आजपासून नवा बदल! जन्माचा दाखला आजपासून देशभरात महत्त्वाचा पुरावा

Birth Certificate Only One Documents :  1 ऑक्टोबरपासून देशभरात बर्थ सर्टिफिकेट सिंगल डॉक्युमेंट्स होणार आहे. या बदलामुळे आता तुम्हाला आधार कार्ड , पासपोर्ट, ड्रायव्हिंग लायसन्स ते अगदी मॅरेज सर्टिफिकेटपर्यंत यासारख्या कोणत्याच कागदपत्राची गरज लागणार नाही. 'जन्म आणि मृत्यू पंजीकरण अधिनियम 2023' अंतर्गत हा बदल करण्यात आलाय.

काय असते बर्थ सर्टिफिकेट

बर्थ सर्टिफिकेट म्हणजे जन्माचा दाखला असे कागदपत्र आहे. ज्यामध्ये बाळाच्या जन्माचे स्थान, लिंग आणि अन्य महत्त्वाची माहिती जशी की, आई-वडिलांची नावे यासारखी माहिती असे. याद्वारे बाळाची ओळख होऊ शकते. बाळाकडे आधार कार्ड असल्यावरही जन्माचा दाखला अत्यावश्यक आहे. 

एक वर्षांपर्यंतच्या बाळाचा दाखला 

नवजात किंवा एक वर्षापर्यंतच्या मुलाच्या जन्मावर, महानगरपालिकेच्या झोन कार्यालयातून जन्म प्रमाणपत्र जारी केले जाते. यासाठी रुग्णालयात किंवा घरी जन्म झाल्यास संबंधित झोनमध्ये अर्ज करण्याचा नियम आहे. रुग्णालयात जन्मलेल्या मुलाचे प्रमाणपत्र मिळविण्यासाठी रुग्णालय ज्या झोन कार्यालयात येते त्या कार्यालयात अर्ज करावा लागेल. जर मुलाचा जन्म घरी झाला असेल, तर घर ज्या झोनमध्ये आहे तेथे अर्ज करावा लागेल. आवश्यक कागदपत्रे दिल्यानंतर, ते जन्म प्रमाणपत्राच्या https://crsorgi.gov.in/web/index.php/auth/login वेबसाइटवर सर्व कागदपत्रे अपलोड करेल. तेथून जन्म प्रमाणपत्र जारी केले जाते जे संपूर्ण भारतात वैध आहे. हे प्रमाणपत्र कुठूनही छापले जाऊ शकते. जन्म दाखला मिळवण्यासाठी, कोणीही https://crsorgi.gov.in/web/index.php/auth/login या वेबसाइटवर थेट अर्ज करू शकतो.

वर्षभरापेक्षा अधिक बाळ असेल तर असे बनवा सर्टिफिकेट 

आतापर्यंत एक वर्षांवरील मुलांचा जन्म दाखला काढण्यासाठी नगर दंडाधिकार्‍यांची परवानगी घ्यावी लागत होती, मात्र आता एसडीएमकडे अर्ज करावा लागणार आहे. एसडीएम अर्जदाराची चौकशी करतील. अहवालासह सर्व पुरावे आणि माहिती योग्य असल्याचे आढळल्यास, एसडीएम स्तरावरून महापालिकेच्या आरोग्य अधिकाऱ्याकडे अहवाल पाठविला जातो आणि ज्या झोनमध्ये घर आहे त्या झोनच्या झोन कार्यालयाकडून प्रमाणपत्र दिले जाते. किंवा हॉस्पिटल आहे. अर्जदाराला विलंब शुल्क म्हणून 10 रुपये भरावे लागतील.

ही कागदपत्रे महत्त्वाची 

हॉस्पिटलमध्ये बाळाचा जन्म झाल्यास 
हॉस्पिटलचे डिस्चार्ज स्लिप 
आई-वडिलांचे आधार कार्ड, मतदान, ड्रायव्हिंग लायसेन्स, पॅन कार्ड

घरी जन्म झाल्यास 

नगरसेवकाने प्रमाणित केलेले पत्र
दोन्ही पालकांचे आधार किंवा मतदार ओळखपत्र, ड्रायव्हिंग लायसन्स, पॅन कार्ड यासह ओळखीसाठी इतर कोणतेही दस्तऐवज
नगरसेवक नसल्यास सेक्टर वॉर्डनच्या पत्रासह पालकांची कागदपत्रेही वैध आहेत.