સુરતમાં 6 બાઈક ચાલકોને ફંગોળનાર સાજન પટેલે બેફામ દારૂ ઢીંચ્યો હતો, કર્યો આ ખુલાસો

Tathya Patel : સુરતના કાપોદ્રામાં અમદાવાદના ઈસ્કોન બ્રિજ જેવી જ ઘટના બનતા ચકચાર મચી છે. બેફામ બનેલા નબીરાએ સીફ્ટ કારથી 6 બાઈક ચાલકને ટક્કર માર્યાની ઘટના સામે આવી છે. કારની એટલી વધારે સ્પીડ હતી કે અકસ્માત બાદ બાઈક 20 ફુટ સુધી ઢસડાયું હતું. ત્યારે આ રફ્તાના કહેરની સમગ્ર ઘટના સીસીટીવીમાં કેદ થઈ છે. જેમાં ઉત્તરાણનો રહેવાસી સાજન પટેલ  નશાની હાલતમાં સીફ્ટ કાર લઈને પૂરપાટ ઝડપે જઈ રહ્યો છે...નિયમોને નેવે મૂકી BRTS કોરીડોરમાં પૂરપાટ ઝડપે કાર ચલાવી રહ્યો હતો..ત્યારે કાપોદ્રામાં કોરીડોર બહાર થયેલ અકસ્માતને જોવા માટે બાઈક ચાલકો ઊભા હતા...ત્યારે પૂરપાટ ઝડપે આવેલા સાજન પટેલે સીફ્ટ કારથી 6 બાઈકોને એકસાથે ટક્કર મારી હતી...ત્યારે અકસ્માતમાં ઈજાગ્રસ્ત થયેલા લોકોને મગલદીપ, પી.પી.મણિયા, પી.પી. સવાણી હોસ્પિટલમાં લઈ જવામાં આવ્યા છે..જો કે અકસ્માત બાદ કાર ચાલકને લોકોએ ઘટના સ્થળે જ ઝડપી માર માર્યો હતો..અને પોલીસના હવાલે કર્યો હતો...

મહત્વનું છે સાજન પટેલ મૂળ સુરતનો જ છે અને કારની લે-વેચનો ધંધો કરે છે. સાજન પટેલે GJ 05 RN 9995 નંબરની સ્વીફ્ટ કાર ચલાવી 6 લોકોને અડફેટે લીધા હતા. આ તમામ હાલ હોસ્પિટલમાં સારવાર હેઠળ છે. ચાર રસ્તા પર બાઇકસવાર લોકો રોડ ક્રોસ કરી બીઆરટીએસ રૂટમાં જઈ રહ્યા હતા, ત્યારે અકસ્માત થયો હતો. અકસ્માત થવા છતાં કાર ઊભી રાખવાને બદલે સાજન પટેલે ભગાવવાનો પ્રયાસ કર્યો હતો. લોકોએ કારચાલક સાજન પટેલને પકડ્યો ત્યારે દારૂના નશામાં હોવાનું જાણવા મળ્યું હતું. કારચાલકે અંદાજે 20 ફૂટ જેટલા બાઈકચાલકોને ઢસડી નાખ્યા હતા. ત્યારબાદ કારની એરબેગ પણ ખૂલી ગઈ હતી. અકસ્માતના સ્થળથી 25 ફૂટ દૂર કાર રોકાઈ હતી. 

CCTV : સુરતના 'તથ્ય'નો વીડિયો આવ્યો સામે, દારૂ પીને ગાડી ચલાવતા નબીરાએ 6 બાઈક ચાલકોને ઉડાડ્યા... સમગ્ર અકસ્માતના CCTV આવ્યા સામે#Surat #CCTV #roadaccident #ZEE24KALAK #Gujarat #accident pic.twitter.com/ihV5g7TIbH

— Zee 24 Kalak (@Zee24Kalak) July 31, 2023

આ અકસ્માતના CCTV ફૂટેજ સામે આવ્યા છે. જેમાં બેફામ જતી કાર વાહનચાલકોને ઉડાવ્યા હોવાનું દેખાઈ રહ્યું છે. 

