અયોધ્યાને નકલી અને શ્રીરામને 'નેપાળી' ગણાવતા નિવેદન પર નેપાળમાં જ ઘેરાયા PM ઓલી

કાઠમંડૂ: નેપાળના પ્રધાનમંત્રી કેપી શર્મા ઓલીએ ભગવાન રામના જન્મસ્થળને લઈને વિવાદિત ટિપ્પણી કરી હતી. ત્યારબાદ હવે ઓલી પર નેપાળમાં જ સવાલ ઊભા થયા છે. નેપાળના અનેક નેતાઓએ ખુલીને ઓલીને નિવેદનનો વિરોધ કર્યો છે. નેતાઓએ કહ્યું કે ભારત અને નેપાળ વચ્ચે તણાવની સ્થિતિ છે ત્યારે આવામાં ઓલીએ આવા દાવા કરવાથી બચવું જોઈએ. 

ઓલી પોતાની સત્તાને જતી જોઈને સતત ભારત પર નિશાન સાધી રહ્યાં છે. સોમવારે તેમણે દાવો કર્યો કે ભારતે સાંસ્કૃતિક અતિક્રમણ માટે નકલી અયોધ્યાનું નિર્માણ કર્યું છે. જ્યારે અસલી અયોધ્યા તો નેપાળમાં છે. ઓલી અગાઉ પણ કહી ચૂક્યા છે કે ભારત તેમને સત્તામાંથી હટાવવા માટે ષડયંત્ર રચી રહ્યું છે. ઓલીએ સવાલ કર્યો કે તે સમયે આધુનિક પરિવહનના સાધન અને મોબાઈલ ફોન નહતા તો રામ જનકપુર સુધી કેવી રીતે આવ્યાં?

આ બાજુ રાષ્ટ્રીય પ્રજાતંત્ર પાર્ટીના સહ અધ્યક્ષ કમલ થાપાએ કહ્યું કે પ્રધાનમંત્રીએ આ પ્રકારના નિરાધાર, અપ્રમાણિત નિવેદનોથી બચવું જોઈએ. થાપાએ ટ્વિટ કરી કે એવું લાગે છે કે પીએમ તણાવનો ઉકેલ લાવવાની જગ્યાએ નેપાળ ભારતના સંબંધ વધુ ખરાબ કરવા માંગે છે. 

प्रमको स्तरबाट यस्ता उटपट्यांग,अपुष्ट र अप्रमाणित कुरा आउनु सर्वथा उपयुक्त छैन।भारतसंग सम्बन्ध सुधार्ने भन्दा बिगार्ने तर्फ प्रमको ध्यान गए जस्तो लाग्छ।नक्सा प्रकाशित गरेर अतिक्रमित भूमी फिर्ताल्याउने प्रयास गर्न छाडेर दुई देशको सम्बन्धमा अनाबश्यक विवाद सिर्जना गर्नु राम्रो होईन https://t.co/jzP5hcH4qu

— Kamal Thapa (@KTnepal) July 13, 2020

એ જ રીતે રાષ્ટ્રીય યોજના આયોગના પૂર્વ ઉપાધ્યક્ષ સ્વર્ણિમ વાગલેએ પણ આ અંગે ચેતવણી ઉચ્ચારી. સોશિયલ મીડિયા યૂઝર્સ પ્રધાનમંત્રીના અયોધ્યાવાળા નિવેદનો પર સતત ટિપ્પણી કરી રહ્યાં છે. કેટલાક હાસ્યાસ્પદ  અને કેટલાક તેને હળવામાં લઈ રહ્યાં છે. જ્યારે કેટલાક ગંભીરતાથી તેમના દાવા પર સવાલ ઉઠાવી રહ્યાં છે. જો કે પીએએ આ ઘટનાનો ઉલ્લેખ કર્યો હતો કે કેટલાક બુદ્ધિજીવીઓ તેમના આ નિવેદન પર મજાક ઉડાવશે કે રામ નેપાળના હતાં. 

Real Ayodhya lies in Nepal, not in India. Lord Ram is Nepali not Indian: Nepali media quotes Nepal Prime Minister KP Sharma Oli (file pic) pic.twitter.com/k3CcN8jjGV

— ANI (@ANI) July 13, 2020

પ્રધાનમંત્રી નિવાસમાં આયોજિત એક કાર્યક્રમમાં ઓલીએ કહ્યું હતું કે ભારતે નકલી અયોધ્યા ઊભી કરીને નેપાળના સાંસ્કૃતિક તથ્યો પર અતિક્રમણ કર્યું છે. ઓલીએ એવો પણ દાવો કરી નાખ્યો કે ભગવાન શ્રીરામની નગરી અયોધ્યા ભારતના ઉત્તર પ્રદેશમાં નહીં પણ નેપાળના વાલ્મિકી આશ્રમ પાસે છે. વાલ્મિકી રામાયણનો નેપાળી અનુવાદ કરનારા નેપાળના આદિકવિ ભાનુભક્તની જન્મ જયંતિના અવસરે આયોજિત એક કાર્યક્રમમાં નેપાળી પ્રધાનમંત્રી બોલી રહ્યાં હતાં. 

हे राम !!
भोलिको भारतीय समाचार: "Oli disavows Ayodhya's Ram, declares him to be Nepali from Birgunj"https://t.co/5yjwKznChp

— Swarnim Waglé (@SwarnimWagle) July 13, 2020

તેમણે કહ્યું કે આપણે  લોકો  હજુ પણ એ જ ભ્રમમાં છીએ કે સીતાનો વિવાહ જે રામથી થયો તે ભારતીય છે. તેઓ ભારતીય નહીં પરંતુ નેપાળી હતાં. જનકપુરથી પશ્ચિમમાં રહેતા વીરગંજની પાસે ઠોરી નામની જગ્યામાં એક વાલ્મિકી આશ્રમ છે તેની પાસે અયોધ્યા છે. રામ ત્યાના જ રાજકુમાર હતાં. વાલ્મિકી નગર નામની જગ્યા હાલ બિહારના પશ્ચિમ ચંપારણ જિલ્લામા છે જેનો કેટલોક હિસ્સો નેપાળમાં પણ છે. 

અત્રે જણાવવાનું કે અનેક દિવસોથી નેપાળમાં કેપી ઓલીના રાજીનામાની માગણી ઉઠી રહી છે. બજેટ સત્રને સ્થગિત કર્યા બાદ કેપી ઓલી એક વટહુકમ લાવીને પાર્ટીને તોડી શકે છે.