Cricket Records: ભારતના આ બેટરના નામે છે 1 બોલ પર 17 રન બનાવવાનો રેકોર્ડ, તમે પણ જાણો

નવી દિલ્હીઃ Team India Cricketer: ભારતનો એક એવો બેટ્સમેન પણ છે જેણે આંતરરાષ્ટ્રીય ક્રિકેટમાં 1 બોલમાં 17 રન બનાવવાનો વર્લ્ડ રેકોર્ડ બનાવ્યો છે. દુનિયાનો કોઈ બેટ્સમેન 1 બોલમાં 17 રન બનાવવા વિશે વિચારી પણ ના શકે, કારણ કે આ એક એવું કામ છે જે લગભગ અસંભવ છે, પરંતુ ભારતના એક બેટ્સમેન છે, જેમણે આ અશક્ય કામને પાર પાડીને દુનિયાને ચોંકાવી દિધી છે. આંતરરાષ્ટ્રીય ક્રિકેટમાં પણ રોહિત શર્મા અને ક્રિસ ગેલ જેવા વિસ્ફોટક બેટ્સમેનો 1 બોલમાં 17 રન બનાવીને અજાયબી કરી શક્યા નથી.

ભારતના આ બેટ્સમેનના નામે 1 બોલમાં 17 રન બનાવવાનો વર્લ્ડ રેકોર્ડ છે. 
આંતરરાષ્ટ્રીય ક્રિકેટમાં માત્ર એક જ બેટ્સમેને 1 બોલમાં 17 રન બનાવવાનો કરિશ્મા કર્યો છે. આ બેટ્સમેન બીજું કોઈ નહીં પણ ભારતના ભૂતપૂર્વ વિસ્ફોટક ઓપનર વીરેન્દ્ર સેહવાગ છે. ભારતના ભૂતપૂર્વ તોફાની ઓપનર વીરેન્દ્ર સેહવાગે 13 માર્ચ 2004ના રોજ કરાચીમાં પાકિસ્તાન સામે રમાયેલી ODI મેચમાં પાકિસ્તાની બોલર રાણા નાવેદ ઉલ હસનની એક ઓવરમાં 17 રન ફટકાર્યા હતા. વીરેન્દ્ર સેહવાગનો આ વર્લ્ડ રેકોર્ડ આજ સુધી કોઈ બેટ્સમેન તોડી શક્યો નથી.

આ પણ વાંચોઃ કેવી રીતે રવીન્દ્ર જાડેજા પહોંચી ગયો વિરાટ, રોહિત શર્મા અને જસપ્રીત બુમરાહની ક્લબમા

રોહિત-ગેલ જેવા મોટા દિગ્ગજ પણ આ કરિશ્મા કરી શક્યા નથી
આંતરરાષ્ટ્રીય ક્રિકેટમાં પણ રોહિત શર્મા અને ક્રિસ ગેલ જેવા વિસ્ફોટક બેટ્સમેનો 1 બોલમાં 17 રન બનાવીને અજાયબી કરી શક્યા નથી. વીરેન્દ્ર સેહવાગની વાત કરીએ તો તેમની બેટિંગ કરવાની સ્ટાઈલ અલગ હતી. વીરેન્દ્ર સેહવાગે વર્ષ 2015માં ઈન્ટરનેશનલ ક્રિકેટમાંથી નિવૃત્તિ લેવાની જાહેરાત કરી હતી. ભારતને હજુ વીરેન્દ્ર સેહવાગ જેવો બેટ્સમેન મળ્યો નથી.

13 માર્ચ, 2004ના રોજ, કરાચીમાં પાકિસ્તાન સામે રમાયેલી ODI મેચમાં, પાકિસ્તાની બોલર રાણા નાવેદ ઉલ હસને તે ઓવરમાં વીરેન્દ્ર સેહવાગની સામે સતત 3 નો બોલ કર્યા, જેમાંથી વીરેન્દ્ર સેહવાગે બે બોલ પર ચોગ્ગા ફટકાર્યા.

આ પણ વાંચોઃ આ વિષયમાં નબળો હતો કોહલી! IPL 2023 પહેલાં વિરાટે શેર કરી ધોરણ-10ની માર્કશીટ

આ પછી લીગલ બોલ પર કોઈ રન નોંધાયો નહોતો. આ પછી રાણા નાવેદ-ઉલ-હસને ફરીથી બે નો-બોલ ફેંક્યા, વીરેન્દ્ર સેહવાગે એક બોલ પર ચોગ્ગો ફટકાર્યો, જ્યારે બીજા બોલ પર કોઈ રન થયો ન હતો. આ રીતે, રાણા નાવેદ ઉલ હસનની તે ઓવરમાં, વીરેન્દ્ર સેહવાગે 3 ચોગ્ગાથી 12 રન અને 5 નો બોલમાં 5 વધારાના રન મેળવ્યા, જેના કુલ 17 રન થયા.