पंजाबमध्ये मोठी दुर्घटना! गॅस लीक झाल्याने 11 जण ठार, मृतदेह निळे पडले?; संपूर्ण परिसर सील

Punjab Gas Leak: पंजाबमधील (Punjab) लुधियाना (Ludhiana) येथील गियासपुरा येथील एका फॅक्टरीतून गॅस लीक (Gas Leak) झाल्याने 11 जण ठार झाले आहेत. तसंच 11 जणांची प्रकृती बिघडली आहे. त्यांना तात्काळ रुग्णालयात दाखल करण्यात आलं आहे. घटनेची माहिती मिळताच बचावपथक घटनास्थळी पाठवण्यात आलं आहे. तसंच डॉक्टर आणि रुग्णवाहिका यांना तात्काळ घटनास्थळी रवाना करण्यात आलं आहे. दरम्यान, सुरक्षेच्या पार्श्वभूमीवर संपूर्ण परिसर सील करण्यात आला आहे. 

#WATCH | Punjab: Nine dead, 11 hospitalised in an incident of gas leak in Giaspura area of Ludhiana. Visuals from the spot as local administration and medical team reach the spot.

Local officials say that the area has been cordoned off. pic.twitter.com/moDPTVG8XS

— ANI (@ANI) April 30, 2023

"हो नक्कीच गॅस लीक झाला आहे. एनडीआरएफ पथकही घटनास्थळी दाखल झालं असून लोकांना बाहेर काढलं जात आहे. बचावकार्यही सुरु करण्यात आलं आहे. या घटनेत 11 जणांचा मृत्यू झाला असून 11 जणांची प्रकृती गंभीर आहे," अशी माहिती लुधियानाच्या उपविभागीय दंडाधिकारी स्वाती तिवाना यांनी दिली आहे. 

#WATCH | Ludhiana gas leak | Locals narrate their ordeal as Giaspura area, where the incident occurred, gets vacated by the administration.

"...I came to know that five members of my family are unconscious," says a local. #Punjab pic.twitter.com/KlXNNj13BZ

— ANI (@ANI) April 30, 2023

दरम्यान गॅस लीक किती गंभीर आहे आणि कशामुळे झालं आहे याची माहिती अद्याप मिळालेली नाही. एनडीआरएफ याप्रकरणी अधिक तपास करत करेल अशी माहिती स्वाती यांनी दिली आहे. 

स्थानिक अंजन कुमार याने प्रसारमाध्यमांशी बोलताना सांगितलं की "हा विषारी गॅस होता. जवळपास 8 लोक ठार झाले आहेत. तीन मृतदेह निळे पडले होते. श्वास घेण्यासही जमत नाही".

पंजाबचे मुख्यमंत्री भगवंत मान यांनी ही दुर्दैवी घटना असल्याचं म्हटलं आहे. तसंच शक्य ती सर्व मदत दिली जात असल्याची माहिती दिली आहे. भगवंत मान यांनी ट्वीट केलं आहे. "लुधियानात झालेली गॅस लीकची घटना दुर्दैवी आहे. पोलीस प्रशासन, एनडीआरएफ घटनास्थळी दाखल झालं आहे. सर्व मदत केली जात आहे", असं भगवंत मान यांनी ट्वीटमध्ये सांगितलं आहे. 

ਲੁਧਿਆਣਾ ਦੇ ਗਿਆਸਪੁਰਾ ਇਲਾਕੇ ਵਿੱਚ ਫ਼ੈਕਟਰੀ ਦੀ ਗੈਸ ਲੀਕ ਦੀ ਘਟਨਾ ਬੇਹੱਦ ਦੁੱਖਦਾਇਕ ਹੈ..ਪੁਲਿਸ, ਪੑਸ਼ਾਸਨ ਅਤੇ NDRF ਟੀਮਾਂ ਮੌਕੇ ‘ਤੇ ਮੌਜੂਦ ਹਨ ..ਹਰ ਸੰਭਵ ਮਦਦ ਪਹੁੰਚਾਈ ਜਾ ਰਹੀ ਹੈ..ਬਾਕੀ ਵੇਰਵੇ ਜਲਦੀ..

— Bhagwant Mann (@BhagwantMann) April 30, 2023

दरम्यान या घटनेनंतर स्थानिकांमध्ये भीतीचं वातावरण असून 11 जण ठार झाल्याने हळहळ व्यक्त केली जात आहे.