કેનાલમાં ન્હાવા પડ્યો યુવાન, પરિવારે ગુમાવ્યો જુવાનજોધ દીકરો

વડોદરા : શહેરના છાણી નજીક ટીપી-13 વિસ્તાર પાસેથી પસાર થતી નર્મદા કેનાલમાં ન્હાવા પડેલો યુવાન તણાયો હોવાની ચોંકાવનારી ઘટના બની છે.

આ ઘટનાની વિગતો જોઈએ તો મૂળ દાહોદનો રહેવાસી અને વડોદરામાં રહેતો મુકેશ ડાભી(ઉ.વ.24) નામનો યુવાન ટીપી-13 પાસેથી પસાર થતી નર્મદા કેનાલમાં ન્હાવા માટે પડ્યો હતો. ન્હાવા પડેલો મુકેશ થોડીવારમાં જ કેનાલમાં ડૂબવા લાગ્યો હતો. જેથી તેને બુમાબુમ કરી મુકી હતી.

લોકોએ આ વાતની તાબડતોબ જાણ કરી હતી. ઘટનાની જાણ થતાં જ ફાયરબ્રિગેડની ટીમ ઘટના સ્થળે દોડી ગઇ હતી અને યુવાનની શોધખોળ હાથ ધરી છે.