Marriage With Dead Girlfriend: સાચા પ્રેમની પરાકાષ્ઠા! યુવકે મૃત પ્રેમિકા સાથે કર્યા લગ્ન, આપ્યું એવું વચન...જુઓ Video

Assam man marries with dead girlfriend: સોશિયલ મીડિયા પર એક એવો વીડિયો વાયરલ થઈ રહ્યો છે જેને જો તમે પણ જોશો તો ચોક્કસ ચોધાર આંસુએ રડી પડશો. અસમના ગુવાહાટીથી એક એવો મામલો સામે આવ્યો છે કે જ્યાં યુવક તેની મૃત પ્રેમિકા સાથે લગ્નની રસ્મો નિભાવતો જોવા મળ્યો. 

લગ્ન બાદ કમિટમેન્ટ
આ ઘટનાક્રમનો વીડિયો હાલ સોશિયલ મીડિયા પર ખુબ વાયરલ થઈ રહ્યો છે. જેમાં યુવક તેની મૃત પ્રેમિકાની માંગ ભરતો અને પછી તેને માળા પહેરાવતો જોવા મળી રહ્યો છે. લગ્નની રસ્મોને મોબાઈલ ફોનમાં રેકોર્ડ પણ કરવામાં આવી. પ્રેમીએ તેની પ્રેમિકાના મૃતદેહ સામે ફરીથી લગ્ન ન કરવાનું વચન પણ આપ્યું. આ યુવકની ઓળખ બિટુપન તમુલી (Bitupan Tamuli) તરીકે થઈ છે. જે યુવતીના ગાલ અને માથે એ જ રીતે સિંદૂર લગાવતો જોવા મળે છે જે રીતે એક વ્યક્તિ પોતાની દુલ્હનને લગાવે છે. આ વીડિયો જોઈને લોકોની આંખો ભીની થઈ જાય છે. 

લાંબા સમયથી રિલેશનશીપમાં હતાં બંને
પરિજનોના કહેવા પ્રમાણે મોરીગાંવનો બિટુપન અને ચાપરમુખની કોસુઆની રહીશ પ્રાર્થના બોરા લાંબા સમયથી એકબીજાને ચાહતા હતા. બંનેના પરિજનોને તેમના સંબંધ અને લગ્ની યોજના અંગેની જાણકારી હતી પણ કદાચ નીયતિને કઈક બીજું જ મંજૂર હતું. કારણ કે થોડા દિવસ પહેલા યુવતી બીમાર પડી અને તેને ગુવાહાટીની એક ખાનગી હોસ્પિટલમાં દાખલ પણ કરાઈ હતી. જ્યાં ગત શુક્રવારે રાતે યુવતીનું મોત નિપજ્યું. પ્રાર્થના બિટુપન સાથે લગ્ન કરવા માંગતી હતી. આથી આ રીતે યુવકે યુવતીની યુવતીની અંતિમ ઈચ્છા પણ પૂર્ણ કરી.