84 દિવસ સુધી મળશે 3GB ડેટા, સાથે Netflix નું ફ્રી સબ્સક્રિપ્શન, આ છે જિયોનો દમદાર પ્લાન

Reliance Jio Netflix Plan: રિલાયન્સ જિયો દેશની નંબર એક ટેલીકોમ કંપની છે. એરટેલ અને વીઆઈની તુલનામાં તેના પાસે ઘણા યૂઝર્સ છે. જિયોની પાસે યૂઝર્સની જરૂરીયાત પ્રમાણે રિચાર્જ પ્લાનનું એક લાંબુ લિસ્ટ છે. જો તમે પણ જિયો યૂઝર્સ છો તો તમારી જરૂરીયાત પ્રમાણે પ્લાનની પસંદગી કરી શકો છો. 

રિલાયન્સ જિયો માત્ર પ્રીપેડ પ્લાન્સ જ નહીં પરંતુ પોસ્ટપેડની સાથે સસ્તા ભાવમાં બ્રોડબેન્ડ પ્લાન પણ ઓફર કરે છે. તાજેતરમાં કંપનીએ ઘણા પ્લાન્સ અપડેટ કર્યાં છે. જિયોના લિસ્ટમાં કેટલાક એવા પ્લાન્સ છે, જેમાં શાનદાર ઓફર મળે છે. આજે અમે તમને જિયોના એક એવા સસ્તા પ્લાનની જાણકારી આપી રહ્યાં છીએ, જેમાં તમને 84 દિવસની વેલિડિટી મળશે. 

જિયોના જે પ્લાનની અમે વાત કરી રહ્યાં છીએ તે 1499 રૂપિયામાં આવે છે. આ પ્લાન અનેક રીતે ખાસ છે. જો તમે વધુ ડેટા ઈચ્છો છો તો તમે આ પ્લાન લઈ શકો છો. આ સિવાય પ્લાનમાં નેટફ્લિક્સ જેવા ઓટીટી પ્લેટફોર્મનું સબ્સક્રિપ્શન મળે છે. આવો આ પ્લાન વિશે જાણીએ.

તેમાં મળશે ભરપૂર ડેટા
જો તમે જિયો મોબાઈલ નંબરને 1499 રૂપિયાનું રિચાર્જ કરાવો છો તો તમને 84 દિવસની વેલિડિટી મળે છે. તમે આ દરમિયાન કોઈપણ નેટવર્ક પર અનલિમિટેડ કોલિંગ કરી શકો છો. આ પ્લાનમાં કંપની ગ્રાહકોને 84 દિવસ માટે 252 જીબી ડેટા આપે છે. એટલે કે તમે દરરોજ 3જીબી ડેટાનો ઉપયોગ કરી શકો છો. 

ફ્રી મળશે આ બેનિફિટ્સ
જો આ રિચાર્જ પ્લાનના બીજા ફાયદાની વાત કરીએ તો તેમાં દરરોજ 100 SMS આપવામાં આવે છે. સાથે તમને તેમાં ઓટીટીનો પણ ફાયદો મળે છે. આ રિચાર્જ પ્લાનમાં તમને 84 દિવસ માટે નેટફ્લિક્સનું ફ્રી સબ્સક્રિપ્શન મળે છે. ધ્યાનમાં રહે કે તેમાં તમને નેટફ્લિક્સના બેસિક પ્લાનનું સબ્સક્રિપ્શન મળે છે. આ સિવાય તમને જિયો ટીવી, જિયોસિનેમા અને જિયો ક્લાઉડનું સબ્સક્રિપ્શન મળે છે.