Corona : कोरोनाविरुद्धच्या लढाईसाठी सरकारचा मोठा निर्णय, सर्व यंत्रणा कामाला

Covid-19 mock drills States to check hospital preparedness

Coronavirus : देशभरात कोरोनाचा (Corona Update ) पुन्हा धसका वाढताना दिसत आहे. कोरोना रुग्णसंख्येत दिवसागणिक वाढ होत चालली आहे. याबाबतीत नवनवीन आकडे समोर येत आहे. यामुळे सरकारीपातळीवर धास्ती असतानाच सर्वसामान्यही लोकही भयभीत झाले आहेत. गेल्या 24 तासांत कोरोनाचे 5,357 नवीन रुग्ण आढळले. यासह देशातील सक्रिय कोरोना रुग्णांची संख्या 32,814 झाली आहे. तर दिल्लीत कोरोना पॉझिटिव्ह दर 20 टक्क्यांहून अधिक आहे. याचपार्श्वभूमीवर केंद्र आणि राज्य सरकारकडून महत्त्वाचे निर्णय घेण्यात येणार आहे. यामध्ये राज्यातील सर्व रुग्णालयांमध्ये मॉक ड्रीलच्या (Covid-19 Mock Drill) माध्यमातून साथीच्या रोगाचा सामना करण्यासाठी किती सज्ज आहोत, हे तपासले जाणार आहे. 

देशभरात पुन्हा कोरोना झपाट्याने पसरत आहे. रविवारी (9 एप्रिल 2023) राज्यातील 13 जिल्ह्यांमध्ये 42 नवे कोरोनाचे रुग्ण आढळले. पाटण्यात सर्वाधिक 14 प्रकरणे आढळून आली आहेत. शनिवारी एक दिवस आधी  राज्यभरात 46 आणि पाटण्यात 27 रुग्ण आढळले होते. अशा प्रकारे एका दिवसात नवीन रुग्ण येण्याचे प्रमाण कमी झाले आहे. त्याच वेळी, राज्यातील सक्रिय कोरोना रुग्णांची संख्या 145 वर गेली आहे.  

वाचा : कुठे जोरदार तर, कुठे पावसाच्या तुरळक सरी; पुढील 5 दिवसांसाठी हवामान खात्याचा इशारा 

दरम्यान कोरोनाची (Coronavirus) वाढती संख्या लक्षात घेऊन कोरोना बाधित रुग्णांबाबत रुग्णालयांच्या तयारीचा आढावा घेण्यासाठी सोमवारी (10 एप्रिल 2023) राज्यातील सर्व रुग्णालयांमध्ये मॉकड्रिल घेण्यात येणार आहे. या संदर्भात राज्याच्या आरोग्य समितीने सर्व रुग्णालयांना मार्गदर्शक सूचना जारी केल्या आहेत. याच क्रमाने इंदिरा गांधी इन्स्टिट्यूट ऑफ मेडिकल सायन्सेस (IGIMS) येथे सकाळी 9.30 वाजता मॉकड्रिल घेण्यात येईल. या अंतर्गत कोरोना संसर्गाच्या गंभीर रुग्णांना रुग्णवाहिकेद्वारे आणण्यापासून ते त्यांच्या वैद्यकीय प्रोटोकॉलची चाचणी केली जाईल.

मॉकड्रिल दरम्यान संक्रमित रुग्णाला रुग्णवाहिकेतून उतरवल्यानंतर त्याला स्ट्रेचरवर नेण्यात आले आणि त्याला वेगाने कोरोना वॉर्डमध्ये हलवण्यात आले. डॉक्टरांकडून प्राथमिक तपासणी, ऑक्सिजन मास्कपासून ते व्हेंटिलेटरपर्यंत रुग्णाला देण्याचा सराव केला जाईल. कोणत्याही प्रकारच्या आपत्कालीन परिस्थितीसाठी रुग्णालय पूर्णपणे सज्ज आहे. तसेच मॉक ड्रीलमध्ये तयारीचा गांभीर्याने आढावा घेतला जाईल, अशी माहिती IGIMS उपसंचालक कम हॉस्पिटलचे अधीक्षक मनीष मंडल (manish mandal) यांनी दिली. 

