ઉંદરને માર્યા વિના મેળવવી હોય તેનાથી કાયમી મુક્તિ તો ટ્રાય કરો આ ઘરગથ્થુ ઉપાય

Get Rid Of Rats: જો તમારા ઘરમાં પણ ઉંદરોએ આતંક મચાવ્યો હોય અને તેઓ દરેક વસ્તુને કોતરી કોતરીને ખાઈ રહ્યા છે અને બગાડી રહ્યા છે તો ચોક્કસથી તમે ઉંદરથી મુક્તિ મેળવવાના કાયમી ઉપાય શોધી રહ્યા હશો. ઉંદરને ઘરમાંથી કાયમ માટે દુર કરવા હોય અને જો તમે તેને મારવા અથવા પાંજરામાં પકડવા માંગતા નથી તો આજે તમને 5 ઘરગથ્થુ ઉપાય જણાવીએ. આ ઉપાય તમે એકવાર અજમાવશો તો ઉંદર હંમેશા માટે તમાકા ઘરમાંથી દુર થઈ જશે. તો ચાલો જાણીએ આ ઘરેલુ ઉપાયો કયા કયા છે.

આ પણ વાંચો: ગોરી અને બેદાગ સ્કીન માટે અજમાવો આ ઘરેલુ ઉપાયો, બસ આ 3 વસ્તુ ચહેરા પર કરશે જાદુ

તમાલપત્ર

તમાલપત્ર પણ ઉંદરનું દુશ્મન છે. તેની તીવ્ર ગંધથી ઉંદર પરેશાન થઈ જાય છે અને જ્યાં તમાલપત્ર હોય ત્યાં ફરકતા પણ નથી. જો તમે ઉંદરના ત્રાસથી પરેશાન થઈ ગયા છો તો જ્યાં પણ ઉંદર દેખાતા હોય તે જગ્યાએ તમાલપત્ર મૂકી દેવા. ઉંદર હંમેશ માટે ઘરમાંથી ભાગી જશે. 

ડુંગળી

તમને જાણીને નવાઈ લાગશે કે ડુંગળીની ગંધ ઉંદર સહન કરી શકતા નથી. જે જગ્યાએ ડુંગળી રાખેલી હોય ત્યાં ઉંદર ક્યારેય નહીં આવે. તો બસ તમારે ઉંદરને ઘરથી દૂર રાખવા હોય તો ડુંગળીને કાપીને એવી જગ્યાએ રાખી દો જેથી ઉંદર ઘરમાં ઘૂસતા હોય. ડુંગળી રાખ્યા પછી ઉંદર ગાયબ થઈ જશે. 

આ પણ વાંચો: Alum Benefits: ઓઈલી સ્કીન અને વાળની સમસ્યાથી મુક્તિ મેળવવા આ રીતે કરો ફટકડીનો ઉપયોગ

ફુદીનો

ફુદીનાની સુગંધ પણ ઉંદરને પરેશાન કરે છે. ઘરમાંથી ઉંદરનું સફાયો કરવો હોય તો ફુદીનાના પાનને ટીસુ પેપરમાં બાંધીને અલગ અલગ જગ્યાએ રાખી દેવા. આ સિવાય ફુદીનાના પાનની પેસ્ટ કરીને તેને ઘરના બારી દરવાજા પર લગાડી દો તેનાથી પણ ઘરમાં ઉંદર નહીં આવે.

ઘુવડની પાંખ

ઉંદરને ઘરથી દૂર ભગાડવા માટે ઘુવડની પાંખ પણ ઉપયોગી છે. ઘુવડની પાંખ જોઈને ઉંદર ડરી જાય છે. અને ત્યાર પછી તે જગ્યાએ બીજી વાર ફરકતા પણ નથી.

આ પણ વાંચો: શિયાળામાં આલિયા જેવી ગુલાબી ત્વચા રાખવા માટે ઘરના રસોડાની આ વસ્તુનો કરો ઉપયોગ

(Disclaimer: અહીં આપેલી માહિતી ઘરગથ્થુ ઉપચાર અને સામાન્ય માહિતી પર આધારિત છે. તેને અપનાવતા પહેલા તબીબી સલાહ લેવી જોઈએ. ZEE24kalak તેની પુષ્ટિ કરતું નથી.)