मुलीच्या जन्मानंतर अनुष्का शर्मावर आलं होतं मोठं संकट; मुलाखतीत केला खुलासा

मुंबई  : अनुष्का शर्मा तिच्या 'चकडा एक्सप्रेस' या चित्रपटाच्या तयारीत व्यस्त आहे. या चित्रपटात अनुष्का भारतीय क्रिकेटर झुलन गोस्वामीची भूमिका साकारत आहे.  अनुष्का अनेकदा तिच्या क्रिकेट ट्रेनिंगचे व्हिडिओ शेअर करत असते. आता अनुष्का शर्माने सांगितलं आहे की, मुलगी वामिकाच्या जन्मानंतर ती तिच्या नवीन चित्रपटाच्या शूटिंगसाठी खूप घाबरली होती.

यामुळे अनुष्का घाबरली होती
अनुष्काने हार्पर्स बाजार मॅग्झिन फोटोशूट केलं आहे. या फोटोशूटदरम्यान तिने तिच्या बॉलिवूड कमबॅकबद्दलही सांगितलं. ती म्हणाली, 'मी सुरुवातीपासून चकडा एक्स्प्रेसशी जोडलेली आहे. मला त्यात आधी काम करायचं होतं पण चित्रपट पुढे ढकलला गेला. याचं कारण म्हणजे माझी प्रेग्नंसी आणि कोविड महामारी.

ती पुढे म्हणाली, जेव्हा मी यावर काम करायला सुरुवात केली तेव्हा मी घाबरले होते. कारण तेव्हाच माझ्या बाळाचा जन्म झाला होता आणि मी पूर्वीसारखी मजबूत नव्हती. मी 18 महिने प्रशिक्षण घेतलं नव्हते. त्यामुळे माझी शारीरिक स्थिती चांगली नव्हती. सुरुवातीला मी जिममध्ये वेगवेगळे व्यायाम करायचे.

कंटेंटवर ठेवते विश्वास 
अनुष्का शर्मा म्हणाली की, तिचा चांगल्या कंटेंटवर विश्वास आहे. ती म्हणाली, 'प्रोजेक्ट घ्यावा की नाही याची मला खात्री नव्हती, पण तरीही माझ्या मनाचा आवाज मला सांगायचा की मी ते करायचं. आणि मला त्याच प्रकारचं काम करायचं आहे. मला नेहमीच असे प्रोजेक्ट करायचे आहेत.. जे मनोरंजक आहेत आणि ज्याचा कंटेन्ट बोलका आहे.'

तिचा हसलर कल्चरवर विश्वास नसल्याचंही अनुष्काने सांगितलं आहे. ती म्हणाली, 'मी अधिक होलिस्टिक अप्रोच घेऊन काम करते... दृष्टिकोन. तुम्ही तुमच्या कामाचा आनंद घ्या. तुम्ही तुमच्या आयुष्याचा आनंद घ्या. तुम्ही तेच करायला हवे.

नेटफ्लिक्सवर चित्रपट
चकडा एक्सप्रेस हा चित्रपट क्रिकेटर झुलन गोस्वामीचा बायोपिक आहे. प्रोसित रॉय या चित्रपटाचं दिग्दर्शन करत आहे. चित्रपटाची निर्मिती... क्लीन स्लेट फिल्म्सच्या बॅनरखाली या चित्रपटाची निर्मिती केली जाणार आहे. अनुष्काने तिचा भाऊ कर्णेश शर्मासोबत हे प्रोडक्शन हाऊस उघडलं. जरी अनुष्का आता त्याचा भाग नाही. चकडा एक्सप्रेस नेटफ्लिक्सवर २ फेब्रुवारी २०२३ रोजी प्रदर्शित होईल.