Hockey 5s Asia Cup 2023: ક્રિકેટમાં ફ્લોપ પરંતુ હોકી હિટ રહી ટીમ ઇન્ડીયા, પાકિસ્તાનને ફાઇનલમાં હરાવ્યું

Indian Hockey Team Won At 5s Asia Cup 2023: શનિવારે ભારતીય પુરૂષ એશિયા કપ ટીમે ફાઈવ્સ એશિયા કપની ફાઇનલમાં પાકિસ્તાનને હરાવીને ટાઈટલ જીત્યું હતું. પેનલ્ટી શૂટઆઉટમાં ભારતે 2-0થી જીત મેળવી હતી. ફૂલટાઇમના અંતે, મેચ 4-4થી ડ્રોમાં સમાપ્ત થઈ, જેના કારણે પેનલ્ટી શૂટઆઉટનો સહારો લેવો પડ્યો. ભારતીય ક્રિકેટ ટીમ શનિવારે પાકિસ્તાન સામે ફ્લોપ દેખાતી હતી ત્યારે હોકી ટીમનો વિજય થયો હતો.

શૂટઆઉટમાં ભારત તરફથી મનિન્દર સિંહ અને ગુરજોત સિંહે ગોલ કર્યા હતા. તો બીજી તરફ ભારતના વિકેટકીપર સૂરજ કારકેરાએ પાકિસ્તાનના અરશદ લિયાકત અને મોહમ્મદ મુર્તઝાને શૂટઆઉટમાં ગોલ કરતા અટકાવ્યા હતા. ભારત તરફથી મોહમ્મદ રાહીલે ફૂલટાઇમમાં બે ગોલ કર્યા હતા. આ સિવાય જુગરાજ સિંહ અને મનિન્દર સિંહે 1-1 ગોલ કર્યો હતો. રાહીલે 19મી અને 26મી મિનિટે ટીમ માટે ગોલ કર્યા હતા. તે જ સમયે, જુગરાજ સિંહે 7મી મિનિટે અને મનિન્દર સિંહે 10મી મિનિટે ગોલ કર્યો હતો.

Champions at the Hockey5s Asia Cup! !

Congratulations to the Indian Men's Hockey Team on a phenomenal victory. It is a testament to the unwavering dedication of our players and with this win, we have also secured our spot at the Hockey5s World Cup in Oman next year.

The grit… pic.twitter.com/ayDKqdY2UM

— Narendra Modi (@narendramodi) September 3, 2023

જ્યારે પાકિસ્તાન તરફથી પૂરા સમય પર અબ્દુલ રહેમાન, ઝીકરિયા હયાત, અરશદ લિયાકત અને કેપ્ટન અબ્દુલ રાણાએ 1-1 ગોલ કરીને સ્કોર 4-4થી બરાબર કરી લીધો હતો. આ પછી મેચ પેનલ્ટી શૂટઆઉટમાં ગઈ, જ્યાં ભારત 2-0થી જીત પોતાના નામે કરી લીધી. આ પહેલા ટીમ ઈન્ડિયા એલિટ પૂલ સ્ટેજમાં પાકિસ્તાન સામે 4-5થી હારી ગઈ હતી. તો બીજી તરફ વડા પ્રધાને પણ ફાઇનલમાં ભારતની આ જીત પર અભિનંદન પાઠવ્યા હતા. નરેન્દ્ર મોદીના ટ્વિટર હેન્ડલ પર ટ્વીટ કરવામાં આવ્યું, "હોકી 5S એશિયા કપમાં ચેમ્પિયન!!"

આગળ લખ્યું હતું કે, “પુરુષ હોકી ટીમને તેની શાનદાર જીત પર અભિનંદન. તે અમારા ખેલાડીઓના અતૂટ સમર્પણની સાક્ષી છે અને આ જીત સાથે અમે ઓમાનમાં આવતા વર્ષે હોકી 5 વર્લ્ડ કપમાં અમારું સ્થાન નિશ્ચિત કર્યું છે. આપણા ખેલાડીઓની હિંમત અને નિશ્ચય આપણા રાષ્ટ્રને પ્રેરણા આપે છે.