ફરી જોવા મળશે Tom and Jerry ની ધમાચકડી, ટ્રેલર બન્યું ટ્રેન્ડિંગ

નવી દિલ્હીઃ તમારા માટે ખુશખબર છે. તમારી પસંદગીનું કાર્ટૂન 'ટોમ એન્ડ જેરી' પરત આવવાનું છે. તે 90ના દાયકામાં સૌથી વધુ જોવાતું કાર્ટૂન હતું. કોઈ અવાજ વગર આ શોએ લોકોનું દિલ જીતી લીધું હતું. શાનદાર મ્યૂઝિક અને એનિમેશનની સાથે કાર્ટૂન લોકપ્રિય બની ગયું હતું. ઘણા વર્ષો બાદ હવે ટોમ એન્ડ જેવી વાપસી કરવા જઈ રહ્યાં છે, પરંતુ આ વખતે થોડું અલગ થવાનું છે. 

હવે ટોમ એન્ડ જેરી તમારી ટીવી સ્ક્રીન પર નહીં, પરંતુ મોટા પડદા પર જોવા મળશે. સોશિયલ મીડિયા પર ટોમ એન્ડ જેરી ફિલ્મનું ટ્રેલર વાયરલ થઈ રહ્યું છે. આ ફિલ્મમાં દેખાડવામાં આવશે કે ટોમ અને જેરીને મનુષ્યોની દુનિયામાં જગ્યા મળી ગઈ છે. મનુષ્યો સાથે રહેવા અને વસ્તુને મેનેજ કરવાનું દેખાડવામાં આવશે. આ ફિલ્મનું શૂટિંગ ન્યૂયોર્કમાં કરવામાં આવ્યું છે. 

આ ફિલ્મની કહાનીમાં એક શાહી લગ્ન દેખાડવામાં આવ્યા છે. ફિલ્મમાં ટોમ એન્ડ જેરીની મજાક મસ્તી જોવા મળશે. ફેન્સ ટ્રેલરને પસંદ કરી રહ્યાં છે. ઘણા ફેન્સે તેના પર મીમ પણ બનાવ્યા છે. તો ઘણા લોકો ઇમોશનલ થઈ ગયા છે. ટ્રેલર પર લોકોની અલગ-અલગ પ્રતિક્રિયાઓ આવી રહી છે. 

Tom and Jerry take their cat-and-mouse game to the big screen. Watch the trailer for the new #TomAndJerryMovie now – coming to theaters 2021. pic.twitter.com/mk9tt850mP

— Tom And Jerry Movie (@TomAndJerry) November 17, 2020

ઘણા લોકોનું કહેવું છે કે ફિલ્મ કાર્ટૂનની જેમ હશે નહીં. તો ઘણા લોકો તેને પસંદ કરી રહ્યાં છે. ટ્રેલરમાં ટોમ અને જેરીને એક હોટલમાં લોકોની વચ્ચે મસ્તી કરતા જોવા મળી રહ્યાં છે. હવે આ ફિલ્મ આવ્યા બાદ ખ્યાલ આવશે કે લોકોને કેટલી પસંદ આપે છે અને કાર્ટૂન જેવી મજા છે કે નહીં. 

મહત્વનું છે કે ફિલ્મમાં ક્લોઈ ગ્રેસ મોરેટ, માઇકલ પેના, રોબ ડેલાની, કોલીન જોસ્ટ મહત્વની ભૂમિકામાં જોવા મળશે. આ લોકો રિયલ મનુષ્યોની ભૂમિકા નિભાવશે અને તેની આજુ-બાજુ ટોમ એન્ડ જેરીની કહાની હશે. સોશિયલ મીડિયા પર આ ટ્રેલર ટ્રેન્ડ થઈ રહ્યું છે. ટ્રેલર જોઈને લાગે છે કે ફિલ્મમાં ખુબ મસ્તી થવાની છે.