ના બીપી, ના શુગર તેમ છતાં આવે છે સાયલન્ટ હાર્ટ એટેક, જાણો કેમ, અને રહો સાવધાન

સાયલન્ટ હાર્ટ એટેક ખૂબ જ ખતરનાક છે. આ એવી સ્થિતિ છે જેમાં વ્યક્તિ હાર્ટ એટેકના લક્ષણો વિશે પણ જાણતો નથી. આજની જીવનશૈલી એવી બની ગઈ છે કે હૃદયનું ધ્યાન રાખવું ખૂબ જ જરૂરી બની ગયું છે. હવે તો યુવાનોને પણ હાર્ટ એટેક જેવી ગંભીર સ્થિતિમાંથી પસાર થવું પડે છે. ક્યારેક અચાનક આવતો હાર્ટ એટેક જીવલેણ હોય છે. આવો જ એક કિસ્સો સામે આવ્યો છે, જેને જાણીને ડોક્ટરો પણ ચોંકી ગયા છે. દિલ્લીનો એક 42 વર્ષીય વ્યક્તિ કારમાં જઈ રહ્યો હતો. આ વ્યક્તિને શુગર કે બીપીની સમસ્યા નહોતી. તેમ છતાં કાર ચલાવતી વખતે હાર્ટ એટેક આવ્યો.

તેને નજીકની હોસ્પિટલમાં લઈ જવામાં આવ્યો. પીડિતને વેન્ટિલેટર અને સીપીઆર પર મૂકવામાં આવ્યો હતો અને વિવિધ શોક ટ્રીટમેન્ટ શરૂ કરવામાં આવી હતી, પરંતુ તેની સ્થિતિમાં કોઈ સુધારો થયો ન હતો. બાદમાં દર્દીને તાત્કાલિક ઇન્દ્રપ્રસ્થ એપોલો હોસ્પિટલમાં ખસેડવામાં આવ્યો હતો.

એપોલોમાં કાર્ડિયોલોજી વિભાગના વરિષ્ઠ ડૉક્ટર કહે છે કે એપોલો લાવવામાં આવતા જ દર્દીની એન્જીયોગ્રાફી કરવામાં આવી હતી. એન્જીયોગ્રાફીમાં જાણવા મળ્યું કે તેના હૃદયની ધમનીઓ 90થી 100% સુધી બ્લોક થઈ ગઈ હતી. દર્દીની તાત્કાલિક એન્જિયોપ્લાસ્ટી કરવામાં આવી હતી.એન્જીયોપ્લાસ્ટી બાદ દર્દીનું હૃદય સામાન્ય થઈ ગયું છે. સ્વસ્થ થયા બાદ દર્દીને વેન્ટિલેટર પરથી દૂર કરવામાં આવ્યો હતો. દર્દીની સ્થિતિમાં વધુ સુધારો થતાં તેને રજા આપવામાં આવી હતી. હવે દર્દીનું 60% હૃદય સામાન્ય રીતે કામ કરી રહ્યું છે.

આ પણ વાંચો: ફાયદા જાણશો તો વાસી રોટલી ફેંકવાનો જીવ નહી ચાલે, પાડોશી પાસેથી માંગીને પણ લાવશો
આ પણ વાંચો: Eating Habits:રોટલી છે રોગનું ઘર, વધારે રોટલી ખાવાથી શરીરમાં બને છે ઝેર
આ પણ વાંચો: કયા અનાજનો લોટ ખાવો સ્વાસ્થ્ય માટે ફાયદાકારક, કંફ્યૂજન હોય તો આ વાંચી લો
આ પણ વાંચો: આ લોટની રોટલી ખાવાથી ડાયબિટીસની બીમારી જડમૂળથી થઈ શકે છે દૂર, એકદમ સચોટ છે ઉપાય

અપોલો હોસ્પિટલના કાર્ડિયો વિભાગના અન્ય એક વરિષ્ઠ ડૉક્ટર કહે છે કે આ એક ખૂબ જ ગંભીર ઘટના છે કારણ કે દર મિનિટે દર્દીની સ્થિતિ બગડી રહી છે. દર્દી સતત વેન્ટ્રિક્યુલર ફાઇબરિલેશનથી પીડાતો હતો. તમામ પ્રયાસો છતાં તેમની તબિયતમાં સુધારો થતો ન હતો. ડો. ગોયલે વધુમાં જણાવ્યું હતું કે જ્યારે તેમને એપોલોમાં લાવવામાં આવ્યા હતા, ત્યારે તેમની ઝડપથી સારવાર કરાવવી અમારા માટે સૌથી મહત્વપૂર્ણ હતું. એન્જીયોપ્લાસ્ટી દરમિયાન પણ ડોકટરો તેને સતત મસાજ અને શોક આપતા હતા. સાયલન્ટ હાર્ટ એટેકના આવા કિસ્સા યુવાનોમાં ભાગ્યે જ જોવા મળે છે.

આ પણ વાંચો: શું તમે પણ ફ્રીજમાં મુકી રાખેલા બાંધેલા લોટની રોટલી ખાવ છો? તો એકવાર વાંચી લેજો
આ પણ વાંચો: Tips and Tricks: નકલી હીંગ તમને કરી શકે છે બીમાર, આ રીતે જાણો ભેળસેળ છે કે નહી
આ પણ વાંચો: સેક્સ માટે થતો હતો ધાણાનો ઉપયોગ, કેમ આજેપણ કેટલાક લોકો કરે છે નફરત

"તમારી 30થી 40 ટકા જેટલી ધમનીઓમાં પ્લાક હોઈ શકે છે, જે નિયમિત કસરત સાથે લક્ષણોના કારણ બની શકે નહીં," ડૉક્ટરે કહ્યું. તમારું કોલેસ્ટ્રોલ સામાન્ય હોય કે ન હોય, કેટલીકવાર સ્ટ્રેસ જેવી બાબતોને કારણે પ્લેક જમા થઈ શકે છે, જે લોહીના ગંઠાવાનું કારણ બની શકે છે, અને આ ગંઠાવાનું નિર્માણ થવામાં અને ધમનીઓમાં લોહીના પ્રવાહને રોકવામાં લાંબો સમય લાગતો નથી. 

તેમણે કહ્યું કે દર્દી હવે દવા પર છે. તેને લોહી પાતળું કરવાની દવા આપવામાં આવી છે. કોલેસ્ટ્રોલને વધુ ઘટાડવા માટે દવાઓ પણ આપવામાં આવે છે, જેથી જોખમને વધુ ઘટાડી શકાય. ત્રણ મહિના પછી આ વ્યક્તિ 30થી 40 મિનિટ સુધી સાઇકલ ચલાવી શકે છે અને ત્રણથી ચાર કિલોમીટર ચાલી શકે છે.