'लवरात्री'चा कलरफूल ट्रेलर, आयुष शर्माचंं बॉलिवूडमध्ये पदार्पण

मुंबई : यंदा ईदच्या मुहूर्तावर 'लवरात्री'चा टीझर लॉन्च करण्यात आला होता. आज सलमान खानच्या उपस्थितीमध्ये या सिनेमाचा ट्रेलर लॉन्च करण्यात आला आहे. सलमान खानच्या भावंडामधील शेंडेंफळ म्हणजे अर्पिता खान. लवरात्रि या सिनेमातून अर्पिता खानचा पती म्हणजेच आयुष शर्मा बॉलिवूडमध्ये डेब्यू करणार आहे.  

आयुष आणि वरीना हुसेनची केमिस्ट्री 

'लवरात्री' सिनेमामध्ये आयुष आणि वरिना ही नवी जोडी पदार्पण करणार आहे. नवरात्रीच्या काळात जडणारी प्रेमकहाणी या सिनेमात रंगवण्यात आली आहे. 

खान कुटुंबाचा केमिओ 

लवरात्री या सिनेमाची निर्मिती सलमान खान  फिल्मने केली आहे. या सिनेमात सलमान खान केमिओद्वारा झळकण्याची शक्यता आहे. ट्रेलरमध्ये अरबाझ खान आणि सोहेल खान परदेशात पोलिस अधिकार्‍यांच्या भूमिकेत दिसले आहेत. त्यामुळे सलमान खानबाबत अजूनही उत्सुकता आहे. ट्रेलरमध्ये रॉनित रॉय, राम कपूरही दमदार भूमिकेत दिसले आहेत. 

ट्रेलरमध्ये 'लवरात्री'चा लूक रंगबेरंगी आहे. नवरात्रीतील कलरफूल धमाल, गरब्याचा ठेका आणि नवीन चेहरे हे सारेच उत्तमप्रकारे जुळून आले आहे. हा सिनेमा 5 ऑक्टोबरला रीलिज होणार आहे. अभिराज मीनावाला यांनी या चित्रपटाचे दिग्दर्शन केले आहे.