9 જુલાઈના સમાચાર

9 જુલાઈના સમાચાર News

અમદાવાદની મહિલા સિંગરને થયો કડવો અનુભવ, આંખ ખોલતો કિસ્સો છે વાંચવા જેવો...
ઓનલાઈન છેતરપીંડી
અમદાવાદની મહિલા સિંગરને થયો કડવો અનુભવ, આંખ ખોલતો કિસ્સો છે વાંચવા જેવો...
આજના સમયમાં દરેકના હાથમાં મોબાઈલ હોય છે, દરેક વ્યક્તિને કોઈને કોઈ એવા મેસેજ આવે છે જેઓને ફ્રોડ મેસેજ આવતા હોય છે. સતર્ક રહેતી વ્યક્તિ હંમેશા આવા ફ્રોડથી બચી જાય છે. અમદાવાદની એક મહિલા સિંગરને એક યુવકે મેટ્રીમોનિયલ સાઈટ દ્વારા લગ્નની માયાજાળમાં ફસાવીને રૂપિયા પડાવવાનો પ્રયાસ કર્યો હતો. પરંતુ શખ્સની દાનતનો અંદેશો આવી જતા જ મહિલા ચેતી ગઈ હતી. પરંતુ આ આંખ ખોલતો કિસ્સો પ્રકાશમાં આવે તે જરૂરી છે, જેથી અન્ય કોઈ લગ્ન ઈચ્છુક યુવતીઓ વિદેશ જવાની ઘેલછામાં આવી રીતે છેતરાય નહિ. 
Jul 9,2020, 17:28 PM IST
3 હત્યાને અંજામ આપનાર સૌરાષ્ટ્રના કુખ્યાત રાજુ શેખવા પર વધુ એક ફરિયાદ નોઁધાઈ
રાજુ શેખવા
3 હત્યાને અંજામ આપનાર સૌરાષ્ટ્રના કુખ્યાત રાજુ શેખવા પર વધુ એક ફરિયાદ નોઁધાઈ
સૌરાષ્ટ્રના કુખ્યાત ગુનેગાર એવા રાજેન્દ્ર શેખવા ઉર્ફે રાજુ શેખવા પર વધુ એક ફરિયાદ નોંધાઈ છે. લાંચરુશવત બ્યુરોએ અપ્રમાણસર મિલકતની ફરિયાદ રાજુ શેખવા પર નોંધી છે. ઉલ્લેખનીય છે કે રાજુ શેખવા પર આ પહેલા ત્રણ-ત્રણ હત્યાના ગુના નોંધાયેલ છે. કુખ્યાત રાજુ શેખવાએ પહેલી હત્યા વર્ષ 2001 માં જોરાવરસિંહ ચૌહાણની હત્યા કરવામાં આવી હતી. તેણે જોરાવરસિંહ ચૌહાણની સાવરકુંડલામાં જાહેરમાં તલવારના ઘા ઝીંકી હત્યા કરી હતી. મૃતક જોરાવરસિંહ ચૌહાણ વોટર વર્કસ કમિટીના ચેરમેન હતા. રાજુ શેખવાએ ધંધાની અદાવતમાં આ પ્રથમ હત્યા કરી હતી.  
Jul 9,2020, 16:59 PM IST
breaking : સરકારી ભરતી પ્રક્રિયાને લઇને સરકાર હરકતમાં આવી
સરકારી નોકરી
breaking : સરકારી ભરતી પ્રક્રિયાને લઇને સરકાર હરકતમાં આવી
સરકારી ભરતી પ્રક્રિયાને લઇને સરકાર હરકતમાં આવી છે. સરકારી ભરતીઓને લઈ સરકાર બેઠક કરશે. મુખ્ય આંદોલનકારીઓની સાથે આવતીકાલે સરકારના પ્રતિનિધિઓ બેઠક યોજાશે. રાજ્ય સરકારના બે મંત્રીઓની સાથે ચર્ચા થશે, જેમાં અટકેલી ભરતીઓ તથા જે ભરતીમા પરીક્ષાઓ લેવાઈ ચુકી છે અને નિમણુકના કામ બાકી છે તેના પર ચર્ચા સંભવ બનશે. કોરોનાની સ્થિતિને ધ્યાને રાખી શું કરી શકાય તે અંગે પણ ચર્ચા થઈ શકે છે. 
Jul 9,2020, 14:46 PM IST
GTUની પરીક્ષા માટે મોટા સમાચાર, ઓફલાઈન-ઓનલાઈન પરીક્ષા લેવાશે
ગુજરાત ટેકનોલોજીકલ યુનિવર્સિટી
GTUની પરીક્ષા માટે મોટા સમાચાર, ઓફલાઈન-ઓનલાઈન પરીક્ષા લેવાશે
ગુજરાત ટેકનોલોજીકલ યુનિવર્સિટી (GTU) દ્વારા મોટો નિર્ણય લેવાયો છે. MCQ ફોર્મેટમાં વિદ્યાર્થીઓની અંતિમ વર્ષની પરીક્ષા લેવાશે. આ પરીક્ષા 30 જુલાઈ પહેલા ઓનલાઈન પૂર્ણ કરાશે. MCQ ફોર્મેટમાં લેવાનારી પરીક્ષામાં 70 માર્કની પરીક્ષા 70 મિનિટ માટે લેવાશે. ઝડપથી વિદ્યાર્થીઓને પરિણામ આપી શકાય તે હેતુથી હવે MCQ ફોર્મેટમાં પરીક્ષા લેવાનું નક્કી કરાયું છે. જે વિદ્યાર્થી પાસે નેટની સુવિધા ના હોય તે કોલેજ પર જઈ વાય ફાઈના માધ્યમથી પણ પરીક્ષા આપી શકશે. 
Jul 9,2020, 14:13 PM IST
ટોસિલિઝુમેબ ઈન્જેકશનની કાળા બજારીમાં ટીબી હોસ્પિટલના ફાર્માસિસ્ટની મોટી સંડોવણી બહાર
ટોસિલિઝુમેબ ઇન્જેક્શન
ટોસિલિઝુમેબ ઈન્જેકશનની કાળા બજારીમાં ટીબી હોસ્પિટલના ફાર્માસિસ્ટની મોટી સંડોવણી બહાર
કોરોનાને દર્દી માટે અતિ મહત્વના એવા ટોસિલિઝુમેબ ઈન્જેકશનની કાળા બજારીનો મામલો ગરમાયો છે. રાજ્યમાં થઈ રહેલ કોરોનાની ટ્રીટમેન્ટ માટે વપરાતા ટોસિલિઝુમેબ ઇન્જેક્શનની કાળા બજારીનો ફ્રુડ એન્ડ ડ્રગ વિભાગે પર્દાફાશ કર્યો છે. સાર્થક ફાર્મા એજન્સીમાં ફૂડ એન્ડ ડ્રગ વિભાગે નકલી ગ્રાહક મોકલીને 40 હજારની કિંમતનું ઇન્જેક્શન 57 હજારમાં વેચ્યુ તેનો પર્દાફાશ કર્યો છે. ત્યારે આ સમગ્ર કૌભાંડમાં ટીબી હોસ્પિટલના ફાર્માસિસ્ટનું નામ સામે આવતા તંત્રની ચિંતા વધી છે. હોસ્પિટલમાં કામ કરતા ઘનશ્યામ વ્યાસ પર હોસ્પિટલના પ્રિસ્ક્રીપ્શનનો દુરુપયોગ કરવાનો આરોપ છે. 40 હજારનું ઈન્જેક્શન 57 હજારમાં વેચવાના કૌભાડમાં સિવિલ કેમ્પસમાં આવેલા ટીબી હોસ્પિટલના સ્ટોરમાં ફાર્મસિસ્ટ તરીકે કાર્યરત ઘનશ્યામ વ્યાસની સંડોવણી બહાર આવી છે. ગઈકાલ સુધી સમયસર ટીબી વિભાગમાં પોતાની ઓફિસે આવતા ઘનશ્યામ વ્યાસ આજે ગેરહાજર જોવા મળ્યા. 
Jul 9,2020, 13:12 PM IST
STના ડ્રાઈવરની બેફિકરાઈનો video, ‘દ્વારકાધીશની જય’ બોલાવી ધસમસતા પાણીમાં બસ દોડાવી
સૌરાષ્ટ્રમાં મેઘમહેર
STના ડ્રાઈવરની બેફિકરાઈનો video, ‘દ્વારકાધીશની જય’ બોલાવી ધસમસતા પાણીમાં બસ દોડાવી
હાલ જામનગરમાં સતત ત્રણ દિવસ ધોધમાર વરસાદ વરસી ગયો છે. ઠેરઠેર પાણી ભરાઈ ગયા હતા. હજી પણ અનેક વિસ્તારોમાંથી પાણી ઓસર્યા નથી, ત્યારે એસ.ટી બસના ડ્રાઇવરની બેફિકરાઈનો વીડિયો સામે આવ્યો છે. જેમાં કેવી રીતે એસટી બસનો ડ્રાઈવર મુસાફરોનો જીવ જોખમે મૂકી રહ્યો છે તેમાં સ્પષ્ટ દેખાય છે. આ ડ્રાઈવરે પુલ પર પાણી હોવા છતા પાણીના પ્રવાહમાં બસ દોડાવી છે. આ વીડિયો હાલ વાયરલ થયો છે. 
Jul 9,2020, 12:29 PM IST
ટોસિલિઝુમેબ ઈન્જેક્શનનો પૂરતો જથ્થો છે, પણ માઈલ્ડ દર્દી પર ઉપયોગ થશે તો અછત સર્જાશે
ટોસિલિઝુમેબ ઇન્જેક્શન
ટોસિલિઝુમેબ ઈન્જેક્શનનો પૂરતો જથ્થો છે, પણ માઈલ્ડ દર્દી પર ઉપયોગ થશે તો અછત સર્જાશે
રાજ્યમાં થઈ રહેલ કોરોનાની ટ્રીટમેન્ટ માટે વપરાતા ટોસિલિઝુમેબ ઇન્જેક્શનની કાળા બજારીનો ફ્રુડ એન્ડ ડ્રગ વિભાગે પર્દાફાશ કર્યો છે. સાર્થક ફાર્મા એજન્સીમાં નકલી ગ્રાહક મોકલીને 40 હજારની કિંમતનું ઇન્જેક્શન 57 હજારમાં એજન્સીએ ગ્રાહકને આપ્યું હતું. ત્યારે આ અંગે ફુડ એન્ડ ડ્રગ્સ કમિશનર એચ.જી.કોશીયાએ આ અંગે કહ્યું કે, રાજ્ય સરકાર અને આરોગ્ય વિભાગ રાજ્યને વ્યાજબી અને ગુણવત્તા વળી દવા મળે તે માટે કટિબદ્ધ છે. બે દવાઓના સારા પરિણામ મળી રહ્યા છે. મોડરેટ અને સિવીયર પેશન્ટ માટે જ આ દવા ઉપયોગી છે. હાલની મહામારીના સમયમાં જરૂરિયાત મંદને દવા મળે તે જરૂરી છે. દવાઓ મેળવવા માટે કેટલાક લોકો પ્રયત્ન કરે છે. 40 હજારની કિંમતનું ઇન્જેક્શન વ્યક્તિના આધારે વધારે ભાવમાં વેચાતું હતું. વધારે ભાવમાં દવા બોગસ ગ્રાહકને ઉમા કેજરીવાલે વેચી હતી. અમે પ્રશ્નો પૂછતા તે દવા બાબતે યોગ્ય જવાબ આપી શકી ન હતી. રિટેલ દવા ન વેચી શકે. અમદાવાદમાં કામ કરી ચૂકેલા એક વ્યક્તિ પાસેથી તે દવા ખરીદતી હતી. સિવિલના ફાર્મસીસ્ટ પાસે પ્રિસ્ક્રીપશન મેળવી ઇન્જેક્શન મેળવતી હતી. 5 હજારના નફા ચઢાવી દવા વેચાતી હતી તેવું પ્રાથમિક તપાસમા ખૂંલ્યું છે. તેની પાસેથી 3 ઇન્જેક્શન જપ્ત કરવામાં આવ્યા છે. કાયદા ના ભંગ બદલ તપાસ કરવામાં આવી રહી છે. 
Jul 9,2020, 12:00 PM IST
રાજકોટ જિલ્લા સહકારી બેંકની ચુંટણીમાં ભાજપ-કોંગ્રેસ ભાઈ ભાઈ....
રાજકોટ ડિસ્ટ્રિક્ટ કો-ઓપરેટિવ બેંક
રાજકોટ જિલ્લા સહકારી બેંકની ચુંટણીમાં ભાજપ-કોંગ્રેસ ભાઈ ભાઈ....
રાજકોટ જિલ્લા સહકારી બેંકની ચુંટણીમાં ભાજપ-કોંગ્રેસ ભાઈ ભાઈ જેવી સ્થિત ઉભી થઈ છે. રાજકોટ જિલ્લા બેંક ચૂંટણીમાં બેંકની 17 બેઠકમાંથી 15 બેઠકની ચૂંટણી બિનહરીફ થશે. કેબિનેટ મંત્રી જયેશ રાદડિયાની પેનલ આજે ફોર્મ ભરવા જશે. વાંકાનેરના ધારાસભ્ય જાવેદ પીરજાદા પણ ફોર્મ ભરશે. રાજકોટ તાલુકાની બેઠકમાં વિજય સખીયા અને ડી.કે સખીયા વચ્ચેની ખેંચતાણમાં શૈલેષ ગંઢીયા પર પસંદગી ઉતારવામાં આવી છે. શહેરની બેઠક પર અરવિંદ તાળા સામે યજ્ઞેશ જોશીએ ફોર્મ ભર્યું છે. તો જામકંડોરણા બેઠક પરથી લલિત રાદડિયા અને ઈતર બેઠક પરથી જયેશ રાદડિયા ફોર્મ ભરશે. જયેશ રાદડિયાની પેનલના ઉમેદવાર આજે 11.30 કલાકે ફોર્મ ભરશે.
Jul 9,2020, 11:21 AM IST
એક સમયના સ્ટાર ક્રિકેટર વડોદરાના ઈમરાન શેખ લારી ચલાવવા મજબૂર બન્યા
ઈમરાન શેખ
એક સમયના સ્ટાર ક્રિકેટર વડોદરાના ઈમરાન શેખ લારી ચલાવવા મજબૂર બન્યા
પ્રસિદ્ધિ અને પૈસા માટે જાણીતા ક્રિકેટ જગતથી અંજાઈને દરેક પેરેન્ટ્સ પોતાના સંતાનને ક્રિકેટર બનાવવા માંગે છે. પણ આ ફિલ્ડની વરવી વાસ્તવિકતા સામે આવી છે. એક સમયે ક્રિકેટમાં 35 વર્ષીય દિવ્યાંગ ક્રિકેટર આજે બેરોજગારીથી પરેશાન થયા છે. ભારતીય દિવ્યાંગ ક્રિકેટ ટિમના પૂર્વ કેપ્ટન ઇમરાન જીવનનિર્વાહ માટે લારી ચલાવવા મજબૂર બન્યા છે. ગુજરાન ચલાવવા મૂંગ ચાટની લારી ખોલી લોકડાઉનમાં એ આવક પણ છીનવાઈ ગઈ. દિવ્યાંગ ક્રિકેટર ઇમરાન શેખે ત્રણ એશિયા કપ અને ચેમ્પિયન્સ ટ્રોફી જીતી દેશનું ગૌરવ વધાર્યું હતું. વર્ષ 2018 માં વર્લ્ડ કપમાં પણ સારું પ્રદર્શન કરી ચૂક્યા છે. ત્યારે ઇમરાન શેખે સરકાર પાસે મદદની ગુહાર લગાવી છે. પરંતુ આશ્વાસન સિવાય તેઓને કંઈ હાથ લાગ્યું નથી. 
Jul 9,2020, 10:14 AM IST
CBSEની જેમ હવે ગુજરાત બોર્ડ પણ અભ્યાસક્રમમાં ઘટાડો કરે તેવી માંગ ઊઠી
ગુજરાત બોર્ડ
CBSEની જેમ હવે ગુજરાત બોર્ડ પણ અભ્યાસક્રમમાં ઘટાડો કરે તેવી માંગ ઊઠી
કોરોના મહામારીને જોતા હવે ગુજરાત બોર્ડ પણ અભ્યાસક્રમમાં ઘટાડો કરે તેવી માંગ ઊઠી છે. અભ્યાસક્રમમાં ઘટાડો કરવાની માંગ મુદ્દે ઝી 24 કલાક એ શિક્ષક અને રાજ્ય શાળા સંચાલક મહામંડળના પ્રમુખ સાથે વાત કરી હતી. CBSE બોર્ડે ધોરણ 9 થી 12માં 30% અભ્યાસક્રમમાં ઘટાડો કરતા ગુજરાત બોર્ડ પણ સમયસર નિર્ણય લે તેવી માંગ ઉઠી રહી છે. શાળા સંચાલક મહામંડળના પ્રમુખ ભાસ્કર પટેલના અનુસાર CBSE બોર્ડ કરતા પણ વધુ કોર્ષ ગુજરાત બોર્ડે ઘટાડવાની ફરજ પડશે. સરકાર આગામી વર્ષે એપ્રિલ મહિનાથી શાળાઓ શરૂ કરવા માગે છે તો એ દિશામાં વિચારણા કરીને ચાલુ વર્ષે કોર્ષ ઘટાડવા અંગે નિર્ણય કરવો જરૂરી છે. હાલ જુલાઈ સુધી સ્કૂલ ખુલશે નહિ, અને ભવિષ્ય પણ અનિશ્ચિત છે. ત્યારે લગભગ 60 દિવસનો અભ્યાસ શક્ય બનવાનો નથી. તો બીજી તરફ, શિક્ષક, વાલી અને શાળા સંચાલકોની માગને જોતા હાલ રાજ્ય સરકારે પણ CBSE બોર્ડના નિર્ણય અને હાલની શૈક્ષણિક પરિસ્થિતિઓને ધ્યાનમાં રાખીને કોર્ષમાં કેટલો ઘટાડો કરી શકાય તે અંગે વિચારણા શરૂ કરી છે. આગામી સમયમાં ગુજરાત બોર્ડ પણ અભ્યાસક્રમમાં ઘટાડો કરે તેવી શક્યતાઓ પ્રબળ બની છે. 
