IND Vs AUS: ચહલે પણ બુમરાહની કરી બરોબરી, ટી-20માં આ સિદ્ધિ મેળવી

સિડની: ભારત અને ઓસ્ટ્રેલિયાની વચ્ચે રમાયેલી બીજી ટી-20 મેચમાં લેગ સ્પિનર યુઝર્વેન્દ્ર ચહલે એક મોટી સિદ્ધિ મેળવી છે. ચહલે ટી-20 આંતરરાષ્ટ્રીય ક્રિકેટમાં ભારત માટે સૌથી વધારે વિકેટ લેવાના મામલામાં જસપ્રીત બુમરાહની બરોબરી કરી લીધી છે.

ચહલે ઓસ્ટ્રેલિયા સામે સિડની ક્રિકેટ ગ્રાઉન્ડ પર રમાયેલી બીજી ટી-20 મેચમાં ચાર ઓવરમાં 51 રન આપીને 1 વિકેટ ઝડપી. અને તેની સાથે જ તેણે ટી-20 આંતરરાષ્ટ્રીય મેચમાં પોતાની વિકેટની સંખ્યા 59 કરી લીધી છે.

બુમરાહે 50 મેચમાં 59 વિકેટ લીધી છે. જ્યારે ચહલે આટલી વિકેટ માટે 44 મેચ લીધી. આ ફોર્મેટમાં તેનું સર્વશ્રેષ્ઠ પ્રદર્શન 25 રન આપીને 6 વિકેટ છે. આ યાદીમાં ઓફ સ્પિનર 52 વિકેટ સાથે ત્રીજા સ્થાને છે. તેના પછી ભુવનેશ્વર કુમારની 41, કુલદીપ યાદવની 39 અને રવિન્દ્ર જાડેજાની 39 વિકેટ છે. ટી-20માં સૌથી વધારે વિકેટ લેવાનો રેકોર્ડ શ્રીલંકાના લસિથ મલિંગાના નામે છે. મલિંગાએ 84 ટી-20 મેચમાં 107 વિકેટ લીધી છે. પાકિસ્તાનના શાહિદ આફ્રિદીના નામે 98 અને બાંગ્લાદેશના શાકિબ અલ હસનના નામે 92 વિકેટ છે.

આ પણ વાંચોઃ જેહાન દારૂવાલાએ રચ્યો ઈતિહાસ, F2 રેસ જીતનાર પ્રથમ ભારતીય ડ્રાઇવર બન્યો 

ભારતે બીજી ટી-20 મેચમાં ઓસ્ટ્રેલિયાએ 6 વિકેટે પરાજય આપ્યો. યજમાન ટીમે પહેલાં બેટિંગ કરતાં 20 ઓવરમાં 5 વિકેટ ગુમાવીને 194 રન બનાવ્યા. જવાબમાં ટીમ ઈન્ડિયાએ 20 ઓવરમાં 4 વિકેટ ગુમાવીને લક્ષ્ય હાંસલ કરી લીધું. આ જીત સાથે ટીમ ઈન્ડિયાએ ટી-20 સીરિઝમાં 2-0ની અજેય સરસાઈ મેળવી લીધી છે.