ममतांनी घेतली सोनिया गांधींची भेट, विरोधकांना मजबूत करण्याबाबत चर्चा
आगामी लोकसभा निवडणुकीत मोदी सरकार विरुद्ध सर्व विरोधक एकत्र येणार का?
)
नवी दिल्ली : संसदेच्या पावसाळी अधिवेशनादरम्यान काँग्रेसच्या अध्यक्षा सोनिया गांधी आणि पश्चिम बंगालच्या मुख्यमंत्री ममता बॅनर्जी यांची बुधवारी संध्याकाळी दहा जनपथ येथे भेट झाली. या दरम्यान, दोन्ही विरोधी पक्षांच्या प्रमुख नेत्यांनी 2024 च्या लोकसभा निवडणुकीवर चर्चा केली. यापूर्वी मंगळवारी काँग्रेसचे ज्येष्ठ नेते कमलनाथ आणि आनंद शर्मा यांनी ममता बॅनर्जी यांची भेट घेतली.
सूत्रांनी दिलेल्या माहितीनुसार, बैठकीत केंद्र सरकारमधील भाजप सरकारला पेगासससह इंधन दरवाढ, लस आणि जनहिताशी संबंधित इतर बाबींवर घेराव घालण्याचे धोरण आखले गेले. पश्चिम बंगालच्या मुख्यमंत्री ममता बॅनर्जी म्हणाल्या की, सोनियाजींनी मला चहासाठी आमंत्रित केले होते. राहुल जी तिथेही होते. आम्ही सर्वसाधारणपणे राजकीय परिस्थिती, पेगासस हेरगिरी प्रकरण आणि देशातील कोरोना परिस्थिती यावर चर्चा केली. तसेच विरोधकांच्या ऐक्याबाबत चर्चा केली. मला असे वाटते की भविष्यात सकारात्मक परिणाम दिसून यावेत.
पश्चिम बंगालच्या मुख्यमंत्री आणि तृणमूल काँग्रेसच्या नेत्या ममता बॅनर्जी यांना जेव्हा विरोधी पक्षनेतेपदाचे नेतृत्व करणार का असे विचारले होते. तेव्हा ते म्हणाले की, भाजपला हरवण्यासाठी सर्वांनी एकत्र येणे आवश्यक आहे. मी एकटी काहीच नाही, प्रत्येकाने एकत्र काम केले पाहिजे.'
Delhi: Congress interim president Sonia Gandhi and West Bengal Chief Minister Mamata Banerjee met at 10 Janpath today. pic.twitter.com/TIanzLwOeV
— ANI (@ANI) July 28, 2021
तत्पूर्वी, ममता बॅनर्जी यांनी बुधवारी सकाळी पक्षाच्या खासदारांची बैठक घेतली. ममता यांच्या अध्यक्षतेखाली तृणमूल संसदीय पक्षाची ही बैठक सुखेंद्रू शेखर राय यांच्या निवासस्थानी झाली.
विशेष म्हणजे तृणमूल संसदीय पक्षाच्या नुकत्याच अध्यक्षपदी निवड झाल्यानंतर ममतांनी पक्षाच्या खासदारांशी केलेली ही पहिली बैठक होती. तृणमूलचे एक ज्येष्ठ नेते म्हणाले की, य'ा बैठकीत मुख्यमंत्र्यांनी संसद ते रस्त्यापर्यंत मोदी सरकारला घेराव घालण्यासाठी पेगासस व इतर बाबींसह सर्व खासदारांना महत्त्वपूर्ण सूचना दिल्या.'
Delhi CM Arvind Kejriwal meets West Bengal CM Mamata Banerjee in Delhi pic.twitter.com/75i1VYwWdF
— ANI (@ANI) July 28, 2021
ममता बॅनर्जी यांनी यानंतर दिल्लीचे मुख्यमंत्री अरविंद केजरीवाल यांचीही भेट घेतली.