Rishabh Pant Road Accident: ધોનીનો ઉત્તરાધિકારી અને ભવિષ્યનો લીડર, ટીમ ઈન્ડિયામાં આ રોલમાં ફિટ બેસે છે ઋષભ પંત

Indian cricketer: ટીમ ઈન્ડિયાનો વિકેટ કીપર બેટ્સમેન ઋષભ પંત કાર અકસ્માતમાં ગંભીર રીતે ઘાયલ થયો છે. ઉત્તરાખંડમાં પંતની મર્સિડીઝ કાર ડિવાઈડર સાથે અથડાઈ હતી. ડિવાઈડર સાથે અથડાયા બાદ કારમાં આગ લાગી હતી. પંત કોઈ રીતે કારમાંથી બહાર નીકળવામાં સફળ રહ્યો હતો. અકસ્માત બાદ પંતને હોસ્પિટલમાં દાખલ કરવામાં આવ્યા છે. ડોક્ટરોના જણાવ્યા અનુસાર ઋષભ પંતને પગ અને માથામાં ઘણી ઈજાઓ થઈ છે. પંત સાથેની આ ઘટનાએ ટીમ ઈન્ડિયાની મુશ્કેલીઓ પણ વધારી દીધી છે. 

ભારતને આવતા વર્ષે ફેબ્રુઆરી-માર્ચમાં ઓસ્ટ્રેલિયા સામે ટેસ્ટ શ્રેણી રમવાની છે, જેમાં પંતની ભૂમિકા મહત્વની રહેવાની છે.  હવે તે શ્રેણીમાં પંતના ભાગ લેવાની શક્યતા સમાપ્ત થઈ ગઈ છે. ભારતે વર્ષ 2023માં જ ODI વર્લ્ડ કપમાં ભાગ લેવાનો છે. આ સ્થિતિમાં ભારતીય પ્રશંસકો પ્રાર્થના કરતા હશે કે વિકેટકીપર પંત ત્યાં સુધીમાં સંપૂર્ણ સ્વસ્થ થઈ જાય.

પંતની ઈજા કેટલી ઊંડી છે? જાણો ભારતીય ક્રિકેટરની હેલ્થ અપડેટ
એમએસ ધોનીએ આંતરરાષ્ટ્રીય ક્રિકેટ છોડ્યા પછી, ભારતીય ટીમને એવા ખેલાડીની જરૂર હતી જે વિકેટકીપિંગની સાથે બેટિંગમાં પણ ધમાકો મચાવી શકે. ઉપરાંત તેની પાસે નેતૃત્વના ગુણો હોવા જોઈએ. ઋષભ પંત આ ત્રણેય બાબતોમાં ફિટ બેસે છે. પંતે તેના પર્ફોર્મન્સથી ઘણીવાર આ સાબિત કર્યું છે. ટેસ્ટ ક્રિકેટમાં પંત જે રીતે બેટિંગ કરે છે તેનાથી ધોનીની કમી અનુભવાતી નથી. જોકે, પંતને ODI અને T20 ઈન્ટરનેશનલમાં હજુ ઘણા સુધારાની જરૂર છે.

આ પણ વાંચો: સ્ટોક ક્લિયરન્સ ઓફર! માત્ર 350 રૂપિયામાં લઇ જાવ Samsung નો ફોન
આ પણ વાંચો: ALERT! 31 ડિસેમ્બર બાદ આ 49 સ્માર્ટફોનમાં WhatsApp થઈ જશે બંધ, તમારો ફોન તો નથી ને!
આ પણ વાંચો: Kiara થી માંડીને Shanaya સુધી, ન્યૂ ઇયર પર કોપી કરો આ બોલીવુડ હસીનાઓનો લુક

પંત પાસેથી ODI અને T20 ઈન્ટરનેશનલ મેચોમાં ફિનિશરની ભૂમિકા ભજવવાની અપેક્ષા રાખવામાં આવી હતી, પરંતુ તે માત્ર થોડા પ્રસંગોમાં જ સફળ થઈ શક્યો હતો. ઘણી વખત તેણે બેજવાબદાર શોટ રમતા રમતા વિકેટો ફેંકી હતી. પંતે આવનારા વર્ષોમાં ધોની પાસેથી આ વિશે ઘણું શીખવું પડશે. મેદાનમાં ગેપ શોધવો, વિકેટો વચ્ચે ઝડપથી દોડવું અને ખરાબ બોલને બાઉન્ડ્રીની પાર મોકલવો એ ધોનીની બેટિંગની ખાસિયત હતી.

પંત ટેસ્ટમાં કેપ્ટનશિપનો દાવેદાર
રિષભ પંતને ભવિષ્યમાં ટીમ ઈન્ડિયાનો કેપ્ટન પણ કહેવામાં આવી રહ્યો છે કારણ કે તે માત્ર 25 વર્ષનો છે. ખાસ કરીને રોહિત શર્મા બાદ ભારત ટેસ્ટ ક્રિકેટમાં કેપ્ટનની શોધ કરશે અને પંત આ ભૂમિકામાં ફિટ થશે. ODI અને T20 ક્રિકેટમાં હાર્દિક પંડ્યા ચોક્કસપણે પંતથી આગળ છે. પંતે દક્ષિણ આફ્રિકા સામેની ટી-20 શ્રેણીમાં ટીમ ઈન્ડિયાની કેપ્ટનશીપ કરી હતી.

પંત છ મહિના બહાર રહી શકે છે
પંતને લઈને BCCI દ્વારા આપવામાં આવેલી અપડેટ મુજબ, આ ક્રિકેટરના કપાળ પર બે કટના નિશાન છે અને તેના ઘૂંટણમાં ઈજા થઈ છે. આ સાથે ઋષભ પંતને અંગૂઠા, એડી, કાંડા અને પીઠ પર ઈજાઓ થઈ છે.  આ ઇજાનો ભોગ બનતાં પંતને સાજા થવામાં ત્રણથી છ મહિનાનો સમય લાગશે. આવી સ્થિતિમાં રિષભ પંત ક્યારે વાપસી કરશે તેનો ચોક્કસ અંદાજ લગાવવો મુશ્કેલ છે.

રિષભ પંતે અત્યાર સુધી 66 T20 આંતરરાષ્ટ્રીય મેચોમાં 22.43ની એવરેજથી 987 રન બનાવ્યા છે. આ દરમિયાન પંતે T20 ઈન્ટરનેશનલમાં 3 અડધી સદી ફટકારી છે અને તેનો સર્વશ્રેષ્ઠ સ્કોર અણનમ 65 રન છે. વન ડે ઈન્ટરનેશનલની વાત કરીએ તો પંતે 30 મેચમાં 34.60ની એવરેજથી 865 રન બનાવ્યા છે. પંતે 33 ટેસ્ટમાં 43.67ની એવરેજથી 2271 રન બનાવ્યા છે, જેમાં 5 સદી અને 11 અર્ધસદી સામેલ છે.