केंद्रीय आरोग्य मंत्री एम्स झज्जरमध्ये राहणार उपस्थित

येत्या काही दिवसांत रुग्णालयांवरील दबाव वाढल्यास सज्जतेचे मूल्यांकन करण्यासाठी 10 आणि 11 एप्रिल रोजी देशभरातील रुग्णालयांमध्ये मॉक ड्रिल घेण्यात येणार आहे . केंद्रीय आरोग्य मंत्री डॉ.मनसुख मांडविया सोमवारी (10 एप्रिल) सकाळी एम्स, झज्जरला भेट देऊन तयारी पाहणार आहेत. कोविडची परिस्थिती लक्षात घेऊन आरोग्यमंत्र्यांनी सर्व राज्यांच्या आरोग्य मंत्र्यांना आपापल्या राज्यातील आरोग्य सुविधा आणि पायाभूत सुविधा पाहण्यास सांगितले आहे. रुग्णालयातील औषधांचा साठा तपासला जाणार. तसेच कोविड बेडची स्थिती पाहणार आहेत. ऑक्सिजन आणि आयसीयू बेडच्या स्थितीचाही आढावा घेतला जाईल.

2022 मध्येही मॉक ड्रिल

डिसेंबर 2022 मध्येही अशाप्रकारे मॉक ड्रिल (Covid-19 Mock Drill) करण्यात आली होती.  त्यावेळी देशभरातील 20 हजारांहून अधिक रुग्णालये, वैद्यकीय महाविद्यालये, प्राथमिक आरोग्य केंद्रे, सामुदायिक आरोग्य केंद्रांमध्ये मॉक ड्रील घेण्यात आल्या होत्या. मॉक ड्रीलमध्ये हे दिसून येईल की, रुग्णालयात येणाऱ्या रुग्णांच्या संख्येनुसार कोविड बेडची व्यवस्था आहे की नाही? तसेच, येत्या काही दिवसांत रुग्ण वाढले तर त्यानुसार किती कोविड बेडची व्यवस्था करता येईल? हॉस्पिटलमध्ये किती ऑक्सिजन आणि आयसीयू बेड आहेत आणि आढावा घेतल्यानंतर हॉस्पिटलमध्ये कोविड बेड, ऑक्सिजन किंवा आयसीयू बेड्स वाढवण्याबाबत सूचनाही जारी केल्या. रुग्णालयांमध्ये किती उपकरणे कार्यरत आहेत? किती व्हेंटिलेटर चालू आहेत? किती PSA प्लांट कार्यरत आहेत? किती टक्के ऑक्सिजन सिलिंडर कार्यरत आहेत? ऑक्सिजनचे केंद्रीकरण किती चांगले आहे? हे सर्व मॉकड्रिलमध्ये तपासले गेले. डॉक्टर आणि कर्मचाऱ्यांच्या स्थितीचाही आढावा घेतला जाईल.

औषधांचा साठाही तपासला जाणार

मॉक ड्रिलमध्ये औषधांचा साठा विशेषत: तपासला जाईल. कोविड रुग्णांच्या उपचारात वापरल्या जाणाऱ्या औषधांच्या साठ्याची तपासणी केली जाणार आहे. कोणत्याही रुग्णालयात औषधांचा तुटवडा आढळून आल्यास औषधांचा साठा तातडीने दूर करण्याचे निर्देश प्रशासनाला देण्यात आले आहेत. पॅरासिटामॉल, अजिथ्रोमायसिन, डॉक्सीसायक्लिन या औषधांसह सर्व प्रकारच्या औषधांचा साठा तपासला जाईल. तसेच या रुग्णालयांमध्ये लाईफ सपोर्ट रुग्णवाहिका, अॅडव्हान्स लाईफ सपोर्ट रुग्णवाहिका यांचीही तपासणी करण्यात येणार आहे.