Best SUV Cars India: આ SUV જોશો તો Hyundai Cretaને પણ ભૂલી જશો! કિંમત 10.45 લાખ રૂપિયા અને માઇલેજ 28KMPL

Maruti Grand Vitara: Hyundai Creta કોમ્પેક્ટ SUV સેગમેન્ટમાં સ્ટ્રોન્ગ પોઝીશનમાં છે. ગયા વર્ષે, મારુતિ સુઝુકીએ ગ્રાન્ડ વિટારા લૉન્ચ કરીને સેગમેન્ટમાં કોમ્પીટીશન વધારી છે. તાજેતરમાં જ મારુતિએ ગ્રાન્ડ વિટારાના CNG વેરિઅન્ટ્સ પણ લોન્ચ કર્યા છે. એટલું જ નહીં ગ્રાન્ડ વિટારાની બ્લેક એડિશન પણ લોન્ચ કરવામાં આવી છે. ગ્રાન્ડ વિટારાની કિંમત રૂ. 10.45 લાખથી રૂ. 19.65 લાખ વચ્ચે છે.

તે સિગ્મા, ડેલ્ટા, ઝેટા, ઝેટા+, આલ્ફા અને આલ્ફા+ ટ્રિમ્સમાં ઉપલબ્ધ છે. સ્ટ્રોંગ હાઇબ્રિડ પાવરટ્રેન Zeta Plus અને Alpha Plus વેરીઅન્ટમા પણ ઉપલબ્ધ છે જ્યારે CNG કિટ ડેલ્ટા અને Zeta વેરિયન્ટમાં ઉપલબ્ધ છે. આ 5 સીટર SUV છે.

ગ્રાન્ડ વિટારા ત્રણ પાવરટ્રેન વિકલ્પો સાથે ઓફર કરવામાં આવે છે - 1.5-લિટર પેટ્રોલ માઇલ્ડ-હાઇબ્રિડ (103PS), 1.5-લિટર પેટ્રોલ સ્ટ્રોંગ-હાઇબ્રિડ (116PS) અને 1.5-લિટર પેટ્રોલ-CNG (87.83PS/121.5Nm).

આ પણ વાંચો:
Auto Update System: હવે તમામ ડિજીલોકર દસ્તાવેજો આધારથી થશે ઓટો અપડેટ
Income Tax: આ વખતે કેટલો રહેશે તમારો ઈન્કમ ટેક્સ? આ રીતે ઝડપથી કરો ગણતરી
બુધવારે કરી લો આ ખાસ કામ, આર્થિક ઉન્નતિ સાથે દરેક સમસ્યાઓનું મળશે સમાધાન

હળવા-હાઇબ્રિડ એન્જિન સાથે 5-સ્પીડ મેન્યુઅલ અને 6-સ્પીડ ઓટોમેટિક ગિયરબોક્સનો વિકલ્પ છે. સ્ટ્રોંગ હાઇબ્રિડ એન્જિન માત્ર e-CVT ગિયરબોક્સ સાથે આવે છે જ્યારે CNG મોડલમાં માત્ર 5-સ્પીડ મેન્યુઅલ ગિયરબોક્સ મળે છે.

આમાં ઓલ વ્હીલ ડ્રાઈવનો વિકલ્પ માત્ર ટોપ માઈલ્ડ-હાઈબ્રિડ વેરિઅન્ટમાં ઉપલબ્ધ છે, જે 19.38 કિલોમીટર પ્રતિ લિટર સુધીની માઈલેજ આપી શકે છે. સ્ટ્રોંગ હાઇબ્રિડ સેટઅપમાં કાર 27.97 kmplની માઇલેજ આપી શકે છે.

તેમાં 9-ઇંચ ટચસ્ક્રીન ઇન્ફોટેનમેન્ટ સિસ્ટમ, પેનોરેમિક સનરૂફ, ડિજિટલ ડ્રાઇવર ડિસ્પ્લે, વેન્ટિલેટેડ ફ્રન્ટ સીટ્સ, 360 ડિગ્રી કેમેરા, હેડ-અપ ડિસ્પ્લે, એમ્બિયન્ટ લાઇટિંગ, છ એરબેગ્સ, EBD સાથે ABS અને ઇલેક્ટ્રોનિક સ્ટેબિલિટી પ્રોગ્રામ જેવી સુવિધાઓ છે.