ന്യൂഡല്‍ഹി: മാധ്യമങ്ങളുമായുള്ള ഇടപെടലില്‍ പ്രധാനമന്ത്രി നരേന്ദ്ര മോദിയെ പരിഹസിച്ച് കോണ്‍ഗ്രസ് അദ്ധ്യക്ഷന്‍ രാഹുല്‍ ഗാന്ധി.
തിരക്കുപിടിച്ച തിരഞ്ഞെടുപ്പ് പ്രചരണം അവസാനിച്ചല്ലോ, ഇനി തന്‍റെ പാര്‍ട്ട്ടൈം ജോലിയായ പ്രധാനമന്ത്രിയുടെ ജോലി ചെയ്യാന്‍ മോദി സമയം കണ്ടെത്തണമെന്ന് കോണ്‍ഗ്രസ് അദ്ധ്യക്ഷന്‍ രാഹുല്‍ ഗാന്ധി പറഞ്ഞു. നിയമസഭാ തിരഞ്ഞെടുപ്പുകളില്‍ മോദി നടത്തുന്ന അമിത പ്രചാരണങ്ങളെ വിമര്‍ശിക്കുകയായിരുന്നു കോണ്‍ഗ്രസ് അദ്ധ്യക്ഷന്‍ രാഹുല്‍ ഗാന്ധി.
അധികാരമേറ്റ‌്‌ 1,654 ദിവസങ്ങള്‍ പിന്നിട്ടിട്ടും പ്രധാനമന്ത്രി ഒരുതവണ പോലും വാര്‍ത്താ സമ്മേളനം നടത്തിയിട്ടില്ല, രാഹുല്‍ ഗാന്ധി പറഞ്ഞു. പത്രസമ്മേളനത്തില്‍ പങ്കെടുക്കുന്നതും മാധ്യമപ്രവ‌ര്‍ത്തകരുടെ ചോദ്യങ്ങള്‍ക്ക് മറുപടി പറയുന്നതും രസകരമാണെന്നും രാഹുല്‍ ഗാന്ധി ട്വീറ്റില്‍ കുറിച്ചു. കൂടാതെ അദ്ദേഹം ഹൈദരാബാദില്‍ പങ്കെടുത്ത വാ‌ര്‍ത്താസമ്മേളനത്തിന്‍റെ ചിത്രങ്ങളും ട്വീറ്റില്‍ പങ്കുവെച്ചിട്ടുണ്ട്.
രാജസ്ഥാനിലും തെലങ്കാനയിലും തിരഞ്ഞെടുപ്പ് പ്രചരണം അവസാനിച്ച വേളയിലാണ് രാഹുല്‍ ഗാന്ധി പ്രധാനമന്ത്രി നരേന്ദ്രമോദിയെ പരിഹസിച്ച് ട്വീറ്റ് ചെയ്തത്. ഇരു സംസ്ഥാനങ്ങളിലും മുഖ്യ തിരഞ്ഞെടുപ്പ് പ്രചാരകനായി മോദി പലതവണ എത്തിയിരുന്നു.
പ്രധാനമന്ത്രി സ്ഥാനത്ത് എത്തിയശേഷം മോദി ഇതേവരെ പത്രസമ്മേളനം നടത്തിയിട്ടില്ല. എന്നാല്‍ ചില ദേശീയ ചാനലുകള്‍ക്ക് അദ്ദേഹം അഭിമുഖം നല്‍കിയിരുന്നു.
മുന്‍ യുപിഎ സര്‍ക്കാരിനെ പ്രധാനമന്ത്രി മന്‍മോഹന്‍ സിംഗ് "മൗനി"യാണെന്ന് ബിജെപി കണക്കറ്റ് പരിഹസിച്ചിരുന്നു. എന്നാല്‍ 2014ലെ തിരഞ്ഞെടുപ്പിന് മുന്‍പ് അദ്ദേഹം മാധ്യമങ്ങളെ കണ്ടിരുന്നു.
Dear Mr Modi,
Now that campaigning is over, hope you can spare some time for your part-time job as PM.
Btw its been 1,654 days since u became PM. Still no press conference?
Some pics from our Hyderabad PC today. Try one someday, it’s fun having questions thrown at you! pic.twitter.com/Tc3I1kLGBI
— Rahul Gandhi (@RahulGandhi) December 5, 2018