Jul 9,2020, 9:29 AM IST
રાજ્યમાં વરસાદનું જોર ધીમુ પડ્યું, 24 કલાકમાં 138 તાલુકામાં વરસાદ નોંધાયો
સૌરાષ્ટ્રમાં મેઘમહેર
રાજ્યમાં વરસાદનું જોર ધીમુ પડ્યું, 24 કલાકમાં 138 તાલુકામાં વરસાદ નોંધાયો
રાજ્યમાં ચાર દિવસના ધોધમાર વરસાદ બાદ હવે વરસાદનું જોર ધીમું પડ્યું છે. છેલ્લા 24 કલાકમાં 138 તાલુકામાં વરસાદ નોંધાયો છે. જો કે સૌથી વધુ વરસાદ સવા એક ઈંચ જ સુરતના ઉમરપાડામાં નોંધાયો છે. જુનાગઢના માળીયા, સાબરકાંઠાના ખેડબ્રહ્મા, કચ્છના લખપત, વલસાડના ધરમપુરમાં 1 ઇંચ જેટલો વરસાદ વરસ્યો છે. તો અમદાવાદ શહેરમાં પણ છેલ્લા ૨૪ કલાક દરમિયાન એક ઇંચની આસપાસ વરસાદ થયો છે. આજે સવારથી આઠ વાગ્યા સુધીમાં 14 તાલુકામાં વરસાદ નોંધાયો છે. તમામ ૧૪ તાલુકામાં અડધા ઇંચથી પણ ઓછો એટલે કે સામાન્ય વરસાદ જોવા મળ્યો છે.
Jul 9,2020, 9:11 AM IST
કચ્છ : અનેક ગર્ભવતી મહિલાઓને રસી આપનાર નર્સને કોરોના નીકળતા ખળભળાટ
Unlock 2
કચ્છ : અનેક ગર્ભવતી મહિલાઓને રસી આપનાર નર્સને કોરોના નીકળતા ખળભળાટ
ગુજરાતમાં કોરોનાના આજના કેસ પર નજર કરીએ તો, કચ્છમાં કોરોના કહેર યથાવત છે. કચ્છમાં 11 કોરોનાના પોઝિટિવ રિપોર્ટ આવ્યા છે. આમ, કચ્છ જિલ્લાએ આંકમાં બે સદી વટાવી છે. પરંતુ ચોંકાવનારી બાબત એ છે કે, 
Jul 9,2020, 8:34 AM IST
હીરા ઉદ્યોગ ખોલવા માટે નવી ગાઈડલાઈન, 10 થી વધુ કોરોના કેસ મળશે તો બજાર બંધ
સુરત
હીરા ઉદ્યોગ ખોલવા માટે નવી ગાઈડલાઈન, 10 થી વધુ કોરોના કેસ મળશે તો બજાર બંધ
સુરતમાં વધી રહેલા કોરોનાના કેસ અંગે હીરા બજાર અને કાપડ ઉદ્યોગો પર આંગળી ચિંધાઈ હતી. બંને ઉદ્યોગોમાં કામદારોને કોરોના કેસ વધી રહ્યા હતા, ત્યારે હવે હીર બજાર શરૂ કરવા માટે નવી ગાઈડલાઈન જાહેર કરાઈ છે. સુરત મનપાએ હીરા બજાર ખોલવા અંગે નવી ગાઈડલાઈન બનાવાઈ છે. જે મુજબ, ટ્રેડિંગ માટે આવતા લોકોનું રજિસ્ટર બનાવવામાં આવશે. આ ઉપરાંત ઉદ્યોગોમાં વેન્ટીલેશન ખુલ્લું રાખવામાં આવે તેવી કડક સૂચના અપાઈ છે. કંપનીમાં દરેક કર્મચારીએ સોશિયલ ડિસ્ટન્સ જાળવવું પડશે. દરેક ઓફિસના કર્મચારીને આઈકાર્ડ આપવામાં આવે. 
Jul 9,2020, 8:08 AM IST

Trending news