સુરતઃ ચોકબજાર પોલીસે 27 લાખના સોના સાથે બે વ્યક્તિને ઝડપ્યા

Updated: Oct 22, 2019, 07:25 PM IST
સુરતઃ ચોકબજાર પોલીસે 27 લાખના સોના સાથે બે વ્યક્તિને ઝડપ્યા
સુરત પોલીસે ઘરપકડ કરેલ બંન્ને આરોપી

ચેતન પટેલ/સુરતઃ શહેરના ચોક બજાર પોલીસને બાતમી મળી હતી કે બે શખ્સ છળકપટથી સોનું લાવી રહ્યાં છે. ત્યારબાદ પોલીસે વાહન ચેકિંગ દરમિયાન બંન્ને વ્યક્તિઓને ઝડપી લીધા હતા. આ બંન્ને યુવાનો દુબઈથી પાવડર સ્વરૂપે આવેલા સોનાના જથ્થાને લઈને અમદાવાદથી સુરત કોઈને આપવા માટે જતાં હતા.  

સુરતના ચોક બજાર પોલીસને બાતમી મળી હતી કે બે શખ્સ બાઈક પર છળકપટથી મેળવેલ સોના સાથે ફરી રહ્યા છે. સુરતમાં રાંદેર અને અડાજણ વિસ્તારમાં રહેતા સલમાન ઈબ્રાહીમ પટેલ ( ઉ.વ.33) અને સોયેબ ઝકરીયા પટેલ ( ઉ.વ.31) ને રૂ.27,05,750ની કિંમતના સોનાના 687 ગ્રામ જથ્થા સાથે ઝડપી લીધા હતા.બંને યુવાનો દુબઈથી પાવડર સ્વરૂપે આવેલા સોનાના જથ્થાને અમદાવાદ એરપોર્ટથી લઇ સુરત કોઈકને આપવા જતા હતા. 

રાજ્યના 12 GAS અધિકારીઓને આઇએએસ તરીકે નિમણૂક આપવામાં આવી   

પૂછપરછમાં આ સોનું શોએબનો ભાઈ સાજીદ દુબઇથી અમદાવાદ લાવ્યો હતો અને બાદમાં અમદાવાદથી સુરત મોકલી આપ્યું હતું. હાલ પોલીસે બન્નેને કોર્ટમાં રજૂ કરી આ સોનું કોની પાસેથી અને ક્યાંથી લાવ્યો હતો તેની પૂછપરછ શરુ કરી છે.  

જુઓ LIVE TV :