હા મેં દારુ પીધો હતો

આરોપી સાજન પટેલની તથ્યની જેમ જ ચાલુ ગાડીએ રીલ બનાવી છે, તે વાયરલ થઈ છે.  પોતાનો બચાવ કરતા સાજન પટેલે દારૂ ન પીધો હોવાનું કહ્યુ હતું. તેણે કહ્યું કે, હું ઘરે જતો હતો, અચાનક જ ટુવ્હીલર આવી ગયુ, તેમાં ઠોકાયો. મેં દારૂ નહોતો પીધો. વરસાદ પડતો ન હતો, એટલે ન દેખાયુ. મારી ગાડીમાં કોઈ દારૂની બોટલ ન હતા. ત્રણ-ચાર વાગ્યે પીધો હતો. મેં બપોરના સમયે દારૂ પીધો હતો. મારા છોકરાની બર્થડે પાર્ટીમાં ગયો હતો. સાત-આઠ વાગ્યાનો સમય હતો, તે સમયે ટ્રાફિક હતો, રસ્તો બ્લોક હતો એટલે બીઆરટીએસ રુટમાં જતો રહ્યો હતો. મેં બપોરે દારૂ પીધો હતો. મારા છોકરાની બર્થડે પાર્ટીમાં દારૂ પીધો હતો. દારૂ ક્યાંથી લાવ્યો તે વિશે તેણે કહ્યું કે, દારુ મારી પાસે હતો. હુ દમણ ગયો હતો. ગાડી મારી છે. 

અમદાવાદ બાદ સુરતમાં પણ બેફામ કાર ચલાવતા નબીરાઓથી લોકોના જીવને જોખમ...
- નશાની હાલમાં કાર ચલાવતા યુવાનને લોકોએ માર મારી પોલીસના હવાલે કર્યો#Surat #accident #roadaccident #drunkanddrive #cctv #ZEE24kalak #Gujarat@GujaratPolice @sanghaviharsh @CP_SuratCity pic.twitter.com/u3DEn9oQWz

— Zee 24 Kalak (@Zee24Kalak) July 31, 2023

કોઈ મારી ગાડીને ઓવરટેક કરે તો હું એવરજ પણ નથી જોતો
અગાઉ પણ સાજન પટેલે નિયમોના ધજાગરા ઉડાવ્યા છે. રીલ્સના ચક્કરમાં સાજન પટેલે જોખમી સ્ટંટ કર્યા છે. દારૂની બોટલ સાથે ડ્રાઈવિંગ કરતો સાજન પટેલનો વીડિયો વાયરલ થયો છે. બેફામ ડ્રાઈવિંગ કર્યાની સાજન પટેલની રીલ્સ સામે આવી છે. સાજન પટેલ રીલ્સ બનાવી છે તેમાં ડાયલોગ મારી રહ્યો છે કોઈ મારી ગાડીને ઓવરટેક કરે તો હું એવરજ પણ નથી જોતો..અને કોઈ મારી ગાડીને ઓવરટેક કરવાનું વિચારે તે મજાક સમાન છે.

સુરતમાં તથ્ય પટેલ જેવા નબીરાએ અકસ્માત સર્જ્યો, દારૂ પીને 6 બાઈકચાલકોને ફંગોળ્યા#Surat #accident #roadaccident #drunkanddrive #cctv #ZEE24kalak #Gujarat@GujaratPolice @sanghaviharsh @CP_SuratCity pic.twitter.com/5kdQMAC3ak

— Zee 24 Kalak (@Zee24Kalak) July 31, 2023

તો બીજી તરફ, અમદાવાદના ઇસ્કોન બ્રિજ પર અકસ્માત કરનાર તથ્ય પટેલની ટ્રાન્સફર વોરંટથી આજે ધરપકડ થઈ શકે છે. આરોપી તથ્ય પટેલે થાર ગાડીથી સિંધુભવન રોડ પર અકસ્માત સર્જ્યો હતો. તથ્યએ થાર ગાડી ઓવરસ્પીડમાં ચલાવી મૌવ રેસ્ટોરન્ટના દીવાલ તોડી નાંખી હતી. ટ્રાફિક પોલીસ સ્ટેશનમાં આ અંગે ગુનો નોંધાયો હતો. આરોપી તથ્ય પટેલની ટ્રાન્સફર વોરંટની અરજી પર કોર્ટ આજે સુનાવણી થશે. અરજી પર કોર્ટ તથ્ય પટેલની ટ્રાન્સફર વોરંટથી ધરપકડ અથવા તેની જેલમાં પૂછપરછની મંજૂરી આપશે.