PM મોદીએ સંઘપ્રદેશને આપી કરોડોનાં વિકાસકાર્યોની ભેટ, કહ્યું- 'હવે તુષ્ટિકરણ માટે નહીં સંતુષ્ટીકરણ માટે થઈ રહ્યું છે કામ'

નિલેશ જોશી/દમણ: વડાપ્રધાન નરેન્દ્ર મોદી આજે સંઘપ્રદેશ દમણની મુલાકાતે પહોંચ્યા છે. આજે દમણમાં પીએમ 13 km લાંબો રોડ શો કરશે. આમ પ્રદેશને કરોડો રૂપિયાના વિકાસના કાર્યોની ભેટ આપવા પાંચમી વખત દમણ આવેલા વડાપ્રધાન નરેન્દ્ર મોદીને આવકારવા લોકોમાં ઉત્સાહનો માહોલ દેખાયો છે. પ્રધાનમંત્રી નરેન્દ્ર મોદીએ અહીં અનેક પરિયોજનાઓનું ખાતમુહૂર્ત કર્યું છે. એરપોર્ટથી મશાલ ચોક માર્ગ પર PMને આવકારવા લોકોની ભારે ભીડ ઉમટી છે.PM મોદીનું દમણમાં દબદબાભેર સ્વાગત કરવામાં આવ્યું છે. 

પ્રધાનમંત્રી મોદીએ દમણના સુદર સી ફેસ રોડ સહિત અંદાજે 4 હજાર 800 કરોડથી વધુના ખર્ચે તૈયાર થયેલા વિકાસ કામોનું લોકાર્પણ અને ખાતમુહૂર્ત કર્યું છે

#WATCH | People light up mobile flashlights as they welcome PM Narendra Modi in Silvassa, Dadra and Nagar Haveli and Daman and Diu pic.twitter.com/6Mj7KG22Sd

— ANI (@ANI) April 25, 2023

મહત્વપૂર્ણ છે કે દમણ  અને દાદરા નગર હવેલીમાં આવેલા ઉદ્યોગોમાં દેશના અનેક રાજ્યોના લોકો રોજગારી મેળવે છે આથી આ નાનકડા  પ્રદેશમાં  મીની ભારત જેવો માહોલ જોવા મળે છે. આથી આજે વડાપ્રધાન નરેન્દ્ર મોદીના રોડ શો દરમિયાન દમણમાં મીની ભારત જેવો દ્રશ્યો જોવા મળશે.  

પીએમના રોડ શો વખતે પ્રદેશમાં વસતા જુદા જુદા રાજ્યોના લોકો પોતાની પરંપરાગત વેશભૂષા અને શૈલીમાં વડાપ્રધાન નરેન્દ્ર મોદીને આવકારશે તો અહીંની સ્થાનિક આદિવાસી સંસ્કૃતિને પણ ઉજાગર કરતા પરંપરાગત લોકનૃત્યો  દ્વારા વડાપ્રધાન નરેન્દ્ર મોદીનું અભિવાદન કરવામાં આવનાર છે. 

દમણના દરિયા કિનારે કરોડો રૂપિયાના ખર્ચે બનાવવામાં આવેલા પાંચ કિલોમીટર લાંબા સી ફેસ રોડ જેને "નમો પથ" તરીકે નામ આપવામાં આવ્યું છે, તેનું પણ વડાપ્રધાન નરેન્દ્ર મોદીના હસ્તે લોકાર્પણ કરવામાં આવશે.