Uric Acid चे खडे तोडण्यासाठी मदत करतील 4 योगासने, सांधेदुखीपासून मिळेल आराम
High Uric Acid : चुकीची जीवनशैली आणि आहारामुळे लोकांना अनेक शारीरिक समस्या जाणवतात. यामुळे अनेकांना शारीरिक व्याधींना सामोरे जावे लागते. अशीच एक शारीरिक समस्या म्हणजे युरिक ऍसिड. युरिक ऍसिडचा अनेकांना गेल्या काहि दिवसांपासून त्रास होतो. युरिक ऍसिडमुळे सांधेदुखी, हाडांमध्ये त्रास, गाऊट, गुडघे दुखी आणि किडनी स्टोनची समस्या जाणवते.
या समस्येपासून कायमची सुटका मिळावी यासाठी लोक वेगवेगळी औषधे खातत. हाय युरिक ऍसिडची समस्या रोखण्यासाठी योगासने तुम्हाला मदत करतात. या चार योगासनांनी तुम्ही युरिक ऍसिड कंट्रोलमध्ये ठेवू शकता. या योगासनांनी संपूर्ण शरीराला आराम मिळेल.
पवनमुक्तासन
हा योग आरोग्यासाठी चांगला आहे. पवनमुक्तासन केल्याने यूरिक ॲसिडच्या उच्च पातळीपासून ते साखर नियंत्रणापर्यंत सर्व काही चांगले आहे. असे केल्याने तुम्ही किडनी, सांधेदुखी इत्यादी समस्यांपासून मुक्त होऊ शकता. पवनमुक्तासन करण्यासाठी पाठीवर झोपा आणि पाय जोडून घ्या. आपले गुडघे वाकवून ते आपल्या पायाला लावा आणि आपल्या हातांनी धरा. शक्य तितक्या वेळ या आसनात रहा आणि नंतर ते पुन्हा करा.
धनुरासन
युरिक ॲसिड कमी करण्यासाठी धनुरासन योग करणे फायदेशीर ठरते. हे करण्यासाठी, योगा चटईवर पोटावर झोपा आणि आपले गुडघे वरच्या दिशेने वाकवा. आता श्वास घेताना, छाती वर करा. पाय मागे वाकवून हाताने पाय धरा. काही वेळ या आसनात राहा आणि नंतर ही प्रक्रिया पुन्हा करा.
भुजंगासन
यूरिक ॲसिडचे प्रमाण कमी करण्यासाठी तुम्ही भुजंगासन करू शकता. हे करण्यासाठी, पोटावर झोपा आणि आपले तळवे कमरेच्या पातळीवर ठेवा. आता श्वास सोडताना हळू हळू वर जा. भुजंगासन केल्याने आरोग्यासाठी इतरही अनेक फायदे होतात.
उस्त्रासन
युरिक ऍसिड नियंत्रित करण्यासाठी उस्त्रासन करावे. हे आसन करण्यासाठी वज्रासन स्थितीत बसून आपले हात टाचांवर ठेवा आणि डोके मागे वाकवून वर जा. मान मागे हलवा जेणेकरून ताण जाणवेल. थोडा वेळ या स्थितीत रहा आणि नंतर पुन्हा करा.
(वरील माहिती सामान्य संदर्भांवरून घेण्यात आली आहे. 'झी २४ तास' याची खातरजमा करत नाही. यामधून कोणत्याही प्रकारच्या उपचाराचा दावा केला गेलेला नाही. कुठलीही लक्षणं जाणवल्यास डॉक्टरांचा सल्ला घ्या.)
Uric Acid चे खडे तोडण्यासाठी मदत करतील 4 योगासने, सांधेदुखीपासून मिळेल आराम
