સેન્ટ્રલ બેંક ઓફ ઈન્ડિયામાં હજારો જગ્યાઓ ખાલી: સ્નાતકો કરી શકે છે અરજી, આજે અરજી કરવાની છેલ્લી તક

Central Bank of India Recruitment 2023: સેન્ટ્રલ બેંક ઓફ ઈન્ડિયામાં વેકેન્સી બહાર પડી છે અને આજે અરજી કરવાની છેલ્લી તારીખ છે. ઉમેદવારો તરત જ આ તકનો લાભ લે અને અરજી કરે. સેન્ટ્રલ બેંક ઓફ ઈન્ડિયામાં નોકરી મેળવવા ઈચ્છુક ઉમેદવારો બેંકની અધિકૃત વેબસાઈટ, Centralbankofindia.co.in પર જઈને આ પોસ્ટ માટે અરજી કરી શકે છે.

અરજી કરવાની આજે છેલ્લી તક છે

સેન્ટ્રલ બેંક ઓફ ઈન્ડિયાની આ ભરતી માટેની અરજી પ્રક્રિયા આજે, 3 એપ્રિલ, 2023 ના રોજ સમાપ્ત થઈ રહી છે. રસ ધરાવતા ઉમેદવારોએ તરત જ ઓનલાઈન અરજી કરવી જોઈએ.
સેન્ટ્રલ બેંક ઓફ ઈન્ડિયા આ ભરતી પ્રક્રિયા દ્વારા કુલ 5,000 એપ્રેન્ટિસની જગ્યાઓ પર ભરતી કરવા જઈ રહી છે.

વય મર્યાદા
અરજદારોની ઉંમર 1 જાન્યુઆરી, 2023ના રોજ લઘુત્તમ 20 વર્ષ અને મહત્તમ 28 વર્ષ હોવી જોઈએ. જ્યારે, અનામત વર્ગના ઉમેદવારોને મહત્તમ વય મર્યાદામાં છૂટછાટ આપવામાં આવી છે.

આ પણ વાંચો:
UPI યૂઝ કરનારાઓ માટે મોટા સમાચાર, સરકાર લેવા જઇ રહી છે એવો નિર્ણય જે આજસુધી થયો નથી
ગુજરાતીઓએ હવે થાઈલેન્ડ કે દૂબઈ જવાની જરૂર નથી, 2 આઈલેન્ડને બનાવાશે આલાગ્રાન્ડ
ફેશનેબલ દાઢી રાખનારને 51 હજારના દંડ, ગુજરાતના આ સમાજે યુવાનોને કર્યું ફરમાન

અરજી ફી
એપ્રેન્ટિસ પોસ્ટ માટે અરજી કરનારા ઉમેદવારોએ 800 રૂપિયાની અરજી ફી ચૂકવવી પડશે. તે જ સમયે, SC, ST અને મહિલા ઉમેદવારોએ અરજી ફી તરીકે 600 રૂપિયા અને PWBD ઉમેદવારોએ 400 રૂપિયા ચૂકવવા પડશે.

આવશ્યક શૈક્ષણિક લાયકાત
અરજી કરનાર ઉમેદવારો પાસે માન્ય યુનિવર્સિટીમાંથી સ્નાતકની ડિગ્રી હોવી આવશ્યક છે.

પસંદગી પ્રક્રિયા
સેન્ટ્રલ બેંક ઓફ ઈન્ડિયાના એપ્રેન્ટિસ પદો પર નિમણૂક માટે ઉમેદવારોની પસંદગી બે તબક્કાના આધારે કરવામાં આવશે. તેમાં લેખિત પરીક્ષા અને ઇન્ટરવ્યુ રાઉન્ડનો સમાવેશ થાય છે.

આ રીતે અરજી કરો
સૌ પ્રથમ સત્તાવાર વેબસાઇટ centerbankofindia.co.in પર જાઓ.
હોમ પેજ પરની લિંક  'Latest Recruitment' પર ક્લિક કરો.
હવે ''Central Bank of India Apprentices Recruitment 2023 Apply Online for 5000 Post' પર જાઓ.
હવે આગળના પેજ પર 'Apply online' ની લિંક પર ક્લિક કરો.
આ પછી માંગેલી વિગતો દાખલ કરો અને નોંધણી કરો.
હવે તમે તમારું અરજી ફોર્મ ભરો.
અહીં નિયત ફી ભરવાની રહેશે.
તે પછી અરજી ફોર્મની પ્રિન્ટ આઉટ લો.