Gujarat: મોડાસાની યુવા એસ્ટ્રોનોમીએ શોધી કાઢ્યા 12 લધુ ગ્રહ, NASA એ કર્યું સન્માન

અરવલ્લી જિલ્લાના મોડાસા તાલુકાના બોલુંદરા ગામના પ્રાચી મારુતભાઈ વ્યાસે અંતરિક્ષમાં લઘુગ્રહનું સંશોધન કરી નાસાના પ્રમાણપત્ર મેળવ્યા છે.અગાઉ 3 મેં થી 28 મેં સુધી એક પ્રોજેક્ટ પૂરો કર્યો હતો

Updated By: Oct 21, 2021, 06:40 PM IST
Gujarat: મોડાસાની યુવા એસ્ટ્રોનોમીએ શોધી કાઢ્યા 12 લધુ ગ્રહ, NASA એ કર્યું સન્માન

સમીર બલોચ, અરવલ્લી: મોડાસા તાલુકાના બોલુન્દરા ગામની પ્રાચી મારુતભાઈ વ્યાસે M.Sc વિથ રિસર્ચમાં અભ્યાસ કરીને અંતરિક્ષમાં લઘુગ્રહ સંશોધનના બે પ્રોજેક્ટ પુરા કર્યા છે. બે પ્રોજેક્ટમાં 12 થી વધુ લઘુ ગ્રહ શોધીને તેમજ મંગળ ગ્રહથી ગુરુ ગ્રહ વચ્ચે લઘુગ્રહના શોધની સિદ્ધિ હાંસિલ કરી છે. નાસા દ્વારા પ્રાચીને પ્રમાણપત્ર આપી સન્માન કરાયું છે.

અરવલ્લી જિલ્લાના મોડાસા તાલુકાના બોલુંદરા ગામના પ્રાચી મારુતભાઈ વ્યાસે અંતરિક્ષમાં લઘુગ્રહનું સંશોધન કરી નાસાના પ્રમાણપત્ર મેળવ્યા છે.અગાઉ 3 મેં થી 28 મેં સુધી એક પ્રોજેક્ટ પૂરો કર્યો હતો. બાદમાં 1 સપ્ટેમ્બરથી 27 સપ્ટેમ્બરમાં લઘુગ્રહોના અભ્યાસનો આ પ્રોજેક્ટ યુવતીએ પૂરો કર્યો છે. મંગળ ગ્રહ અને ગુરુ ગ્રહ વચ્ચે એસ્ટરોઇડ બેલ્ટ એટલે કે લઘુગ્રહનો પત્તાનું સંશોધન આ યુવતીએ કર્યું છે. એસ્ટ્રોનોમી પ્રાચી વ્યાસને ખોજ નામની સંસ્થા મારફતે અંતરિક્ષમાં લઘુગ્રહોના અભ્યાસ માટે ફોર્મ ભર્યું હતું.

દરમિયાન ઇન્ટરનેશનલ એસ્ટ્રોનીમીક્સ સર્ચ કોલોબ્રેશન અને નાસા દ્વારા સોફ્ટવેર અને ડેટા મોકલવામાં આવ્યા હતા. જેના આધારે દરરોજ પાંચ થી 6 કલાક સુધી પ્રાચી દ્વારા સંશોધન કરવામાં આવ્યું હતું.બાદમાં બે પ્રોજેક્ટમાં 12 થી વધુ લઘુ ગ્રહો શોધીને સિદ્ધિ હાંસલ કરનાર પ્રાચી વ્યાસને સન્માન સાથે નાસાએ બે સર્ટિફિકેટ એનાયત કર્યા છે.   

Pizza Delivery બોયે 200 રૂપિયાની નોકરીમાંથી ઉભી કરી દીધી પોતાની બેકરી કંપની, 8 કરોડ સુધી પહોંચ્યો બિઝનેસ

પ્રાચી વ્યાસે મેં મહિનામાં પ્રોજેક્ટની કામગીરી દરમિયાન મંગળ અને ગુરુ ગ્રહ વચ્ચે 8 લઘુગ્રહો શોધ્યા છે.જયારે બીજા પ્રોજેક્ટના સંશોધનમાં 4 લઘુગ્રહ શોધ્યા છે. મંગળ અને ગુરુ વચ્ચે લાખો એસ્ટ્રોઇડ હોય છે. જે પથ્થર,બરફ અને હવાના હોય છે.આ એસ્ટ્રોઇડ પૃથ્વીની નજીક આવતા હોય છે તેનું કદ સંખ્યા સહિતની સંશોધનની કામગીરી કરવામાં આવી હતી.

મોડાસાના બોલુંદરાની પ્રાચી વ્યાસના માતા-પિતા દ્વારા સતત આત્મવિશ્વાસ દીકરીનો વધારવામાં આવ્યો હતો. રાત્રીના બે વાગ્યા સુધી આકાશમાં ગ્રહોની દુનિયામાં સંધોધનમાં રહેતી દીકરીને સંપૂર્ણ સહકાર માતા-પિતાનો રહ્યો છે. પિતા કહે છે કે ધોરણ 9 થી પ્રાચીને અતંરિક્ષની દુનિયાથી રસ રહ્યો છે. એમ એસ સી વિથ રિસર્ચનો અભ્યાસ કરી રહેલી દીકરીનું સપનું કલ્પના ચાવલા અને સુનિતા વિલિયમ્સની જેમ અવકાશ યાત્રી બનવાનું છે.

લેટેસ્ટ ન્યૂઝથી અપડેટ રહેવા માટે અમારી Zee News App ડાઉનલોડ કરો, અમારી સાથે જોડાઓ : facebook | twitter | youtube