GT vs PBKS Weather Report: પંજાબ-ગુજરાતની મેચમાં વરસાદ બનશે વિલન? જાણો કેવો છે ચંદીગઢનું હવામાન

GT vs PBKS Weather Forecast: આઇપીએલ 2024 માં આજે (21 એપ્રિલ, રવિવાર) સંડે ડબલ હેડર જોવા મળશે. દિવસનો બીજો મુકાબલો પંજાબ કિંગ્સ અને ગુજરાત ટાઇટન્સની વચ્ચે મુલ્લાંપુરના મહારાજા યાદવેન્દ્ર સિંહ આંતરરાષ્ટ્રીય ક્રિકેટ સ્ટેડિયમમાં રમાશે. આ મેચ બંને જ માટે મહત્વપૂર્ણ રહેશે કારણ કે આ મુકાબલા સાથે ગુજરાત આ સીઝનની ચોથી પંજાબની ત્રીજી જીત તલાશ કરશે. પરંતુ શું વરસાદ આ મુકાબલા માટે વિલન સાબિત થશે? તો આવો જાણીએ મેચ દરમિયાન કેવું રહેશે ચંદીગઢનું હવામાન. 

મેચ દરમિયાન કેવું રહેશે હવામાન? 
ગુજરાત અને પંજાબ વચ્ચેની ટક્કર ચંદીગઢના મુલ્લાનપુર સ્થિત મહારાજા યાદવેન્દ્ર સિંહ ઈન્ટરનેશનલ ક્રિકેટ સ્ટેડિયમમાં થશે. ચંદીગઢના મુલ્લાનપુરમાં આજે એટલે કે રવિવારે (21 એપ્રિલ) વરસાદની કોઈ શક્યતા નથી. સાંજે એટલે કે મેચના સમયે 20-25 ટકા ભેજ રહેશે. આ સમયગાળા દરમિયાન તાપમાન 30 ડિગ્રીની આસપાસ રહેશે, જ્યારે પવન 10 કિમી પ્રતિ કલાકની ઝડપે ફૂંકાઈ શકે છે. આવી સ્થિતિમાં પંજાબ અને ગુજરાત વચ્ચે રમાનારી મેચમાં વરસાદ કોઈપણ પ્રકારનો અવરોધ નહીં બને તે સ્પષ્ટ છે.

આ સિઝનમાં અત્યાર સુધી કેવું રહ્યું ગુજરાતનું પ્રદર્શન
શુભમન ગિલની આગેવાની હેઠળની ગુજરાત ટાઇટન્સે આ સિઝનમાં અત્યાર સુધીમાં 7 મેચ રમી છે, જેમાં તેણે 3માં જીત અને 4માં હારનો સામનો કરવો પડ્યો છે. આ સ્થિતિ બાદ ટીમ પોઈન્ટ ટેબલમાં આઠમા સ્થાને છે. ગુજરાતે અત્યાર સુધીમાં મુંબઈ ઈન્ડિયન્સ, સનરાઈઝર્સ હૈદરાબાદ અને રાજસ્થાન રોયલ્સ સામે જીત નોંધાવી છે. ગુજરાતે તેની છેલ્લી મેચ દિલ્હી કેપિટલ્સ સામે રમી હતી, જેમાં તેનો 6 વિકેટે પરાજય થયો હતો.

આવું રહ્યું પંજાબ કિંગ્સનું પ્રદર્શન
શિખર ધવનની કેપ્ટનશિપવાળી પંજાબ કિંગસ અત્યાર સુધી હાલની સીઝનમાં નબળી જોવા મળી છે. ટીમે અત્યાર સુધી 7 મેચ રમી છે, જેમાં તેને ફક્ત 2 જીત મળી, જ્યારે 5 મુકાબલામાં હારનો સામનો કરવો પડ્યો છે. પંજાબે અત્યાર સુધી દિલ્હી કેપિટલ્સ અને ગુજરાત ટાઇટન્સ વિરૂદ્ધ જીત નોંધાવી છે. ટીમે ગત ત્રણ મેચ હૈદરાબાદ, રાજસ્થાન અને મુંબઇ વિરૂદ્ધ ગુમાવી હતી.