યું હતું કે ભારતની આઝાદી એક ‘ભિખારી’ હતી અને દાવો કર્યો હતો કે દેશને વાસ્તવિક આઝાદી 2014 પછી મળી જ્યારે પીએમ નરેન્દ્ર મોદીની આગેવાની હેઠળની ભાજપ સરકાર સત્તામાં આવી. જે બાદ કંગના ટ્રોલ થવા લાગી. તેમની પાસેથી પદ્મશ્રી પરત લેવાની માંગ કરવામાં આવી હતી. અનેક જગ્યાએ કેસ પણ નોંધાયા હતા.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube