VIDEO: Chhapaakના ટ્રેલર લોન્ચમાં સ્ટેજ પર ચોધાર આંસુએ રોઈ પડી દીપિકા પાદુકોણ!

દીપિકા પાદુકોણ (Deepika Padukone)ના ફેન્સની આતુરતાનો અંત આવ્યો છે. દીપિકાની ફિલ્મ ‘છપાક’ (Chhapaak)નું ટ્રેલર રિલીઝ થઈ ગયું છે. દીપિકાની આ ફિલ્મ પ્રોમિસિંગ લાગી રહી છે.

Updated By: Dec 11, 2019, 09:24 AM IST
VIDEO: Chhapaakના ટ્રેલર લોન્ચમાં સ્ટેજ પર ચોધાર આંસુએ રોઈ પડી દીપિકા પાદુકોણ!

નવી દિલ્હી : દીપિકા પાદુકોણ (Deepika Padukone)ના ફેન્સની આતુરતાનો અંત આવ્યો છે. દીપિકાની ફિલ્મ ‘છપાક’ (Chhapaak)નું ટ્રેલર રિલીઝ થઈ ગયું છે. દીપિકાની આ ફિલ્મ પ્રોમિસિંગ લાગી રહી છે. દીપિકા આ ફિલ્મ થકી ફરી એકવાર દર્શકોનું દિલ જીતવા માટે તૈયાર થઈ ગઈ છે. આ ફિલ્મની કહાણી એસિડ અટેક પીડિતા લક્ષ્મી અગ્રવાલ (Laxmi agarwal)ના જીવન પર આધારિત છે. દીપિકાના પાત્રનું નામ આ ફિલ્મમાં માલતી છે. માલતી પર એસિડ અટેક થયા બાદનો ઘટનાક્રમ દર્શાવવામાં આવ્યો છે. દીપિકાએ આ ફિલ્મમાં માલતીનું પાત્ર આત્મસાત કરી લીધું છે. 

Dabangg 3 : સઇએ શેયર કર્યું સલમાન ખાનનું ધાંસુ પોસ્ટર, તસવીરનું ફિલ્મ સાથે ખાસ કનેક્શન 

આ ફિલ્મના ટ્રેલર લોન્ચ વખતે દીપિકા ભાવુક થઈને રોઈ પડી હતી. ફિલ્મનું ટ્રેલર જોયા પછી કલાકારો સ્ટેજ પર આવ્યા હતા. આ સમયે દીપિકા એટલી ઇમોશનલ થઈ ગઈ હતી કે સ્ટેજ પર ચોધાર આંસુએ રોઈ પડી હતી. 

'છપાક'માં એક એસિડ હુમલાની પીડિતાના જીવનને રજૂ કરવામાં આવશે અને તે લોકો માટે તે એક પ્રેરણા છે જેણે આ પ્રકારની સ્થિતિનો સામનો કર્યો છે. મેઘના ગુલઝાર દ્વારા દિગ્દર્શિત આ ફિલ્મ 10 જાન્યુઆરી 2020ના રિલીઝ થશે. હાલમાં જ આ ફિલ્મનું ટ્રેલર રિલીઝ કરવામાં આવ્યું છે. 

Chhapaak trailer Out: દીપિકા પાદુકોણની ફિલ્મ છપાકનું ટ્રેલર રિલીઝ, જોઈને રૂંવાડા થશે ઉભા 

બોલિવૂડ લાઇફને મળેલી ખાસ જાણકારી પ્રમાણે દીપિકા 'છપાક' પછી ફિલ્મી પડદાથી દૂર થઈ જવાનું પ્લાનિંગ કરી રહી છે. દીપિકાએ ગયા વર્ષે જ લગ્ન કર્યા છે અને હવે તે પરિવારને પ્રાથમિકતા આપવા માગે છે. દીપિકા હવે પરિવારને વધારવાનું પ્લાનિંગ કરી રહી છે. મળતી માહિતી પ્રમાણે દીપિકા લગ્ન પછી ખુશ છે. હાલમાં રણવીર અને દીપિકાએ આ મામલે કોઈ નક્કર નિર્ણય નથી લીધો. હાલમાં તેઓ પોતાની પ્રોફેશનલ લાઇફમાં વ્યસ્ત છે અને આ કમિટમેન્ટ પુરું કર્યા પછી જ બંને આ મામલે નિર્ણય લેશે.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube
બોલિવૂડના સમાચાર જાણવા માટે કરો ક્લિક